Боксчиларимиз Осиё чемпионати рекордини янгилади
XS.UZ
Шавкат Мирзиёев ва Мун Чжэ Ин Жанубий Корея Миллий музейига ташриф буюрди Ўзбекистон Президенти Корея Республикаси Бош вазири билан учрашди Тадбиркорлар манфаатларини таъминлаш — эътиборда Ҳуқуқий ислоҳотлар юрт равнақи ва аҳоли фаровонлигига хизмат қилмоқда Уч марта ҳосил берувчи ўсимлик андижонлик фермерларга мўмай даромад келтирмоқда Барқарор ва кафолатли таъминот Бугунидан рози, келажакка ишончи мустаҳкам халқ Таълим, тарбия, тарғибот Мавсумга тайёргарлик: муаммолар бартараф этилмоқда «Электрон поликлиника» Миллий санъатимиз жилоси хорижликларни мафтун этмоқда Сувга чидамли Футболни ривожлантиришда замонавий ёндашув зарур Вулқон хавфи ДНК текшируви ойдинлик киритди Буюк Британия кучли бешликдан чиқиб кетди Тўққиз йиллик можаро жамоатчилик иштирокида ҳал этилди Ўзбекистон — Жанубий Корея: Стратегик шериклик муносабатларида янги босқич Тошкентда "High Tech City" маъмурий-маиший мажмуа қурилади Ўзбекистон – Қирғизистон ўртасидаги битим кучга кирди. У нима ҳақда эди? ОТМларда сиртқи ҳамда кечки бўлимлар очилди Муддатли ҳарбий хизматчилар ва резервчиларнинг хатлари махсус маркаланган почта конвертларида жўнатилади  Адлия вазирининг ўринбосари БМТнинг ИҲОКБ ва Тараққиёт дастури экспертлари билан учрашди Пан Ги Мун: Ўзбекистоннинг ички ва ташқи сиёсатдаги янги ташаббусларини қўллаб-қувватлайман Мирзиёев Корея Миллий Ассамблеяси Фахрий меҳмонлар китобига нималарни ёзди? Шавкат Мирзиёев БМТ собиқ Бош котиби Пан Ги Мун билан учрашди Ўзбекистон Президенти Корея Республикаси Миллий Ассамблеясида бўлди Тошкент шаҳрида “Марказий Осиё давлатларининг сув бўйича ҳамкорлигига 25 йил: эришилган тажриба, истиқболдаги вазифалар” мавзуида Корея Республикаси Бош вазири ўринбосари: Ўз мамлакатининг ривожига бу қадар катта аҳамият берадиган давлат раҳбарини жуда Корея Республикаси савдо, энергетика ва саноат вазири: Навоийдаги логистика марказини минтақадаги етакчи марказга айланади
  • 10 Май 2017

Боксчиларимиз Осиё чемпионати рекордини янгилади

Пойтахтимиздаги “Ўзбекистон” спорт мажмуасида бокс бўйича ўтказилган Осиё чемпионатида терма жамоамиз аъзолари тўққизта олтин медални қўлга киритиб, ушбу мусобақа тарихида янги рекорд ўрнатди.

Бир ҳафта давом этган беллашувларни бевосита спорт мажмуасидан туриб минглаб, телевидение орқали эса миллионлаб юртдошларимиз, қолаверса, дунёнинг ўнлаб давлатлари вакиллари кузатиб борди. Ҳар бир баҳс видеоси интернетга ҳам мунтазам жойлаштириб турилдики, кўпчилик глобал тармоқ имкониятидан фойдаланиб, ажойиб бокс шоуларидан баҳра олди.

Ўзбекистон Республикаси Жисмоний тарбия ва спорт давлат қўмитаси, Миллий олимпия қўмитаси, Бокс федерацияси, Осиё бокс конфедерацияси ҳамкорлигида ташкил этилган чемпионатда 28 давлатдан икки юзга яқин спортчи совринли ўринлар билан бирга, жорий йилда Германиянинг Гамбург шаҳрида бўладиган жаҳон чемпионати йўлланмалари учун ҳам беллашди.

Баҳслар ўнта — 49, 52, 56, 60, 64, 69, 75, 81, 91, +91 килограмм вазн тоифасида ўтказилди. Ўзбекистон терма жамоаси тўлиқ таркиб билан қатнашди. Жумладан, Ҳасанбой Дўсматов, Жасурбек Латипов, Муроджон Аҳмадалиев, Элнур Абдураимов, Иқбол Холдоров, Шаҳрам Ғиёсов, Исроил Мадримов, Бектемир Мелиқўзиев, Санжар Турсунов, Баҳодир Жалолов Ватанимиз шарафини ҳимоя қилди. Ана шу ўғлонларимиздан тўққиз нафари финалгача бўлган деярли барча жангда рақибларини катта устунлик билан, аксарият ҳолларда, муддатидан эрта енгди. Фақат битта боксчимиз — Санжар Турсунов медаллар учун курашни чорак финалдаёқ тамомлади. Лекин унда -жаҳон чемпионати лицензиясини қўлга киритиш имконияти сақланиб қолган эди. Ўтиш баҳсида эронлик Салар ўуломий билан куч синашган Санжар ғалаба қозонди ва Германия йўлланмасига эга бўлиб, ҳаммамизга алоҳида қувонч бағишлади.

Энди бевосита финаллар хусусида. Ортиқча тафсилотларга тўхталмай, шунчаки натижаларни келтирсак. Чунки айтиб ўтганимиздек, баҳсларни юртдошларимизнинг аксарияти томоша қилгани, шубҳасиз. Демак, ҳал қилувчи жангда Муроджон Аҳмадалиев хитойлик Жявей Жанг, Элнур Абдураимов ҳиндистонлик Шива Тапа, Исроил Мадримов Жанубий Корея вакили Донг Юнг Ли, Бектемир Мелиқўзиев қозоғистонлик Ерик Алжанов, Ҳасанбой Дўсматов Мўғулистон терма жамоаси аъзоси Ган-Эрдене Ганхуяг, Жасурбек Латипов Жанубий кореялик Инкю Ким, Иқбол Холдоров мўғулистонлик Чинзориг Баатарсух, Шаҳрам ўиёсов қозоғистонлик Аблайхон Жусупов, Баҳодир Жалолов эса яна бир қозоғистонлик спортчи Камишбек Кункабаевни мағлуб этиб, Осиё -чемпиони бўлди.

Юқорида ҳамюртларимиз мусобақа тарихида янги рекорд ўрнатди, дея таъкидладик. Бунга ҳам аниқлик киритамиз. Мазкур қитъа чемпионати 1963 йилдан буён ўтказиб келинади. Шу пайтгача битта мусобақада ҳали ҳеч қайси терма жамоа тўққизта олтин медаль жамғармаганди. Аввалги рекорд натижа Жанубий Корея боксчиларига тегишли бўлиб, уларнинг спортчилари 1965 йилда саккиз бор шоҳсупанинг энг юқори поғонасига кўтарилган. 

1987 йилда ушбу давлат терма жамоаси ана шу муваффақиятини такрорлаган. Ўзбекистон вакилларининг энг яхши кўрсаткичи эса 1999 йилда қайд этилган. Ўшанда чарм қўлпоқ усталаримиз еттита олтин медалга эга чиқишганди. Қисқаси, 54 йиллик тарихга эга Осиё чемпионатида янги саҳифа очилди. Унга ўзбек ўғлонларининг номлари зарҳал ҳарфлар -билан битилди.

Бу чемпионатнинг “Энг яхши боксчиси”га аталган соврини ҳам юртимизда қолди. Ана шу эътирофга Ҳасанбой Дўсматов лойиқ кўрилгани барчамиз учун қўшалоқ қувонч бўлди. 

Шу тариқа, бокс бўйича Ўзбекистон терма жамоаси Осиё қитъасининг энг кучли жамоаси эканини исботлади. Қозоғистон спортчилари битта олтин, 3 та кумуш ва 4 та бронза медаль билан иккинчи ўринни эгаллаган бўлса, иккитадан кумуш ҳамда иккитадан бронза медални жамғарган Ҳиндистон ва Мўғулистон терма жамоалари учинчи ўринни банд этди.

Шавкат ОРТИҚОВ,

«Халқ сўзи» мухбири.

 

СЎНГГИ ЯНГИЛИКЛАР