XS.UZ
Халқимизнинг розилиги – барча ютуқ ва марраларимизнинг асосий манбаидир 2017 — 2019 йиллар даврида деҳқон бозорларини реконструкция қилиш ва уларнинг ҳудудида замонавий савдо мажмуалари қуриш Ўзбекистон Республикаси Олий Мажлиси Сенатининг тўққизинчи ялпи мажлиси тўғрисида ахборот Фуқароларнинг конституциявий ҳуқуқлари кафолати кучайтирилмоқда Депутатлар ихтисослаштирилган тиббиёт марказларининг фаолиятини муҳокама қилдилар Атоқли давлат арбоби ва ёзувчи Шароф Рашидов таваллудининг 100 йиллигини нишонлаш тўғрисида Ўзбекистон ва Польша Президентлари бир-бирларини қутладилар Халқимиз бунёдкорлик салоҳиятининг амалий ифодаси Замонавий кўприклар халқимиз фаровонлигини юксалтиришга хизмат қилади Ёш мутахассисларга муносиб иш жойлари Кооперацион алоқалар кенгаймоқда Ўзаро манфаатли ҳамкорликнинг юксак самаралари Дипломатлар шахматда беллашди Ишлаб чиқариш кластери инновацион иқтисодиётга ўтишнинг муҳим босқичидир Мавқеини мустаҳкамламоқда Сердаромад ва истиқболли соҳа Ўзбекистон Республикаси билан Қозоғистон Республикаси ўртасида стратегик шерикликни янада чуқурлаштириш ва аҳил қўшничиликни мустаҳкамлаш тўғрисида Автомобилни бошқармаслик учун имтиёз Япония киноси кунлари бошланди Қизилқумлик ёшларга туҳфа Келажак учун муҳим қўлланма Инсон ҳуқуқ ва манфаатлари кафолати профилактика инспекторлари фаолиятининг асосий мезонидир Ўзбекистон Республикаси Олий Мажлиси Сенати тўққизинчи ялпи мажлисининг очилиши тўғрисида Савдо-иқтисодий алоқалар янада кенгаяди Президентимизнинг халқ қабулхоналари Фуқаролик жамияти институтлари ва ҳамкорлик Янги интерактив хизматлар Балиқчиликда вьетнам тажрибаси “Халқ сўзи” ва “Народное слово” газеталари таҳририяти энг яхши мақола ва фотосуратлар танловини эълон қилади. “Халқ сўзи” ва “Народное слово” газеталари таҳририяти энг яхши мақола ва фотосуратлар танловини эълон қилади.
  • 15 Февраль 2017

Қонун ҳужжатларини тарқатиш тизимини тубдан такомиллаштириш — давр талаби

Бугунги кунда барча жабҳадаги изчил ислоҳотлар жараёнида қонун устуворлиги тамойилига сўзсиз риоя этилиши белгиланган ҳуқуқ ва мажбуриятларнинг ўз вақтида ҳамда самарали амалга оширилишига имкон беради. Бу, ўз навбатида, қабул қилинаётган қонунлар ва бошқа норматив-ҳуқуқий ҳужжатларнинг мазмун-моҳияти ҳамда аҳамияти унинг ижрочиларига, шунингдек, кенг аҳоли қатламига тезкор етказилишига бевосита боғлиқ.

Шу маънода, мамлакатимиз раҳбарининг жорий йил 8 февралдаги “Қонун ҳужжатларини тарқатиш тизимини тубдан такомиллаштириш чора-тадбирлари тўғрисида”ги қарори норматив-ҳуқуқий ҳужжатларнинг жамият ҳаётидаги таъсирини оширишга хизмат қилиши баробарида, қонун ҳужжатларини тарқатиш тизимини комплекс тартибга солишга қаратилгани билан ниҳоятда  аҳамиятлидир. 

Бинобарин, мазкур қарорда вазирлик, давлат қўмиталари, идоралар, хўжалик бошқаруви  ва маҳаллий давлат ҳокимияти органларига қабул қилинган норматив-ҳуқуқий ҳужжатларни, уларга киритилган ўзгартиш ҳамда қўшимчаларни ижрочиларга ўз вақтида етказишни таъминлаш вазифаси белгиланди.

