Нуфузли мусобақа арафасида
  • 21 Октябрь 2017

Нуфузли мусобақа арафасида

Футбол бўйича 19 ёшгача бўлган Ўзбекистон ёшлар терма жамоаси жорий йилнинг 30 октябрь — 8 ноябрь кунлари Осиё чемпионатининг саралаш баҳсларида қатнашади.

Беллашувларда вакилларимиз “В” гуруҳида Шри-Ланка, Мальдив ороллари, Бангладеш ҳамда мезбон мамлакат — Тожикистон терма жамоалари билан қитъа биринчилиги йўлланмаси учун куч синашади.

Александр Мочинов мураббийлигидаги футболчиларимиз мусобақага пухта тайёргарлик кўриш мақсадида хориждаги ўқув-машғулот йиғинини Қатарда ўтказдилар. Унинг доирасида ушбу мамлакат ёшлар терма жамоасига қарши ўртоқлик учрашувида майдонга тушган вакилларимиз 4:2 ҳисобида зафар қучди. Голларни Ислом Кенжабоев, Жаҳонгир Абдусаломов, Дилшод Саидов ва Асадбек Собиржонов киритди.

Суннатилла ИСЛОМОВ.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn