XS.UZ
Ўзбекистон Президенти Туркия Бош вазири ўринбосарини қабул қилди «Баркамол авлод» спорт ўйинлари қатнашчиларига Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида «Йирик саноат корхоналари билан касаначиликни ривожлантириш асосидаги ишлаб чиқариш ва хизматлар ўртасида кооперацияни кенгайтиришни рағбатлантириш чора-тадбирлари тўғрисида»ги 2006 йил Ҳукуматлараро комиссия мажлиси Касаначиликни янада ривожлантириш учун қулай шароитлар яратиш чора-тадбирлари тўғрисида Йилдирим Туғрул Туркеш: мамлакатларимиз ўртасидаги ҳамкорлик мустаҳкамланишидан манфаатдормиз Ёшлик ва нафосат байрами, маҳорат ва камолот кўриги Конституциявий суд фаолияти янада такомиллаштирилади Давлат бюджети ижроси депутатлар томонидан кўриб чиқилмоқда Улкан орзулар остонасида «Ўзбекистон фуқароси бўлиш — улкан шараф» Ўзбек миллий матолари дунё мода саноатидан мустаҳкам ўрин эгалламоқда Адабиётга эътибор —  маънавиятга, келажакка эътибор Ўзбекистон Президенти Бирлашган Араб Амирликлари ташқи ишлар ва халқаро ҳамкорлик вазирини қабул қилди Ташқи ишлар вазирлигида учрашув Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида Қадимий ёзма манбаларни сақлаш, тадқиқ ва тарғиб қилиш тизимини янада такомиллаштириш чора-тадбирлари тўғрисида «The Washington Times»: Ўзбекистондаги диний бағрикенглик бошқа мамлакатлар учун намунадир Сайёр қабуллар самараси Миллатлараро муносабатлар янада мустаҳкамланади «Баркамол авлод — 2017» машъаласи Жиззахга йўл олди Грузия маданияти кунлари Ўзбекистон Президенти Россия ички ишлар вазирини қабул қилди Буюк Британия ва Шимолий Ирландия Бирлашган Қироллиги Бош вазири Тереза Мэй Жаноби Олияларига Владимир Колокольцев: Ўзбекистон ички ишлар тизимида амалга оширилаётган ислоҳотлардан ҳайратдамиз Ички ишлар органлари ёнғин хавфсизлиги бўлинмалари фаолиятини тубдан такомиллаштириш чора-тадбирлари тўғрисида Ҳамкорлик масалалари муҳокама қилинди БМТ халқаро ҳамжамиятни Ўзбекистонда давлат дастурининг амалга оширилиши билан таништирди
  • 11 Май 2017

Ёшлик ва спорт байрамига қизғин ҳозирлик

Ёшларни она-юртга садоқат руҳида тарбиялаш, улар орасида соғлом турмуш тарзини қарор топтириш, ғалабага бўлган интилиш фазилатларини кучайтиришда уч босқичли мусобақалар тизими — “Умид ниҳоллари”, “Баркамол авлод” ва Универсиада беллашувлари беқиёс ўрин тутади.

Мазкур спорт ўйинлари мактаблар, ўрта махсус, касб-ҳунар таълими муассасалари ўқувчилари, олий ўқув юртлари талабалари, яъни навқирон авлоднинг барча вакилини қамраб олиши билан алоҳида аҳамиятга эга. Дастлабки босқичдаёқ минг-минглаб ўғил-қизлар спорт борасида ўз имкониятларини синовдан ўтказадилар. Навбатдаги бос-қичларга қадар янада пухта ҳозирлик кўрадилар. Шу орқали маҳоратлари сайқалланиб боради. Ушбу тизимда тобланганлар эса келгусида халқаро миқёсдаги нуфузли спорт анжуманларида Ватанимиз шарафини ҳимоя қилади. Бунга ўзининг илк умидбахш ютуқларини айнан уч босқичли беллашувларда қўлга киритиб, бугунги кунда жаҳон ва қитъа чемпионатлари, Олимпиада ўйинларида ҳеч кимдан кам эмаслигини исботлаётган спортчиларимиз фаолияти яққол мисолдир. Ҳадемай, Жиззах вилоятида бўлиб ўтадиган “Баркамол авлод — 2017” спорт ўйинларининг республика босқичида ҳам янги иқтидорлар кашф этилиши, шубҳасиз.

Илк бор 2001 йилда академик лицейлар ва касб-ҳунар коллежлари ўқувчилари ўртасидаги “Баркамол авлод” мусобақаларига мезбонлик қилиб, катта тажриба тўплаган вилоят аҳли навбатдаги спорт байрамини ҳам юқори савияда ўтказишга қизғин тайёргарлик кўрмоқда. Хиёбону майдонлар янада кўркам қиёфага кирган. Гулу гулзорлар ажойиб кентга ўзгача файз бағишлаган. Кўчаларда беллашувлар руҳини акс эттирувчи суратлар туширилган баннерлар, паннолар кўзга ташланади...

Бу галги финал босқичида 901 нафар спортчи-ўқувчи, 210 нафар мураббий, 175 нафар ҳакам ва оммавий ахборот воситаларининг 100 нафар вакили қатнашиши кутилаяпти. Баҳслар 17 спорт тури бўйича 186 медаллар жамламаси учун уюштирилади.

Мусобақалар Жиззах олимпия захиралари коллежи, Жиззах политехника институти, ушбу институт қошидаги академик лицей спорт залларида, футбол майдонлари, спорт иншоотларида ўтказилади. Қўл тўпи, таэквондо, дзюдо, эркин кураш, юнон-рум кураши, стол тенниси, волейбол, бадминтон, теннис, оғир атлетика беллашувларига мезбонлик қиладиган Жиззах олимпия захиралари коллежининг катта спорт зали, сузиш ҳавзаси, гимнастика зали ва ошхонаси замон талаблари даражасига келтирилди.

Иштирокчилар жойлаштирилиши режалаштирилган касб-ҳунар коллежларининг ётоқхона ҳамда ошхоналарини тайёрлаш ишлари поёнига етмоқда. 

— “Баркамол авлод — 2017” спорт ўйинларига тайёргарлик кўришда битта академик лицей ва бешта ўрта махсус, касб-ҳунар коллежида олиб борилаётган катта ҳажмдаги қурилиш-таъмирлаш, ободонлаштириш юмушлари деярли якунланди, — дейди Жиззах вилояти ўрта махсус, касб-ҳунар таълими бошқармаси бошлиғи Бобур Ўсаров. — Мусобақалар ўтказилиши белгиланган таълим муассасаларига 11 миллиард 200 миллион сўмдан зиёд маблағ ажратилиб, спорт иншоотлари моддий-техника базасини бугунги кун талабларига мос ҳолга келтиришга алоҳида эътибор қаратилаяпти. 

— Жиззах политехника институти жамоаси ҳам ушбу спорт анжуманига астойдил ҳозирлик кўраётир, — дейди мазкур олий таълим муассасасининг маърифий ишлар бўйича проректори Нормурод Алимов. — Институт ҳудудида кенг кўламли ободонлаштириш ишлари олиб борилмоқда. 400 иштирокчига мўлжалланган талабалар тураржойи замонавий тарзда мукаммал таъмирдан чиқарилди. Вилоятимизга республикамизнинг турли ҳудудларидан ташриф буюрадиган ёшлар, меҳмонлар улкан таассуротлар билан қайтишларига ишонамиз.

Дарҳақиқат, “Баркамол авлод — 2017” финал босқичи дастури фақат спорт мусобақаларидан иборат эмас. Қатнашчиларнинг бўш вақтини мазмунли ўтказишга қаратилган қизиқарли тадбирлар ҳам кўзда тутилган. Жумладан, вилоятнинг диққатга сазовор жойларига саёҳатлар уюштириш, адиблар, хонандалар, актёрлар, машҳур спортчилар билан учрашувлар, шунингдек, маданий-маърифий кечалар ташкил этиш режалаштирилган. Қисқаси, Жиззахда ёшларнинг катта спорт байрами ҳар томонлама муносиб ўтиши учун барча имконият ишга солинаяпти.

Толибжон ЭРГАШЕВ,

«Халқ сўзи» мухбири.

 

 

Кўриш қобилияти чекланганлар учун

A- A A+

Кўп ўқилган