Олимпиада йўлланмасини қўлга киритди
  • 17 Октябрь 2017

Олимпиада йўлланмасини қўлга киритди

Сингапурда академик эшкак эшиш бўйича ўсмирлар ўртасида ўтказилган Осиё чемпионатида Ўзбекистон терма жамоаси учта олтин ва битта бронза медалга сазовор бўлди.

Жумладан, JM4X қайиғида Евгений Агафонов, Абдулазиз Раҳимжонов, Давржон Давронов ва Жасурбек Мавлоновдан иборат тўртлик чемпионликка эришди. JM4- йўналишида 2000 метр масофага кечган баҳсда Элёр Раупов, Сардор Тўлқинхўжаев, Шаҳзод Нурматов ва Алишер Турдиев квартети маррага биринчи бўлиб етиб келди.

JM2- қайиғида Сардор Тўлқинхўжаев ва Алишер Турдиев жуфтлиги ғолиб чиқди. Яккаликда эса Жасур Мавлонов бронза медаль билан тақдирланди.

Қизлар ўртасидаги яккалик мусобақасида Камила Мақсутова тўртинчи ўринни эгаллаб, 2018 йили Аргентинада ўсмирлар ўртасида бўладиган III ёзги Олимпия ўйинларида иштирок этиш ҳуқуқини қўлга киритди. Демак, лицензияларимиз сони иккитага етди. Гап шундаки, жорий йилнинг август ойида Латвия мезбонлик қилган ўсмирлар ўртасидаги жаҳон чемпионатида Алишер Турдиев ва Сардор Тулқинхўжаев жуфтлиги ҳам Аргентина Олимпиадаси йўлланмасига эга чиққанди.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn