Ҳукуматлараро комиссия мажлиси
XS.UZ
Президент қарори:“Мард ўғлон” давлат мукофоти таъсис этилди Меҳнат вазирлиги ҳамда Кичик ва ўрта бизнес конвергент ассоциациялари Уюшмаси (Корея) ўртасида меморандум имзоланди Тошкент – Сеул: Кореялик ишбилармонлардан интервью (Видео) Ўзбекистонда “Hyundai” автомобиллари ишлаб чиқарилади Ўзбекистон ва Корея Республикаси ўртасида қиймати 12,3 миллиард АҚШ долларидан зиёд бўлган 75 та ҳужжат “Evergreen Holdings” (Корея) Ўзбекистонда цемент заводи қурилиши учун 300 миллион доллар сармоя киритади “Ўзбекенгилсаноат” Корея билан 30 миллион долларлик 7 инвестицион лойиҳа имзоламоқчи Конституциямиз ҳақида қўшиқ куйланди Ўзбекистонда 12 та университет, 28 та мактаб ва лицейда корейс тили фан сифатида ўқитилади Ўзбекистон – Корея: мустаҳкам дўстликка асосланган, стратегик ҳамкорлик (инфографика) Кореянинг “Chung Hospital” шифохонаси билан ҳамкорликда Ўзбекистонда тиббий муассаса қурилади Ўзбекистон ва Корея Республикаси ўртасидаги савдо-иқтисодий ҳамкорлик  Ўзбекистон Республикаси ва Корея Республикаси ўртасидаги сиёсий ҳамкорлик нималарда ўз ифодасини топган? “Тонг бокиралиги ўлкаси” ҳақида биз билган ва билмаган маълумотлар Олий Мажлис Сенати АҚШ Конгресси делегацияси билан учрашди Мирзиёевнинг Кореяга ташрифини ёритиш учун Сеулда матбуот маркази ташкил этилди Абдулазиз Комилов АҚШ Конгрессининг Вакиллар палатаси аъзолари гуруҳи билан учрашди "ТС-АПТEКА" автоматлашган ахборот тизими яратилди Бош прокуратуранинг Олий ўқув курслари ҳамда Корея қонунчилик тадқиқоти институти ўртасида меморандум имзоланди Тижорат банклари томонидан кам таъминланган оилаларни қўллаб-қувватлашга имтиёзли кредитлар ажратилмоқда Ўзбекистон — Германия: савдо-иқтисодий ва сармоявий ҳамкорлик ривожланмоқда Депутатликка  номзодлар  рўйхатга олинди «Ўзбекистон фуқаросиман!» Қурилиш материаллари саноати ва манфаатли алоқалар Коммунал соҳа: хизмат сифати яхшиланмоқда Фермерлик ҳаракати: истиқболи амалиёт, муаммо ва ечимлар. Халқ қабулхонаси: ҳар бир мурожаат ортида инсон тақдири бор Юридик ёрдам кафолатланган Эзгу ғоялар, ёрқин таассуротлар Ҳуқуқбузарликларнинг барвақт олдини олишда  маҳалла фаолларининг ролини ошириш — давр талаби
  • 16 Февраль 2017

Ҳукуматлараро комиссия мажлиси

Пойтахтимизда Иқтисодий ҳамкорлик бўйича Ўзбекистон — Россия ҳукуматлараро комиссиясининг навбатдаги мажлиси бўлиб ўтди. 

Мазкур тадбир Россия Федерацияси Ҳукумати раисининг ўринбосари Дмитрий Козак бошчилигидаги делегациянинг мамлакатимизга ташрифи доирасида ташкил этилди.

Таъкидландики, кейинги йилларда икки давлат ўртасидаги савдо-иқтисодий, инвестициявий, транспорт-логистика, илмий-техникавий, нефть-газ, қурилиш, озиқ-овқат, атроф-муҳитни муҳофаза қилиш каби соҳалардаги алоқалар тобора мустаҳкамланмоқда. Натижада бугунги кунга келиб, Ўзбекистон ва Россия ишончли ҳамда муҳим стратегик ҳамкор давлатларга айланди. 

Йиғилишда комиссия ҳамраислари — Ўзбекистон Республикаси Бош вазирининг ўринбосари Р. Азимов ва Россия Федерацияси Ҳукумати раисининг ўринбосари Д. Козак  дўстона ҳамда ўзаро манфаатли алоқалар янги босқичларда намоён бўлаётганини қайд этди. Бунда юртимиздаги макроиқтисодий барқарорлик, тармоқларда кузатилаётган юқори ўсиш суръатлари, саноатнинг изчил диверсификация ва модернизация қилинаётгани, хорижий сармоядорлар учун яратилаётган қулай бизнес муҳити муҳим омил бўлаяпти, албатта. Шу боис россиялик ишбилармону инвесторларнинг мамлакатимизга қизиқиши йил сайин ортиб, улар билан биргаликда кўплаб истиқболли лойиҳалар амалга оширилаяпти. 

Шунингдек, Россия Федерацияси ташқи савдо борасида ҳам Ўзбекистоннинг йирик ҳамкорларидан бири ҳисобланади. Ўтган йил якунларига кўра, икки мамлакат ўртасидаги товар айирбошлаш ҳажми 4,2 миллиард АҚШ долларидан зиёдни ташкил этгани ана шундан далолат беради. 

Айни пайтда юртимизда россиялик ишбилармонлар иштирокида 961  корхона фаолият юритмоқда. Уларнинг 151 таси тўлиқ хорижий сармоя асосида ташкил этилган. Ўз навбатида, Россия Федерациясида ўзбекистонликлар томонидан 569 та ишлаб чиқариш субъекти фаолияти йўлга қўйилган.

Иқтисодий ҳамкорлик бўйича Ўзбекистон — Россия ҳукуматлараро комиссиясининг аввалги йиғилиши 2016 йилнинг март ойида Москва шаҳрида бўлиб ўтган эди. Галдаги анжуманда ўша учрашувда келишилган масалалар натижадорлиги муҳокама қилиниб, келгуси режалар белгилаб олинди.

Меҳмонлар Ўзбекистоннинг иқтисодий салоҳиятини юқори баҳолаш баробарида, алоқаларни янада ривожлантиришдан манфаатдор эканликларини алоҳида қайд этишди.

Дилшод УЛУҒМУРОДОВ,

«Халқ сўзи» мухбири.

 

СЎНГГИ ЯНГИЛИКЛАР