XS.UZ
Ўзбекистон Президенти Туркия Бош вазири ўринбосарини қабул қилди «Баркамол авлод» спорт ўйинлари қатнашчиларига Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида «Йирик саноат корхоналари билан касаначиликни ривожлантириш асосидаги ишлаб чиқариш ва хизматлар ўртасида кооперацияни кенгайтиришни рағбатлантириш чора-тадбирлари тўғрисида»ги 2006 йил Ҳукуматлараро комиссия мажлиси Касаначиликни янада ривожлантириш учун қулай шароитлар яратиш чора-тадбирлари тўғрисида Йилдирим Туғрул Туркеш: мамлакатларимиз ўртасидаги ҳамкорлик мустаҳкамланишидан манфаатдормиз Ёшлик ва нафосат байрами, маҳорат ва камолот кўриги Конституциявий суд фаолияти янада такомиллаштирилади Давлат бюджети ижроси депутатлар томонидан кўриб чиқилмоқда Улкан орзулар остонасида «Ўзбекистон фуқароси бўлиш — улкан шараф» Ўзбек миллий матолари дунё мода саноатидан мустаҳкам ўрин эгалламоқда Адабиётга эътибор —  маънавиятга, келажакка эътибор Ўзбекистон Президенти Бирлашган Араб Амирликлари ташқи ишлар ва халқаро ҳамкорлик вазирини қабул қилди Ташқи ишлар вазирлигида учрашув Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида Қадимий ёзма манбаларни сақлаш, тадқиқ ва тарғиб қилиш тизимини янада такомиллаштириш чора-тадбирлари тўғрисида «The Washington Times»: Ўзбекистондаги диний бағрикенглик бошқа мамлакатлар учун намунадир Сайёр қабуллар самараси Миллатлараро муносабатлар янада мустаҳкамланади «Баркамол авлод — 2017» машъаласи Жиззахга йўл олди Грузия маданияти кунлари Ўзбекистон Президенти Россия ички ишлар вазирини қабул қилди Буюк Британия ва Шимолий Ирландия Бирлашган Қироллиги Бош вазири Тереза Мэй Жаноби Олияларига Владимир Колокольцев: Ўзбекистон ички ишлар тизимида амалга оширилаётган ислоҳотлардан ҳайратдамиз Ички ишлар органлари ёнғин хавфсизлиги бўлинмалари фаолиятини тубдан такомиллаштириш чора-тадбирлари тўғрисида Ҳамкорлик масалалари муҳокама қилинди БМТ халқаро ҳамжамиятни Ўзбекистонда давлат дастурининг амалга оширилиши билан таништирди
  • 16 Май 2017

Спортчиларимиз муносиб иштирок этмоқда

Шу кунларда Озарбайжоннинг Боку шаҳрида IV Ислом бирдамлиги ўйинлари бўлиб ўтмоқда. Унда 54 давлатдан қарийб 3000 атлет 21 спорт тури бўйича 269 медаль -жамламаси учун баҳс олиб бораяпти. Жумладан, Ўзбекистон шарафини 103 нафар ҳамюртимиз ҳимоя қилаётир.

Ўтган ҳафта сўнгида мусобақанинг тантанали очилиш маросими бўлиб ўтди. “Олимпия” стадионида ташкил этилган тадбирда театрлаштирилган саҳна кўринишлари ва санъат усталарининг чиқишлари намойиш қилинди. Анъанага мувофиқ, майдонга -беллашувларда қатнашаётган давлатлар терма жамоалари бирма-бир чиқиб кела бошлади... Ниҳоят Ўзбекистон спорт делегацияси аъзолари ташриф буюрди. Ўзбекистон Республикаси Давлат байроғини бокс бўйича халқаро тоифадаги спорт устаси, Сингапурда ўтказилган ўсмирлар ўртасидаги Олимпия ўйинлари совриндори Сардор Бегалиев стадионга олиб кирди. Йиғилганлар юртдошларимизни олқишлар билан кутиб олди.

Бевосита беллашувлар хусусида сўз юритсак. Қувонарли жиҳати шундаки, вакилларимиз дастлабки кунлардаёқ мазкур нуфузли спорт анжуманига пухта тайёргарлик билан ташриф буюришганини исботлашди. Хусусан, делегациямиз ҳисобига илк олтин медални каратэ бўйича 60 килограммгача бўлган вазн тоифасида иштирок этган Садриддин Сайматов келтирди. У финалда туркиялик Кайя Айкутни енгиб, шоҳсупанинг энг юқори поғонасига кўтарилди. Достонбек Отаболаев, Абдулазиз Отабоев ҳамда Барно Мирзаева бронза медалларини қўлга киритди. 

Бадиий гимнастика бўйича терма жамоамиз аъзолари Анастасия Сердюкова, Нуринисо Усмонова ва Сабина Тошкенбоева жамоавий баҳсларда иккинчи ўринни эгаллади. Яккалик чиқишларида улар янада яхшироқ натижалар қайд этишди. Масалан, Анастасия булавада машқ бажаришда олтин, ҳалқа ва тўп билан ижро этган рақси учун иккита кумуш медаль билан тақдирланди. Сабина ҳам делегациямиз «ғазна»сига иккита бронза медаль тақдим қилди.

10 метр масофада пневматик милтиқдан ўқ отишда Саидхон Сайфуддинов ва Сакина -Мамедова бронза медаллар соҳибига айланди.

Дзюдочиларимиз ҳам мухлисларни қувонтиришда давом этмоқда. 70 килограммгача вазн тоифасида қатнашган Гулноза Матниёзова IV Ислом бирдамлиги ўйинлари чемпионлигига эришди. “Рио — 2016” Олимпиадаси совриндори Диёрбек Ўрозбоев ҳамда Давлатбек Бобонов бронза медаллар билан кифояланди. Шунингдек, парадзюдода Шуҳрат Бобоев ва Ширин Шарипов олтин, Феруз Саидов кумуш, Гулруҳ Раҳимова бронза медалларга эга чиқди. Делегациямиз ҳисобига яна бир бронза медални оғир -атлетикачимиз Муаттар Набиева келтирди.

Кеча ўтказилган мусобақаларда спорт гимнастикаси устаси Оксана Чусовитина олтин, оғир атлетикачиларимиздан Кумушхон Файзуллаева кумуш, Манзура Мамасолиева ҳамда Омадой Отақўзиева бронза, шунингдек, теннис бўйича қизлар терма жамоамиз кумуш, эркаклар терма жамоамиз бронза медалига сазовор бўлди.

Демак, 15 май куни Тошкент вақти билан соат 18:00 даги ҳолатга кўра, 6 та олтин, 5 та кумуш, 15 та бронза, жами 26 медаль жамғарган Ўзбекистон спорт делегацияси умумий жадвалда учинчи ўринни эгаллаб турибди.

 

Аёллар веломарафони

Тошкентда аёллар ўртасида веломарафон ўтказилди.

Ўзбекистон Хотин-қизлар қўмитаси ҳамда мамлакатимиз Велоспорт федерацияси томонидан Халқаро оила кунига бағишлаб ташкил этилган мусобақада пойтахтимиз ва Тошкент вилоятидан бир ярим мингдан зиёд профессионал ҳамда ҳаваскор спортчилар қатнашди. 

Иштирокчилар Тошкентнинг Абдулла Қодирий кўчаси бўйлаб жами 5 километр масофани босиб ўтди. Ғолиблар уч ёш тоифаси бўйича аниқланди. Хусусан, 18 — 30 ёшлилар ўртасида Алена Ширакалова, 31 — 45 ёшлилар орасида Ольга Дробишева, 45 ёшдан катталар ўртасида Светлана Исаева маррага биринчи бўлиб етиб келди. Уларнинг барчаси Тошкент шаҳридан. Профессионаллар беллашувида эса Маргарита Мисюрина муваффақият қозонди.  

Ғолиб ва совриндорлар ташкилотчилар томонидан диплом ҳамда эсдалик совғалар билан тақдирланди.

Тақдирлаш маросимида Ўзбекистон Республикаси Бош вазирининг ўринбосари, Хотин-қизлар қўмитаси раиси Т. Нарбаева иштирок этди.

 

Боксчиларимиз Куба вакилларини енгди

Самарқанд шаҳрида Бутунжаҳон бокс серияси (WSB) VII мавсумининг чорак финали доирасида мамлакатимизнинг “Uzbek Tigers” жамоаси Кубанинг “Cuba Domadores” боксчилари билан куч синашди.

Рингга биринчи бўлиб, 49 килограмм вазн тоифасидаги иштирокчилар таклиф этилди. Олимпия ва Осиё чемпиони Ҳасанбой Дўсматов “Рио — 2016” бронза медали совриндори, жаҳон чемпиони Жоханус Аргилагосга қарши жанг ўтказди. Қизиқарли кечган баҳсда Ҳасанбой ғалаба қозонди. Яна бир тажрибали боксчимиз Муроджон Аҳмадалиев (56 кг.) Куба чемпиони Хавьер Ибаньесни енгди. Учинчи жуфтликда эса Иқболжон Холдоров моҳир чарм қўлқоп устаси Энди Крузга имкониятни бой берди. 75 килограмм вазн тоифасида Ўзбекистон ва қитъа чемпиони Исроил Мадримов Олимпия ҳамда жаҳон чемпиони, Панамерика ўйинлари ғолиби Арлен Лопесни мағлуб этди. Мазкур спортчи “Рио — 2016” финалида Бектемир Мелиқўзиевдан устун келган эди. Бектемир учун Исроил реванш олди. Ёш умидли боксчимиз Санжар Турсунов (91) эса Эрисланди Савонни мағлуб этолмади.

Шундай қилиб, “Uzbek Tigers” жамоаси чорак финалнинг биринчи учрашувини 3:2 ҳисобида ўз фойдасига ҳал қилди.

 

Шавкат ОРТИҚОВ.

 

Кўриш қобилияти чекланганлар учун

A- A A+

Кўп ўқилган