XS.UZ
Экспортчи корхоналар сони кўпаяди Бу галги ҳашар аввалгиларидан фарқ қилади Ноёб ва сара навлар Мирзачўл қовунлари довруғини дунёга ёймоқда Ёш оилалар ва қизлар билан ишлашда янгича ёндашув Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида 2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида Президент таълим тизимидаги ислоҳотларнинг бориши бўйича мажлис ўтказди Ўзбекистон композиторлари ва бастакорлари уюшмаси фаолиятини ташкил этиш тўғрисида 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини келгусида амалга ошириш Қонунчилик палатасининг навбатдаги мажлиси бўлиб ўтди Ижод аҳлига юксак эътибор Мусиқий таълимда ўзибўларчиликка йўл қўйиб бўлмайди Болалик олами Биринчи Президентимизнинг эл-юртимиз равнақи йўлидаги буюк тарихий хизматлари ҳеч қачон унутилмайди Бағрикенглик — тинчлик ва тараққиёт асоси Судьяларга холис баҳо берилади Қаҳрамонлар — орамизда «Ўз билимим билан ўқишга кирдим» Маданият ва санъат ташкилотлари, ижодий уюшмалар ва оммавий ахборот воситалари фаолиятини янада ривожлантириш, соҳа ходимлари меҳнатини Ўзбекистон Республикаси Марказий банкининг қиймати 50000 сўм бўлган пул белгиларини муомалага чиқариш тўғрисида Одамларни ҳаётдан рози қилиш —  ислоҳотларнинг асосий мезони Бир-бирлари томон ташланган навбатдаги муҳим қадам Ўзбекистон — Жанубий Корея: АКТ соҳасидаги алоқалар ривожланмоқда Қонун лойиҳалари муҳокамасида асосли таклифларга эътибор қаратилмоқда Бухоро — Лебап: Дўстлик ва ҳамкорликнинг янги босқичи Банкоматлардан нақд пул олиш имконияти яратилди Таълим ва маърифат — тинчлик ва бунёдкорлик сари йўл Юртдан-юртга, дилдан-дилга ўтгувчи мўъжиза, бу — санъат Ўзбекистон — чемпионлар Ватани
  • 16 Март 2017

Очиқ мулоқот ва изчил ҳамкорлик

Маълумки, давлатимиз раҳбари Шавкат Мирзиёев томонидан жорий йил 9 февраль куни ички ишлар органлари фаолияти, тизимдаги мавжуд муаммо ҳамда камчиликлар, истиқболдаги вазифаларга бағишлаб ўтказилган видеоселектор йиғилишида ҳар ҳафтанинг пайшанба кунини “Жиноятчиликнинг олдини олиш ва профилактика куни” деб эълон қилиш таклиф этилган эди.

Шу асосда Ўзбекистон Республикаси Ички ишлар вазирлиги соҳавий хизматлари ҳамда ҳудудий ички ишлар органлари томонидан амалга ошириладиган долзарб вазифалар режаси ишлаб чиқилиб, ҳаётга изчил татбиқ қилинаётир. Яъни пайшанба кунлари ўтказиб келинаётган профилактика тадбирларида ички ишлар органлари ходимлари, прокурорлар, “Маҳалла” хайрия жамоат фонди, “Камолот” ЁИҲ, Хотин-қизлар қўмитаси, “Нуроний” жамғармаси, Мусулмонлар идорасининг жойлардаги вакиллари, умуман, барча юртдошларимиз, жумладан, ёшлар фаол қатнашмоқда.

Бундай учрашувлар чоғида ҳудудларда содир этилган жиноятларнинг сабаб ва оқибатлари таҳлил қилинаяпти. Қолаверса, иштирокчилар мамлакатимизда олиб борилаётган кенг кўламли ислоҳотлар, хусусан, суд-ҳуқуқ соҳасидаги янгиликлардан бохабар бўлмоқдалар.

Буни 9 март куни ўтказилган профилактика тадбирлари мисолида ҳам кўриш мумкин. Кун давомида корхона ҳамда ташкилотлар, ўқув муассасаларида бўлиб ўтган 63 мингдан зиёд учрашувларда ҳуқуқий тарғиботга катта эътибор қаратилди. Ёшларнинг бўш вақт-ларини мазмунли ташкил этиш, ўқишга бўлган муносабатини яхшилаш, бу борада ота-она, ўқув муассасаси мутасаддилари ҳамда маҳалла фаоллари ҳамкорлигини кучайтириш бўйича ҳам зарур тавсиялар берилди. Айни чоғда ёшлар ўртасида ҳуқуқбузарликларнинг олдини олиш, тарғибот-тушунтириш ишларини кучайтириш, ўқувчиларнинг интизоми ва давоматини назорат қилиш борасидаги ҳолат таҳлил этилди. Ўқувчиларга Ватанни, оиласини севиш, зиммасидаги масъулиятни ҳис этиб яшаши юзасидан тушунтиришлар берилди.

Жиноят ва унинг келиб чиқиш сабаби, ўқишга бормаётган ўқувчилар ота-оналари, маҳаллалардаги нотинч оилалар, жиноят содир қилишга мойил шахсларнинг хатти-ҳаракатлари кенг жамоатчилик вакиллари иштирокида муҳокама этилаётгани, айниқса, фойдали бўлаяпти.

Хонадонларга бориб, профилактик ҳисобда турган, муқаддам судланган шахслар билан суҳбатлар ҳам ўтказилдики, булар пировардида ўз самарасини бера бошлади. Яъни жойларда ҳуқуқбузарлик ҳамда жиноятчилик ҳолатлари сезиларли даражада камайиб бораётгани кузатилмоқда.

Профилактика куни тадбирлари ички ишлар органлари ходимлари учун ҳам айни муддао бўлаётганини айтиш зарур. Аниқроғи, аҳоли билан учрашиб, уларни ҳуқуқбузарлик ва жиноятчиликнинг олдини олиш, жиноятчиликка қарши курашишда фаол бўлишга чорлаш жараёнида ички ишлар органлари ходимлари халқимизга янада яқинлашмоқда. Табиийки, бу фаолиятимизни бугунги кун талаблари асосида ташкил қилишимизда муҳим ўрин тутади.

Бугун мамлакатимизнинг барча ҳудудида навбатдаги “Пайшанба — жиноятчиликнинг олдини олиш ва профилактика куни” тадбирлари изчиллик билан давом эттирилмоқда.

Фурқатжон ҒАЙБУЛЛАЕВ,

Ўзбекистон Республикаси Ички ишлар вазирлиги Ҳуқуқбузарликларнинг олдини олиш 

бош бошқармаси инспектори, лейтенант.

 

Кўриш қобилияти чекланганлар учун

A- A A+

Кўп ўқилган