XS.UZ
Ўзбекистон Президенти Америка Қўшма Штатларига келди Шавкат Мирзиёев Осиё ўйинларининг очилиш маросимида иштирок этди Ўзбекистон ва Қирғизистон Президентларининг телефон орқали мулоқоти тўғрисида Ижтимоий адолатни қарор топтириш Она тилига эътибор ва масъулият Соғлом рақобат муҳити кучаяди Ўзбек халқи Мьянмалик қочқинларга ёрдам қўлини узатди Бой тажриба ва ибрат мактаби Сурхондарё соҳилида янги сўлим маскан Давлат идораларида мурожаатларга муносабат ўзгармоқда Дастлабки кунда ўн учта медаль Осиё чемпионати якунланди АКТ Саммити, роботлар намойиши ва интерактив лойиҳалар Тадбиркорларнинг ишончли ҳимоячиси Солиқ имтиёзлари аҳоли турмуш фаровонлиги кафолатидир Тиббий патронаж хизмати янгича ёндашув, изчил фаолият ва фидойи меҳнатни талаб этади Яқин қардошлик ва ўзаро манфаатдорликка асосланган ҳамкорликнинг янги босқичи Ўзбекистон Президентининг Америка Қўшма Штатларига ташрифига доир Ўзбекистон — БМТ: барқарорлик, тараққиёт ва фаровонлик йўлидаги ҳамкорлик Нодавлат таълим хизматлари кўрсатиш фаолиятини янада ривожлантириш чора-тадбирлари тўғрисида Ўзбекистон элчиси Бельгияликлар Қиролига ишонч ёрлиқларини топширди Ўзбекистон – Қозоғистон бизнес-форуми Ҳуқуқий ахборот ўз вақтида, муфассал ва очиқ етказилади Бошқарувнинг илғор усуллари жорий этилади Пойтахтимиз ижтимоий-сиёсий ҳаётида муҳим тадбир Атроф-муҳит мусаффолиги барчамиздан юксак масъулият талаб этади Муҳаммад ал-Хоразмий номидаги ахборот-коммуникация технологиялари йўналишига оид фанларни чуқурлаштириб ўқитишга ихтисослаштирилган мактабни ташкил этиш тўғрисида Мирзо Улуғбек номидаги ихтисослаштирилган давлат умумтаълим мактаб-интернатини ва «астрономия ва аэронавтика» боғини ташкил этиш тўғрисида Ўзбекистон Президентининг Туркманистонга ташрифига доир Спорт — тинчлик ва ҳамкорлик таянчи
  • 06 Сентябрь 2017

Оммавий спорт —  соғлом турмуш омили

Республикамиз ҳудудларида оммавий спортни янада ривожлантириш, аҳолининг барча қатлами, айниқса, ёш йигит-қизларни турли машғулотларга кенг жалб қилиш мақсадида қатор чора-тадбирлар амалга оширилмоқда. Хусусан, юртимиздаги спорт мажмуаларидан самарали фойдаланиш бўйича комплекс режалар белгиланиб, амалиётга босқичма-босқич татбиқ этилаётгани эътиборга моликдир.

Миллий матбуот марказида Ўзбекистон Республикаси Жисмоний тарбия ва спорт давлат қўмитаси томонидан уюштирилган “Жисмоний тарбия ва оммавий спортни янада ривожлантириш, ёшларни спортга янада кенгроқ жалб қилиш, пуллик спорт тўгараклари нархларини арзонлаштириш борасида белгиланган чора-тадбирлар” мавзуидаги анжуманда ана шулар хусусида атрофлича фикр юритилди. Унда қўмита таркибидаги бошқарма бошлиқлари, тегишли мутасаддилар ҳамда оммавий ахборот воситалари -ходимлари қатнашди.

Маълумки, Президентимизнинг 2017 йил 3 июндаги “Жисмоний тарбия ва оммавий спортни янада ривожлантириш чора-тадбирлари тўғрисида”ги қарорига биноан, Ўзбекистон Республикасида жисмоний тарбия ва оммавий спортни янада ривожлантириш дастури қабул қилинган эди. Мазкур дастур спорт соҳасини ташкил этиш ва бошқариш тизимини яхшилашга йўналтирилган қонунчиликни янада такомиллаштириш, унинг моддий-техника базасини мустаҳкамлаш, замонавий мажмуаларни қуриш, кадрлар тайёрлаш ҳамда малакасини ошириш, спорт мактабларини юқори малакали мураббийлар ва тиббиёт ходимлари билан таъминлаш каби муҳим йўналишларни қамраб олган. Дастурга мувофиқ, 2017 — 2021 йилларда жисмоний тарбия ва оммавий спортни янада ривожлантириш учун жами 995,2 миллиард сўмдан зиёд маблағ сарфланиши мўлжалланмоқда.

Тадбирда сўзга чиққан Жисмоний тарбия ва спорт давлат қўмитаси раисининг ўринбосари Фарҳод Турдиевнинг айтишича, қўмита тизимида 225 та болалар ва ўсмирлар спорт мактаби, 54 та ихтисослаштирилган болалар ва ўсмирлар спорт мактаби, 15 та олимпия захиралари коллежи ҳамда футболга ихтисослаштирилган 26 та мактаб-интернат фаолият кўрсатиб келаяпти. Шунингдек, ҳозирги вақтда спортнинг олимпия турларини ўзлаштиришга талаб ортаётганлиги сабабли умумтаълим мактабларида тўгараклар сони ҳам ошиб бораётир. 

Бугунги кунда спорт мажмуаларида пуллик хизматлар ҳам жорий қилинган бўлиб, маҳоратини ошириш хоҳиши бўлган ёшларга малакали мураббийлар бириктирилган. Пуллик хизматлар нархи спорт турига талаб ҳамда эҳтиёждан келиб чиққан ҳолда, индивидуал ёки қўшимча равишда шуғулланиш бўйича белгиланган. 

Қизғин баҳс-мунозаралар остида ўтган анжуманда бир қатор масалалар бўйича таклиф-мулоҳазалар билдирилди.

Суннатилла ИСЛОМОВ.

 

Кўриш қобилияти чекланганлар учун

A- A A+

Кўп ўқилган