Бу эса, ўз навбатида, қонун ҳужжатларининг мазмун-моҳиятини кенг аҳолига тушунтириш, тегишли қонун ҳужжатлари матнидан ҳеч қандай тўсиқларсиз фойдаланишга имкон яратишни талаб этади.

Қарорнинг эътиборга молик яна бир муҳим жиҳати, Ўзбекистон Республикаси Олий Мажлиси Қонунчилик палатасига киритилаётган қонун лойиҳалари матнларида тегишли қонунлар қабул қилинганидан сўнг унинг ижросини таъминлаш ҳамда ижрочиларга етказиш ва аҳоли ўртасида моҳияти ҳамда аҳамиятини тушунтириш бўйича масъул бўлган давлат органлари кўрсатилиши белгиланганидир. Албатта, мазкур ҳуқуқий механизмнинг қонунчилик жараёнига татбиқ этилиши мамлакатда қонун устуворлиги принципининг амалий аҳамиятини янада юксалтиради. Айни чоғда қабул қилинган қонун жамият ҳаётига қисқа муддатда сингиб, ислоҳотлар самарасини оширади.

Ҳуқуқий ҳужжатда қабул қилинган қонунлар мазмун-моҳияти тарғиб этилиши нафақат унинг матнидаги нормалар асосида, балки  ишлаб чиқиш жараёнида тайёрланган ахборот-таҳлилий материаллар билан бирга амалга оширилиши назарда тутилгани, алоҳида қайд этиш жоизки, фуқароларга қонуннинг қабул қилиниши билан боғлиқ барча материалдан тўлиқ танишиш имконини яратади. Шунингдек, бу уларнинг ҳуқуқий онги ва ҳуқуқий маданиятини, мамлакатимиз тараққиётига дахлдорлик ҳиссини юксалтиришда муҳим ўрин тутади.  

Айниқса, қонун ижодкорлиги жараёнининг бевосита иштирокчилари бўлган депутатлар томонидан Олий Мажлис Қонунчилик палатасига киритилаётган қонун лойиҳаларида унинг ижроси, ижрочиларга етказиш ва аҳоли ўртасида моҳияти ҳамда аҳамиятини тушунтириш бўйича масъул бўлган давлат органлари кўрсатилишига эътибор қаратилиши қонунларнинг мазмун-моҳияти ва аҳамиятини аҳолига тушунтиришда қарорда белгиланган вазифаларга мос ҳолда фаолиятини такомиллаштиришни талаб этади. 

Бундан ташқари, қарор билан Ҳуқуқий тарғибот ва маърифат бўйича давлат органлари ишларини мувофиқлаштириш бўйича Идоралараро кенгашнинг ҳудудий комиссияларини ташкил этиш белгилангани диққатга сазовор. Зеро, уларга давр талаби ҳамда аҳолининг турли қатламлари, шу жумладан, тадбиркорлар ва ёшларнинг ахборотга бўлган эҳтиёжларини ҳисобга олган ҳолда ҳуқуқий тарғибот ҳамда маърифатни амалга оширишнинг замонавий механизмларини жорий этиш каби бир қатор вазифалар юклатилди. Идоралараро комиссиялар таркибида адлия, ҳуқуқни муҳофаза қилувчи органлар, судлар, давлат бошқаруви органлари, таълим муассасаларининг  вакиллари билан бир қаторда, нодавлат нотижорат ва бошқа ташкилотларнинг вакиллари ҳам фаолият олиб борадилар. 

Умуман айтганда, мазкур қарор мамлакатда қонун устуворлиги ҳамда қонунийликни таъминлаш, давлат ва хўжалик бошқаруви органлари томонидан қабул қилинган қонунларни ўз вақтида ҳамда бир хил қўллаш, аҳолининг ҳуқуқий онги ва ҳуқуқий маданиятини ошириш орқали уларнинг ислоҳотлар жараёнида фаол иштирокини таъминлашга хизмат қилади.

Мухтабар ҲУСАНОВА, 

Ўзбекистон Республикаси Олий Мажлиси 

Қонунчилик палатаси депутати.

 

 

Кўриш қобилияти чекланганлар учун

A- A A+

Кўп ўқилган