XS.UZ
Ўзбекистон Президенти Америка Қўшма Штатларига келди Шавкат Мирзиёев Осиё ўйинларининг очилиш маросимида иштирок этди Ўзбекистон ва Қирғизистон Президентларининг телефон орқали мулоқоти тўғрисида Ижтимоий адолатни қарор топтириш Она тилига эътибор ва масъулият Соғлом рақобат муҳити кучаяди Ўзбек халқи Мьянмалик қочқинларга ёрдам қўлини узатди Бой тажриба ва ибрат мактаби Сурхондарё соҳилида янги сўлим маскан Давлат идораларида мурожаатларга муносабат ўзгармоқда Дастлабки кунда ўн учта медаль Осиё чемпионати якунланди АКТ Саммити, роботлар намойиши ва интерактив лойиҳалар Тадбиркорларнинг ишончли ҳимоячиси Солиқ имтиёзлари аҳоли турмуш фаровонлиги кафолатидир Тиббий патронаж хизмати янгича ёндашув, изчил фаолият ва фидойи меҳнатни талаб этади Яқин қардошлик ва ўзаро манфаатдорликка асосланган ҳамкорликнинг янги босқичи Ўзбекистон Президентининг Америка Қўшма Штатларига ташрифига доир Ўзбекистон — БМТ: барқарорлик, тараққиёт ва фаровонлик йўлидаги ҳамкорлик Нодавлат таълим хизматлари кўрсатиш фаолиятини янада ривожлантириш чора-тадбирлари тўғрисида Ўзбекистон элчиси Бельгияликлар Қиролига ишонч ёрлиқларини топширди Ўзбекистон – Қозоғистон бизнес-форуми Ҳуқуқий ахборот ўз вақтида, муфассал ва очиқ етказилади Бошқарувнинг илғор усуллари жорий этилади Пойтахтимиз ижтимоий-сиёсий ҳаётида муҳим тадбир Атроф-муҳит мусаффолиги барчамиздан юксак масъулият талаб этади Муҳаммад ал-Хоразмий номидаги ахборот-коммуникация технологиялари йўналишига оид фанларни чуқурлаштириб ўқитишга ихтисослаштирилган мактабни ташкил этиш тўғрисида Мирзо Улуғбек номидаги ихтисослаштирилган давлат умумтаълим мактаб-интернатини ва «астрономия ва аэронавтика» боғини ташкил этиш тўғрисида Ўзбекистон Президентининг Туркманистонга ташрифига доир Спорт — тинчлик ва ҳамкорлик таянчи
  • 29 Август 2017

Боксчиларимизнинг ишончли ғалабалари

Шу кунларда Германиянинг Гамбург шаҳрида бокс бўйича жаҳон чемпионати бўлиб ўтмоқда.

Халқаро ҳаваскор боксчилар уюшмаси (AIBA) томонидан ҳар икки йилда  ташкил этиладиган ушбу нуфузли мусобақа ҳисоб бўйича ўн тўққизинчисидир. Беллашувда дунёнинг 75 давлатидан 243 нафар сараланган чарм қўлқоп устаси ўн вазн тоифасида совринли ўринлар учун беллашмоқда.

Улар орасида ўтган йили Бразилиянинг Рио-де-Жанейро шаҳрида ўтказилган ёзги Олимпиада ўйинларининг 18 нафар ғолиб ҳамда совриндори, кўплаб жаҳон ва қитъа чемпионлари бор. Бежиз сараланган сўзига урғу бермадик. Гап шундаки, бокс бўйича дунё биринчилигида қатнашиш учун спортчилар турли саралаш босқичларидан ўтиши талаб этилади. Қувонарли жиҳати, Ўзбекистон терма жамоаси барча вазн тоифасида жаҳон чемпионати йўлланмасига эга бўлган. Бу, албатта, мамлакатимизда мазкур спорт турини ривожлантириш учун халқаро андозаларга мос шарт-шароитлар  ҳамда истеъдодларни тарбиялашда пухта тизим яратилганидан далолатдир. Ваҳолонки, қатнашчи давлатлар рўйхатига эътибор қаратилса, Ўзбекистондан ташқари фақат Қозоғистон ва Германиядан тўлиқ таркибдаги спортчилар иштирок этаётгани маълум бўлади. Германияга мезбон давлат бўлгани учун ана шундай имконият тақдим қилинган. 

Жаҳон чемпионатида вакилларимиздан дастлаб 91 килограммгача бўлган боксчилар ўртасида Санжар Турсунов рингга кўтарилди. Эндигина ўн тўққиз ёшга тўлган ҳам-юртимиз бундай нуфузли мусобақадаги дебют жангида никарагуалик Жеффри Гонсалес устидан ишончли ғалабага эришди.

Санжар иккинчи босқичда аргентиналик Яра Пералтани 4:1 ҳисобида енгиб, чорак финалга чиқди. Энди у голландиялик Рой Корвинг билан беллашади.

Истеъдодли спортчимиз Жасурбек Латипов (-52 кг.) дастлабки баҳсида Пуэрто-Рико вакили Янкиель Ривера Фигурероани мағлуб этди. 

Ўз вазн тоифасида дунёнинг биринчи рақамли боксчиси, Рио-де-Жанейро Олимпиадаси чемпиони Ҳасанбой Дўсматов (-49 кг.) ҳам жаҳон чемпионатини муваффақиятли бошлади. 

У Коста-Рика терма жамоаси аъзоси Робинсон Родригесни ортиқча қийинчиликсиз енгди. Ҳасанбой чорак финалда ҳиндистонлик Амит билан куч синашади.

Яна бир ёш умидли боксчимиз Иқболжон Холдоров ҳам билдирилган ишончни оқламоқда. У чорак финал йўлланмаси учун кечган баҳсда колумбиялик Жон Гутьерресдан устун келди.

Исроил Мадримов (-75 кг.) илк жангида анча тажрибали ҳисобланган туркманистонлик Азиз Ачиловни техник нокаутга учратди.

Жаҳон чемпионатининг кеча бўлиб ўтган беллашувларида Элнур Абдураимов (-60 кг.) арманистонлик Карен Тонаканянни, Шаҳрам ўиёсов (-69 кг.) украиналик Евгений Барабановни, Баҳодир Жалолов (+91 кг.) даниялик Кем Ларсенни техник нокаут билан, Жасурбек Латипов (-52 кг.) болгариялик Даниел Асиновни, Бектемир Мелиқўзиев (-81 кг.) россиялик Муслим Гаджимагомедовни мағлуб этиб, чорак финал йўлланмасини қўлга киритдилар.

Мусобақанинг ғолиб ва совриндорлари 2 сентябрь куни маълум бўлади.

Фазлиддин АБИЛОВ.

 

 

Кўриш қобилияти чекланганлар учун

A- A A+

Кўп ўқилган