Халқаро олимпия қўмитаси Президенти Томас Бах Тошкентга келади
  • 03 Ноябрь 2017

Халқаро олимпия қўмитаси Президенти Томас Бах Тошкентга келади

Чехия пойтахти Прагада Миллий олимпия қўмиталари Ассоциациясининг XXII Бош Ассамблеяси бўлиб ўтмоқда.

Унда Ассоциацияга аъзо барча – 206 та Миллий олимпия қўмиталари вакиллари, Халқаро ва қитъа Олимпия қўмиталари раҳбарлари, Бутунжаҳон спорт федерациялар ва Ассоциациялар мутасаддилари иштирок этмоқда.

Ўзбекистон Миллий олимпия қўмитаси ахборот хизматининг хабарига кўра, мамлакатимиз номидан МОҚА Бош Ассамблеясида Ўзбекистон Миллий олимпия қўмитаси Бош котиби Ойбек Касимов қатнашмоқда.

У ассамблея доирасида Халқаро спорт ташкилотлари раҳбарлари билан учрашувлар ва музокаралар ўтказиши режалаштирилган. Ойбек Касимов Халқаро олимпия қўмитаси Президенти Томас Бах билан учрашди.

Жаҳоннинг нуфузли спорт ташкилоти раҳбари Ўзбекистонда мазкур соҳасда амалга оширилаётган ислоҳотларни кузатиб бораётгани, юртимизда спортга давлат томонидан кўрсатилаётган юксак эътибор ва ғамҳўрликдан мамнун эканини билдирди.

Ойбек Касимов Халқаро олимпия қўмитаси Президентини Тошкентга таклиф қилди. Томас Бах таклифни мамнуният билан қабул қилиб, 2018-йилги Пьёнгчан (Жанубий Корея)даги қишки Олимпия ўйинлари якунлангач, март ойида пойтахтимизга ташриф буюришини маълум қилди.

 

 

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn