Гран-при турнири бошланди
  • 07 Октябрь 2017

Гран-при турнири бошланди

Пойтахтимизда дзюдо бўйича Гран-при туркумига кирувчи халқаро турнир бошланди.

Халқаро дзюдо федерацияси (IJF), Ўзбекистон Республикаси Жисмоний тарбия ва спорт давлат қўмитаси, Миллий олимпия қўмитаси, мамлакатимиз дзюдо федерацияси томонидан қатор вазирлик ҳамда ташкилотлар билан ҳамкорликда ташкил этилган мазкур нуфузли турнирда дунёнинг 30 га яқин давлатларидан 180 дан ортиқ спортчилар совринли ўринлар учун курашмоқда.

“Ўзбекистон” спорт мажмуасида 6 октябрь куни нуфузли мусобақанинг очилиш маросими бўлди.

Байрамона безатилган спорт мажмуаси меҳмонлар, спортчи ва мураббийлар, мухлислар билан гавжум. Майдонга халқаро турнир иштирокчи мамлакатлар терма жамоалари кириб келади.

Ўзбекистон Республикаси Давлат мадҳияси янграйди.

Мусобақанинг очилишида Ўзбекистон Республикаси Жисмоний тарбия ва спорт давлат қўмитаси раиси Р. Қурбонов ҳамда бошқалар мамлакатимизда ёш авлодни жисмонан ва маънан соғлом этиб тарбиялаш, спортни ривожлантириш, бу жараёнда Олимпия спорт турларини янада оммалаштириш, жаҳон майдонларида Ватанимиз шарафини муносиб ҳимоя қилишга қодир истеъдодли спортчиларни тайёрлаш ва уларни ҳар томонлама қўллаб-қувватлашга доимий эътибор қаратилаётганини алоҳида таъкидлади.

Мусобақанинг дастлабки кунида Шарофиддин Лутфуллаев ва Сардор Нуриллаев ўз вазн -тоифасида бронза медални қўлга киритди.

Байрам АЙТМУРОДОВ,

ЎзА мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn