XS.UZ
Халқимизнинг розилиги – барча ютуқ ва марраларимизнинг асосий манбаидир 2017 — 2019 йиллар даврида деҳқон бозорларини реконструкция қилиш ва уларнинг ҳудудида замонавий савдо мажмуалари қуриш Ўзбекистон Республикаси Олий Мажлиси Сенатининг тўққизинчи ялпи мажлиси тўғрисида ахборот Фуқароларнинг конституциявий ҳуқуқлари кафолати кучайтирилмоқда Депутатлар ихтисослаштирилган тиббиёт марказларининг фаолиятини муҳокама қилдилар Атоқли давлат арбоби ва ёзувчи Шароф Рашидов таваллудининг 100 йиллигини нишонлаш тўғрисида Ўзбекистон ва Польша Президентлари бир-бирларини қутладилар Халқимиз бунёдкорлик салоҳиятининг амалий ифодаси Замонавий кўприклар халқимиз фаровонлигини юксалтиришга хизмат қилади Ёш мутахассисларга муносиб иш жойлари Кооперацион алоқалар кенгаймоқда Ўзаро манфаатли ҳамкорликнинг юксак самаралари Дипломатлар шахматда беллашди Ишлаб чиқариш кластери инновацион иқтисодиётга ўтишнинг муҳим босқичидир Мавқеини мустаҳкамламоқда Сердаромад ва истиқболли соҳа Ўзбекистон Республикаси билан Қозоғистон Республикаси ўртасида стратегик шерикликни янада чуқурлаштириш ва аҳил қўшничиликни мустаҳкамлаш тўғрисида Автомобилни бошқармаслик учун имтиёз Япония киноси кунлари бошланди Қизилқумлик ёшларга туҳфа Келажак учун муҳим қўлланма Инсон ҳуқуқ ва манфаатлари кафолати профилактика инспекторлари фаолиятининг асосий мезонидир Ўзбекистон Республикаси Олий Мажлиси Сенати тўққизинчи ялпи мажлисининг очилиши тўғрисида Савдо-иқтисодий алоқалар янада кенгаяди Президентимизнинг халқ қабулхоналари Фуқаролик жамияти институтлари ва ҳамкорлик Янги интерактив хизматлар Балиқчиликда вьетнам тажрибаси “Халқ сўзи” ва “Народное слово” газеталари таҳририяти энг яхши мақола ва фотосуратлар танловини эълон қилади. “Халқ сўзи” ва “Народное слово” газеталари таҳририяти энг яхши мақола ва фотосуратлар танловини эълон қилади.
  • 11 Январь 2017

Жамиятда қонун устуворлиги ва адолат муҳитини яратиш — асосий вазифамиз

Ўзбекистон Республикаси Президенти муҳтарам Шавкат Миромонович Мирзиёевнинг Прокуратура ходимлари куни арафасида ўтказилган учрашувдаги маърузасида, авваламбор, Конституциямизда прокуратура органлари зиммасига энг асосий вазифа сифатида қонун устуворлигини таъминлаш юклатилганлиги таъкидлаб ўтилди.

Шу билан бирга, маърузада прокуратура органлари томонидан қонунийликни мустаҳкамлаш, инсон ҳуқуқлари, жамият ва давлат манфаатларини ҳимоя қилиш борасида амалга оширилган ишларга ҳамда эришилган натижаларга баҳо берилиб, бу борада йўл қўйилган камчиликлар ва уларни бартараф этиш йўллари ҳам кўрсатиб ўтилди.

Хусусан, давлатимиз раҳбари томонидан фуқароларнинг ижтимоий ҳимояси, аҳоли бандлиги ҳамда меҳнат ҳуқуқларини таъминлаш, тадбиркорларни қўллаб-қувватлаш, иқтисодий ислоҳотларни чуқурлаштириш, қишлоқ хўжалигида қонунийликни мустаҳкамлаш масалаларига алоҳида тўхталиб, бу борада қонун устуворлигини таъминлаш ва қонунбузилишларининг олдини олишга қаратилган аниқ вазифалар белгилаб берилди.

Таъкидлаш жоизки, қўйилган барча вазифаларнинг негизи бўлиб, энг аввало, инсон ҳуқуқлари ҳимоясининг кафолатларини сўзсиз таъминлаш, қонун ҳамда адолат устуворлигини қарор топтириш ҳисобланади.

Шу боис биздан ушбу масъулиятли вазифаларни бажариш учун ўз ваколатларимиз, билимимиз, тажрибамиз ва бор имкониятларимизни тўлиқ сафарбар этиш, бунда асосий эътиборни ҳуқуқбузарликларни барвақт аниқлаш ҳамда олдини олишга қаратиш талаб этилди.

Президентимизнинг ҳар ерда адолат бўлиши шартлиги ҳақидаги талабларидан шуни англадикки, халқимизга хос бўлган бу хислат учун бор куч-ғайратимизни аямай, виждонан ҳамда садоқат билан курашмоғимиз лозим. Шундагина муҳтарам Президентимизнинг бизга билдирилган ишончини оқлаб, халқимиз олдидаги бурчимизни бажарган бўламиз.

Алоҳида қайд этиш лозимки, маърузада барча йўналишдаги фаолиятимизнинг туб моҳияти ва вазифалари мамлакатимизда инсон ҳуқуқлари ҳимояси борасида бошланган шиддатли ислоҳотлар даври талабидан келиб чиқиб белгилаб берилди.

Шу нуқтаи назардан, прокурор назоратининг асл моҳияти, уни олиб бориш усуллари ва аниқланган қонунбузилишларга қандай муносабат билдирилиши масалаларидаги тушунчамиз тубдан ўзгарди, десак, муболаға бўлмайди. Бу эса, ўз навбатида, фаолиятимизни янада такомиллаштириш ва самарадорлигини кескин оширишни талаб қилади.

Маърузадаги ҳар бир ходимнинг сиёсий онгини замон талабларига мослаштириш, касбий иродасини кучайтириш ҳамда хизматга бўлган муносабатини қайта кўриб чиқишга чорлайдиган фикр ва ғоялар ходимларнинг дунёқарашини ўзгартирди.

Жумладан, муҳтарам Президентимизнинг “Халқ рози бўлиши учун прокурор тадбиркор билан дўст бўлиши керак. Прокурорнинг кабинети тадбиркор учун доимо очиқ бўлиши керак” ёки “Тадбиркор йўлига қарши чиқиш — давлат сиёсатига, Президент сиёсатига қарши чиқишдир”, деган сўзлари, ҳеч шубҳасиз, соҳанинг бирорта ходимини бефарқ қолдирмади.

Прокуратура ходимлари ушбу сўзларни қалбидан ўтказиб, тадбиркорлик соҳасида қонун устуворлигини сўзсиз таъминлашлари, уларга тўсқинлик қилаётган амалдорларни ўз вақтида аниқлаб, қатъият асосида муносабат билдиришлари билан бирга, асосий эътиборни тадбиркорга амалий ёрдам бериш, унинг ҳуқуқ ва манфаатларини ҳимоя қилишга қаратишлари зарурлигини тушуниб етдилар.

Маърузада мурожаатлар билан ишлаш фаолиятимизга баҳо берилиб, прокуратура ва бошқа идоралар томонидан бу борада йўл қўйилган камчиликлар Халқ қабулхоналари ташкил этилишига сабаб бўлганлиги алоҳида қайд этилди.

Тан олиб айтиш керак, Бош вазирнинг виртуал қабулхонаси ташкил этилганидан кейин мурожаатлар билан ишлаш, халқ билан мулоқот қилишдаги камчиликларимиз кўзга яққол ташланди.

Маърузада талаб этилганидек, мурожаатларни кўриб чиқиш жараёнида халқ ичига кириш, у билан мулоқот қилиш, дардини эшитиш ва муаммоларини қонуний, энг муҳими, адолатли ҳал этиш бу борадаги фаолиятимизнинг асосий мезони бўлиши шарт. Чунки фуқаролар билан энг кўп мулоқот қиладиган соҳамиз ҳам айнан мурожаатларни кўриб чиқиш фаолиятимиздир. Демак, биринчи навбатда шу фаолиятимиз натижасига қараб, халқ бизга ўзининг муносиб баҳосини беради.

Учрашув сўнгида прокуратура органларининг ҳар бир ходими давлатимиз раҳбарининг танқидий фикрларидан тўғри хулоса чиқариб, келгуси фаолиятида кўрсатиб ўтилган камчиликларни ва уларни келтириб чиқарган сабабларни бартараф этиш, шахсий масъулиятни ошириш, хизматга бўлган муносабатни қайта кўриб чиқиб, белгиланган вазифаларни сўзсиз бажаришнинг барча чорасини кўриш шартлиги ҳақидаги хулосага келди.

Бу бизнинг Ватанимиз, Президентимиз ва бағрикенг халқимиз олдидаги асосий бурчимиз, деб ҳисоблайман.

Ислом ЖАСИМОВ, 

Ўзбекистон Республикаси Бош прокуратураси бошқарма бошлиғи.

 

Кўриш қобилияти чекланганлар учун

A- A A+

Кўп ўқилган