XS.UZ
Тадбиркорликни ривожлантириш, имкониятлардан тўла фойдаланиш халқимиз фаровонлигини янада юксалтиришга хизмат қилади Ихтисослаштирилган тиббий ёрдам сифати тубдан яхшиланади Ўзбекистон ва Европа Иттифоқи ўртасидаги ҳамкорлик алоқалари кенгаймоқда Маҳалла — халқчил институт Ҳаракатлар стратегияси: жамоатчилик ва оавнинг иштироки Фуқаролар осойишталиги кафолатларини кучайтириш — замон талаби Муаммоларни ҳал этишнинг самарали омили Барқарорлик пойдевори Ёшлар гиёҳвандликка қарши «Ўзбекистон бўйлаб саёҳат асносида Шарқнинг ҳақиқий гўзалликларини кашф этасиз» Мўъжизакор ўсимлик Китобга боғланган кўнгил Полвонларимиз муваффақияти Ўн минг йиллик битиклар Маҳаллий экспорт қилувчи ташкилотларни янада қўллаб-қувватлаш ва ташқи иқтисодий фаолиятни такомиллаштириш чора-тадбирлари тўғрисида Кўп томонлама ҳамкорлик истиқболлари Истиқлол саодати ва шукрона Кичик бизнес салоҳияти рақобатдош маҳсулотлар ишлаб чиқаришда яққол намоён бўлмоқда ЎзХДП қатъий позициясини белгилаб олди Тадбиркорларни қўллаб-қувватлаш қамрови янада кенгаяди Ўзбекистонлик ишбилармонлар Швейцарияда Оқибати аянчли иллат Хусусий сектор ривожига сармоялар Молиявий саводхонлик нима? Яхши ниятлар, эзгу амаллар Фарҳодбек — жаҳон чемпиони Спортда мухлисларни қувонтирадиган натижалар бўлади Олдини олган афзал Ипак саноатининг довруғи қачон тикланади? Ўзбекистон Республикаси Вазирлар Маҳкамаси ҳузуридаги Ўзбекистон Республикасининг фан ва техника, адабиёт, санъат ва меъморчилик соҳасидаги Давлат
  • 06 Январь 2017

Фракцияда инсон манфаатларини таъминлашга оид масалалар муҳокама этилди

Ўзбекистон “Миллий тикланиш” демократик партиясининг Олий Мажлис Қонунчилик палатасидаги фракцияси йиғилиши бўлиб ўтди. 

Фракция аъзолари, партия Марказий кенгаши Ижроия қўмитаси девони масъул ходимлари ҳамда журналистлар иштирок этган тадбирда дастлаб Ўзбекистон Республикаси Президенти Шавкат Мирзиёевнинг 2016 йил 28 декабрдаги “Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида”ги Фармонидан келиб чиқиб, партия ҳамда унинг фракцияси олдида турган муҳим вазифалар муҳокама қилинди.

Таъкидланганидек, мазкур Фармон барча даражадаги давлат органлари фаолиятида “Халқ давлат идораларига эмас, давлат идоралари халқимизга хизмат қилиши керак”, -деган ҳаётий тамойилни амалда қарор топтириш, шунингдек, жисмоний ва юридик -шахсларнинг мурожаатлари билан ишлашнинг сифат жиҳатидан янги тизимини жорий этиш мақсадида қабул қилингани билан ниҳоятда аҳамиятлидир.

Депутатлар ушбу ҳужжат билан Қорақалпоғистон Республикаси, вилоятлар ва Тошкент шаҳрида, қолаверса, ҳар бир туман ҳамда шаҳарда Ўзбекистон Республикаси Президентининг Халқ қабулхоналари тузилишини, бу эса, ўз навбатида, аҳоли билан тўғридан-тўғри мулоқотни ташкил этиш, жисмоний ва юридик шахсларнинг ҳуқуқ ҳамда эркинликлари ва қонуний манфаатларини тўлақонли ҳимоя қилиш, мурожаатлар билан ишлашнинг сифат жиҳатидан мутлақо янги, самарали тизимини таъминлашга қаратилганини айтиб ўтишди.

Фармонда белгиланган вазифалар ижроси давлат ҳокимияти ва бошқаруви органлари билан биргаликда сиёсий партиялар, жумладан, Ўзбекистон “Миллий тикланиш” демократик партияси фракцияси, партиянинг барча даражадаги тузилмалари зиммасига катта масъулият юклаши йиғилишда алоҳида қайд этилди. Зеро, халқ билан мулоқотнинг мазкур янги тизими парламент аъзолари олдига долзарб вазифаларни қўймоқда. Бу, айниқса, “Миллий тикланиш” демократик партиясининг дастурий мақсад-вазифаларини амалга ошириш ҳамда партия электорати манфаатларини ҳимоя қилишда муҳим ўрин тутади.

Муҳокамалар чоғида Олий Мажлис Қонунчилик палатасида фаолияти йўлга қўйилган Виртуал қабулхона ҳақида, депутатлар ундан самарали фойдаланишлари ҳамда халқимизни ўйлантираётган масалаларга эътибор қаратишлари зарурлигига тўхталиб ўтилди.

Шунингдек, йиғилишда Ўзбекистон Республикаси Президенти Шавкат Мирзиёевнинг “Ўзбекистон фахрийларни ижтимоий қўллаб-қувватлаш “Нуроний” жамғармаси фаолиятини янада такомиллаштириш чора-тадбирлари тўғрисида”ги Фармонининг мазмун-моҳияти юзасидан атрофлича фикр алмашилди.

Мазкур ҳужжат кекса ёшдаги фуқароларни давлат томонидан қўллаб-қувватлаш тизими самарадорлигини янада ошириш, уларнинг мамлакат ижтимоий-сиёсий ҳаётида тўла ҳуқуқли иштирок этиши учун зарур шарт-шароитлар яратиш, кекса авлоднинг жамият, оилалар ва маҳаллаларда тинчлик ҳамда осойишталикни таъминлаш, шу билан бирга, ёш авлодни халқимизнинг кўп асрлик анъаналарини ҳурмат қилиш руҳида тарбиялаш ишидаги ролини ошириш мақсадида қабул қилингани билан аҳамиятли экани таъкидлаб ўтилди. 

Фракция аъзолари ушбу Фармон Ўзбекистон “Миллий тикланиш” демократик партияси Сайловолди платформасида белгиланган вазифалар, хусусан, халқимизнинг маънавияти ривожи ва жамиятдаги барқарорликни мустаҳкамлашга хизмат қиладиган мурувват, меҳмондўстлик, меҳр-оқибат, ўзаро ҳурмат-эҳтиром, бағрикенглик, яхшилик ва саховатпешалик каби миллий хусусиятларимиз тарғиботига асосланган лойиҳаларни амалга оширишда муҳим ўрин тутишини таъкидладилар.

Йиғилишда муҳокама этилган масалалар юзасидан партия фракцияси олдида турган -долзарб вазифалар белгилаб олинди.

Зиёда АШУРОВА.

 

Кўриш қобилияти чекланганлар учун

A- A A+