Осиё ўйинларида Ўзбекистоннинг энг маҳоратли спортчилари қатнашади
XS.UZ
Январь — октябрь ойларида 141 минг 682 нафар қишлоқ жойларда яшовчи фуқаро иш билан таъминланди Шўрчида йилига 3 минг тонна ип-калава ишлаб чиқарилади Марказий Осиёдаги энг қадимий ёзув Қорақалпоғистондан топилган Австрия банки ўзбекистонлик ёш тадбиркорларга имтиёзли кредитлар тақдим этади Ўзбекистон чемпионати: олтин, кумуш ва бронза медаллари эгалари маълум Ўзбекистон ва Япония терма жамоалари ўртасида ўртоқлик учрашувлари ўтказилади “Амалиёт эътирофи — 2017” ёш журналист кадрлар рағбатлантирилди Тошкентга АҚШ Конгресси Вакиллар палатаси аъзоси Трент Келли бошчилигидаги делегация келади  Тошкентда Марказий Осиё давлатларининг сув бўйича ҳамкорлигига бағишланган халқаро конференция ўтказилади Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз
  • 14 Сентябрь 2017

Осиё ўйинларида Ўзбекистоннинг энг маҳоратли спортчилари қатнашади

17 — 27 сентябрь кунлари Ашхобод шаҳрида Ёпиқ иншоотларда ва жанг санъатлари бўйича V Осиё ўйинлари бўлиб ўтади. Туркманистон пойтахтида мазкур нуфузли мусобақани юқори савияда ўтказиш учун катта тайёргарлик кўрилди.

Ўзбекистон Миллий олимпия қўмитаси томонидан маълум қилинишича, унда илк бор 64 мамлакат спортчилари иштирок этади. Шундан 45 таси Осиё, 19 таси Океания минтақаси давлатларидир. Ватанимиз шарафини 189 нафар энг маҳоратли -атлетимиз ҳимоя қилади. 

Ёпиқ иншоотларда ва жанг санъатлари бўйича Осиё ўйинлари дастлаб 2005 йилда Таиландда ташкил этилган. 2007 йилда ушбу спорт анжуманига Макао, 2009 йилда Вьетнам мезбонлик қилган. Шундан сўнг уни худди Олимпиада цикли каби ҳар тўрт йилда бир бор ўтказишга келишилган. 2013 йили Жанубий Кореянинг Инчеон шаҳри мезбонлик қилган мусобақа дастурига жанговар санъат турлари киритилган. 

V Осиё ўйинлари дастуридан бу сафар 21 спорт тури ўрин олди. Булар: шахмат, футзал, теннис, муайтай, самбо, кураш, жиу-житсу, боулинг, велопойга (трек), сузиш (50 метрлик бассейнда), енгил ва оғир атлетика (пауэрлифтинг), баскетбол, таэквондо (WTF), кикбоксинг, белбоғли кураш, спорт курашлари (эркин ва юнон-рум), бильярд, спорт рақслари, конкур ва гореш (туркман миллий кураши).

Таъкидлаш жоизки, мамлакатимиз бу каби йирик халқаро беллашувларда муносиб иштирок этишга қодир спортчиларни тайёрлаш борасида катта тажриба тўплаган. Жумладан, Биринчи Президентимиз томонидан асос солинган ва мунтазам равишда ўтказиб келинаётган “Умид ниҳоллари”, “Баркамол авлод” ва Универсиада спорт ўйинлари нафақат ёш авлодни жисмонан соғлом, маънан етук инсонлар сифатида тарбиялаш, балки улар орасидан халқаро майдонларда Ватанимиз шарафини муносиб ҳимоя қиладиган истеъдодларни саралаб олишда ҳам муҳим аҳамият касб этмоқда. V Осиё ўйинларида қатнашадиган атлетларимизнинг аксарияти айнан уч босқичли спорт ўйинларида ўз иқтидор ва маҳоратини намойиш қилиб, мутахассислар эътиборига тушган шижоатли ёшлардир. Масалан, Иван Ефремов, Фарҳодбек Собиров, Достон Ёқубов (оғир атлетика), Элмурат Тасмуратов, Ихтиёр Наврўзов, Бекзод Абдураҳмонов (спорт курашлари), Валентин Хегай, Умида Абдуллаева таэквондо (WTF), Нодира Нодиржонова, Сарвиноз Қурбонбоева (шахмат), Надия Дусанова (енгил атлетика) каби атлетларимиз кейинчалик қатор халқаро мусобақаларда ҳам юксак натижаларга эришган. 

Спортчиларимизнинг Ашхободда бўладиган баҳсларга муносиб тайёргарлик кўришида давлатимиз раҳбарининг 2017 йил 9 мартдаги Ўзбекистон спортчиларини 2020 йил Токио шаҳрида (Япония) бўлиб ўтадиган XXXII ёзги Олимпия ва XVI Пар-алимпия ўйинларига тайёрлашга оид қарори муҳим асос бўлди. Чунки Осиё ўйинлари Олимпиада ўйинлари учун маҳорат мактаби вазифасини ҳам ўтаб беради.  Юқорида номи келтирилган ҳужжат ижроси доирасида ўқув-йиғин машғулотлари ташкил этилиб, уларга мамлакатимизнинг энг малакали мураббий ҳамда мутахассислари жалб қилинди. Умид қиламизки, вакилларимиз V Осиё ўйинларида жонажон Ўзбекистонимиз номини янада улуғлашга муносиб ҳисса қўшади. 

Ўзбекистон спорт делегацияси 15 сентябрь куни Туркманистонга жўнаб кетади.

Фазлиддин АБИЛОВ,

«Халқ сўзи» мухбири.

 

СЎНГГИ ЯНГИЛИКЛАР