Ёш боксчиларимиз муваффақияти
  • 09 Август 2017

Ёш боксчиларимиз муваффақияти

Филиппинда бокс бўйича ўсмирлар ўртасида ўтказилган Осиё чемпионатида Ўзбекистон терма жамоаси аъзолари учтадан олтин ва кумуш ҳамда тўртта бронза медални қўлга киритиб, мусобақани умумжамоа ҳисобида иккинчи ўринда якунлади.

Ўн саккиз мамлакат вакиллари совринли ўринлар учун баҳслашган қитъа биринчилигида ҳамюртларимиз Жавлонбек Юлдашев, Нурислом Исмоилов ва Шоҳруҳ Алматов ўз вазн тоифасида ғолибликка эришди. Асадхўжа Мўйдинхўжаев, Раҳматулло Тошпўлатов ва Асадбек Жуманиёзов финалда рақибларига имкониятни бой бериб қўйди. Умидли спортчиларимиз Муҳаммадмусо Абдураҳмонов, Руслан Абдуллаев, Шерзод Қодирбоев ва Камронбек Раҳмонов бронза медаллар билан тақдирланди.

Фазлиддин АБИЛОВ.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn