XS.UZ
Ўзбекистоннинг Германиядаги янги Фавқулодда ва мухтор элчиси тайинланди Ўзбекистон Республикасининг Испания Қироллигидаги элчихонаси маслаҳатчиси, муваққат ишлари вакили тайинланди Дахлдорлик туйғуси Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар Инновацион ишланмалар нефтни қайта ишлаш соҳаси ривожини жадаллаштиради Савдо-иқтисодий муносабатлар янада мустаҳкамланади Ҳарбийларимиз “Кембрия патрули” халқаро танловида совриндор бўлди «Ўзбекистоннинг тенг ҳуқуқли фуқаросиман!» Мактабгача таълим соҳасида замонавий тизим яратилади Илғор тажрибалар ва бозор механизмлари
  • 25 Март 2015

Фракциялар ва депутатлар гуруҳи йиғилишлари бўлиб ўтди

Олий Мажлис Қонунчилик палатасида сиёсий партияларнинг фракциялари ва Ўзбекистон экологик ҳаракати депутатлар гуруҳи йиғилишлари бўлиб ўтди. Уларда экспертлар, мутахассислар, оммавий ахборот воситалари ходимлари ҳам иштирок этди.

Депутатлар парламент қуйи палатасининг навбатдаги мажлиси кун тартибига киритилаётган “Ташувчининг фуқаролик жавобгарлигини мажбурий суғурта қилиш тўғрисида”, “Ташувчининг фуқаролик жавобгарлигини мажбурий суғурта қилиш тўғрисида”ги Ўзбекистон Республикаси Қонуни қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш ҳақида”, “Радиочастота спектри тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақида”, “Ўзбекистон Республикасининг Фуқаролик процессуал кодексига ўзгартиш ва қўшимчалар киритиш тўғрисида”ги қонун лойиҳалари, бошқа қатор ҳуқуқий ҳужжатларни кўриб чиқдилар.
Тадбиркорлар ва ишбилармонлар ҳаракати — Ўзбекистон Либерал-демократик партияси фракцияси аъзолари таъкидлаганидек, “Ташувчининг фуқаролик жавобгарлигини мажбурий суғурта қилиш тўғрисида”ги қонун лойиҳасининг қабул қилиниши ташувчининг фуқаролик жавобгарлигини мажбурий суғурта қилишни амалга ошириш йўли билан йўловчиларнинг ҳаёти, соғлиғи ва мол-мулкига етказилган зарар ўрнининг қопланишини кафолатлашни янада мустаҳкамлайди. Мамлакатимизда суғурта бозори ва транспорт инфратузилмаси тараққиётига ижобий таъсир кўрсатиб, ташувчи хизматлари сифатини янада яхшилайди.
Ўзбекистон “Миллий тикланиш” демократик партияси фракцияси аъзолари томонидан муҳокамалар давомида “Радиочастота спектри тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақида”ги қонун лойиҳасига алоҳида тўхталиб ўтилди. У юртимизда радиочастота спектридан халқаро нормалар ва қоидалар, радиотехника ҳамда радиотехнология ютуқларини инобатга олган ҳолда фойдаланишни тартибга солишнинг ҳуқуқий базасини такомиллаштириш, давлат манфаатларини таъминлаш ва радиочастота спектридан фойдаланиш устуворликлари бўйича талабларни ўрнатиш мақсадида ишлаб чиқилган. Қонун лойиҳасига радиоалоқадан фойдаланишда махфийликни таъминлаш, фойдаланилаётган радиоэлектрон воситалар ва юқори частотали қурилмалардан фуқаролар ҳаёти ҳамда соғлиғи, атроф-муҳит ҳолатига реал хавф юзага келишини бартараф этишга оид ўзгартиш ҳамда қўшимчалар киритилмоқда. Депутатлар қонун лойиҳаси ўз вақтида ишлаб чиқилгани ва долзарб эканлиги хусусида фикр билдирдилар. Зеро, у мамлакатимизда миллий ахборот маконини янада изчил равнақ топтиришга ҳам туртки бўлади.
Ўзбекистон Халқ демократик партияси фракцияси йиғилишида “Ўзбекистон Республикасининг Фуқаролик процессуал кодексига ўзгартиш ва қўшимчалар киритиш тўғрисида”ги қонун лойиҳасига ҳам алоҳида эътибор қаратилди. Айтиб ўтилганидек, у фуқароларнинг судларга мурожаат қилишини соддалаштириб, фуқаролик судларида электрон ҳужжат айланишини кенг таъминлайди. Депутатлар қонун лойиҳасининг қабул қилиниши фуқаролик судларида иш юритиш тезкорлиги ва қулайлигини янада ошириш, процесс иштирокчилари харажатлари ҳамда суд чиқимлари камайишига хизмат қилишини таъкидладилар. Фракция аъзолари фикрича, келгусида судлар фаолиятига ахборот-коммуникация технологияларини татбиқ этишни янада кенгайтириш партиянинг суд-ҳуқуқ тизими соҳасидаги устувор вазифалари сирасига киради.
Йиғилишлар якуни бўйича сиёсий партиялар фракциялари ва Экологик ҳаракат депутат-лари гуруҳи аъзолари партия дастурлари ҳамда электорат манфаатларидан келиб чиқиб, юқоридаги масалаларни Олий Мажлис Қонунчилик палатасининг навбатдаги мажлиси кун тартибига киритиш таклифини қўллаб-қувватладилар.

Саиджон МАХСУМОВ.

 

Кўриш қобилияти чекланганлар учун

A- A A+

Кўп ўқилган