XS.UZ
Ўзбекистон Республикаси фуқаролигига қабул қилиш тўғрисида Қатъий мақсад, пухта режа, қулай шароит муваффақиятларга эришишнинг муҳим омилидир Оилаларнинг турмуш фаровонлигини юксалтириш Ижтимоий аҳамиятга молик лойиҳалар қўллаб-қувватланмоқда Фаолият самарадорлигини оширишга қаратилган тадбирлар Одил судлов ва замонавий талаблар Илм-фан ривожи — жадал тараққиёт гарови Китоб байрами Экскурсия етакчилари салоҳияти Экскурсия етакчилари салоҳияти Ўзбекистон Республикаси суд тизими тузилмасини тубдан такомиллаштириш ва фаолияти самарадорлигини ошириш чора-тадбирлари тўғрисида Ҳаракатлар стратегияси —  ислоҳотларнинг янги босқичи Пул муомаласи ва ҳисоб-китоб халқимиз учун қулай шаклда бўлади Илғор агротехнологиялар ва замонавий ёндашувлар Маданият ва спорт ривожи истиқболлари Эзгуликнинг табаррук ошёни Самимий қутловлар Эзгу ташаббуслар, изчил ислоҳотлар Илм-фан тараққиётига юксак эътибор Йўллар ободлиги — иқтисодий ривожланиш омили Халқчил институт ва самарали фаолият Билимли, жисмонан етук ва фидойи Кўмирнинг чакана нархи 13 фоиз арзонлашди Етти хазинанинг бири Фанлар академияси фаолияти, илмий-тадқиқот ишларини ташкил этиш, бошқариш ва молиялаштиришни янада такомиллаштириш чора-тадбирлари тўғрисида Соғлом авлод — давлат ва жамият таянчи Аҳоли билан мулоқот ва амалий тажриба «Профилактика куни» тадбирлари бошланди Қулай инвестиция муҳити иқтисодиётимиз юксалишига хизмат қилмоқда «Олтин қалам»: Ижодий изланиш ва рағбат
  • 05 Январь 2017

Тадбиркорлик фаолиятини қўллаб-қувватлашнинг ҳуқуқий асослари янада такомиллашди

Тадбиркорлар ва ишбилармонлар ҳаракати — Ўзбекистон Либерал-демократик партиясининг Олий Мажлис Қонунчилик палатасидаги фракцияси мажлиси бўлиб ўтди. Унда 2017 йил 1 январдан кучга кирган “Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Ўзбекистон Республикаси Қонунининг мазмун-моҳияти ва уни кенг жамоатчиликка етказиш масалалари муҳокама қилинди.

Таъкидланганидек, ушбу Қонун тадбиркорлик субъектларининг фаолиятига асоссиз аралашувлардан ишончли ҳуқуқий кафолатларни таъминлашга, жиноят ишлари бўйича тафтишлар ўтказишни процессуал жиҳатдан аниқ тартибга солишга қаратилгани билан ниҳоятда аҳамиятлидир. 

Қонунда молиявий-хўжалик фаолиятини амалга ошириш чоғида биринчи марта ҳуқуқбузарлик содир этган тадбиркорлик субъектларини ва уларнинг ходимларини, шунингдек, давлат рўйхатидан ўтказмаган ҳолда тадбиркорлик -фаолиятини амалга оширган шахсларни, агар етказилган зарарнинг ўрни улар томонидан қопланган ва ҳуқуқбузарлик оқибатлари ихтиёрий равишда бартараф этилган тақдирда, жавобгарликнинг барча турларидан озод этиш, шу билан бирга, тадбиркорлик субъектларига нисбатан тадбиркорлик фаолияти билан шуғулланиш ҳуқуқидан маҳрум этиш тарзидаги жиноий жазони қўллашга тақиқ белгилаш ўз ифодасини топди.

Депутатларнинг фикрича, ушбу қоидалар илк бор ҳуқуқбузарлик содир этган ва ўз айбини англаб етган фуқароларга ҳеч қандай салбий оқибатларсиз тадбиркорлик фаолиятини давом эттириш имконини беради. Бу эса уларнинг ишбилармонлик борасидаги фаоллигини рағбатлантиришга хизмат қилади. Шунингдек, Қонунда бир қатор қонун ҳужжатларига муқобил текширувларнинг барча турларини, шу жумладан, жиноят ишлари бўйича муқобил текширишларнинг барча турларини бекор қилишга тааллуқли тузатишлар киритиш назарда тутилди.

Йиғилишда мамлакатимизда кичик бизнесни қўллаб-қувватлаш, хусусий тадбиркорликни ривожлантириш йўлида кенг имкониятлар беришга, иқтисодиётда давлатнинг иштироки даражасини қисқартиришга алоҳида эътибор қаратилаётгани эътироф этилди. Фракция аъзоларининг қайд этишича, мазкур ҳужжатдаги нормалар хусусий секторни ва тадбиркорлик фаолиятини янада тараққий эттиришга хизмат қилади. 

Сўзга чиққанлар иқтисодиётимизни либераллаштириш ва бозор муносабатларини янада чуқурлаштириш орқали халқимиз фаровонлигини таъминлаш ҳамда қонун ижроси устидан самарали назорат ўрнатишда парламентнинг ваколати ва масъулиятини ошириш мақсадга мувофиқлигини айтиб ўтдилар. 

Шу боис Қонуннинг мазмун-моҳияти ҳақида кенг жамоатчилик, энг аввало,  партия электорати вакиллари бўлган тадбиркорлар ва фермерларни яқиндан хабардор қилиш, ҳуқуқни қўллаш амалиётида дуч келиниши мумкин бўлган масалаларни ҳал этишда фракция ва маҳаллий вакиллик органларидаги партия депутатлик гуруҳларини фаол жалб қилиш зарурлиги қайд этилди. Айни чоғда жойларда партия кенгашлари ва депутатлар иштирокида Қонуннинг амалиётга жорий этилиши билан боғлиқ тегишли тушунтириш ва тарғибот тадбирларини олиб бориш ҳақидаги таклифлар илгари сурилди.

Йиғилиш якунида муҳокама этилган масала юзасидан фракциянинг тегишли таклиф ва тавсиялари ишлаб чиқилди.

Зиёда АШУРОВА.

 

Кўриш қобилияти чекланганлар учун

A- A A+

Кўп ўқилган