Долзарб масалалар муҳокамаcи
XS.UZ
Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини
  • 13 Сентябрь 2017

Долзарб масалалар муҳокамаcи

Шу кунларда Олий Мажлис Қонунчилик палатасида сиёсий партиялар фракциялари ва Ўзбекистон экологик ҳаракати депутатлар гуруҳининг йиғилишлари ўтказилмоқда. Мамлакатимиз раҳбарининг 2017 йил 8 сентябрдаги Фармони билан тасдиқланган -Ўзбекистон Республикасида Маъмурий ислоҳотлар концепциясини амалга ошириш доирасида давлат бошқаруви тизимини тубдан ислоҳ қилиш масалалари депутатлар диққат-эътиборида бўлди.

Қуйи палата аъзоларининг таъкидлашича, мазкур ҳужжат тарихий аҳамиятга эга бўлиб, давлат бошқарувининг концептуал жиҳатдан янги моделга ўтишидан далолатдир. Депутатлар ушбу ҳужжат муҳокамасига аҳолига тиббий хизмат кўрсатиш сифатини ошириш нуқтаи назаридан ёндашдилар. Маълумки, Президентимиз кўрсатмаларига асосан, Қонунчилик палатаси жорий йил бошидан буён соғлиқни сақлаш соҳасида назорат-таҳлил ишларини олиб бормоқда. Ундан кўзланган асосий мақсад эса тиббиёт муассасалари барча бўғинидаги ҳақиқий ҳолатни ўрганиш, соҳадаги долзарб муаммоларни аниқлаш ҳамда уларнинг ечими юзасидан чоралар кўришдир.

Тадбиркорлар ва ишбилармонлар ҳаракати — Ўзбекистон Либерал-демократик партияси фракцияси йиғилишида депутатлар Концепциянинг асосий йўналишларидан бири сифатида иқтисодиёт тармоқларига маъмурий таъсирни қисқартириш ҳамда бошқарувнинг бозор механизмларини кенгайтириш белгиланганига эътибор қаратиб, амалиётда бу вазифа ижросига киришилганини таъкидлаб ўтдилар. Хусусан, давлатимиз раҳбарининг жорий йил 2 сентябрдаги “Валюта сиёсатини либераллаштириш бўйича биринчи навбатдаги чора-тадбирлар тўғрисида”ги Фармонига мувофиқ, валюта конвертацияси жорий этилди. Эндиликда юридик ва жисмоний шахслар нафақат ўзимизда, балки дунёнинг исталган мамлакатида ҳам давлатнинг тўғридан-тўғри аралашувисиз эркин тўлов қобилиятларини амалга оширишлари мумкин бўлди.

Фракция аъзоларининг фикрича, маъмурий ислоҳотларнинг тизимли олиб борилиши ижтимоий-сиёсий ҳамда ижтимоий-иқтисодий ривожланиш муаммоларини ўз вақтида аниқлаш ва самарали ҳал қилишга қодир бўлган, инновацион ривожланишнинг умумжаҳон тенденцияларига жавоб берадиган давлат бошқаруви тизимини яратишга олиб келади. Қолаверса, “Электрон ҳукумат” тизимини такомиллаштириш орқали давлат хизматлари кўрсатишнинг самарадорлиги ортади.

Кун тартибидаги галдаги масала ҳам депутатлар томонидан қизғин муҳокама қилинди. Унда фракциянинг соғлиқни сақлаш соҳасидаги ислоҳотларнинг амалга оширилиши устидан парламент ва депутатлик назоратини олиб бориши бўйича асосий йўналишлар тўғрисидаги масала атрофлича муҳокама этилди.

Сўзга чиққан депутатлар мамлакатимизда хусусий тиббиёт соҳасини янада ислоҳ қилиш бўйича белгилаб берилган устувор вазифалар ижроси устидан депутатлик назоратини ўрнатишга алоҳида эътибор қаратилаётганини таъкидлашди. Бу борада энг чекка ҳудудларда олиб борилаётган ишларга аҳамият қаратиш лозимлиги айтиб ўтилди. Мисол учун, Президентимизнинг “Соғлиқни сақлаш соҳасида хусусий секторни янада ривожлантириш чора-тадбирлари тўғрисида”ги қарорида белгилаб берилган устувор вазифаларнинг ижроси борасида ЎзЛиДеПнинг саъй-ҳаракатлари яққол сезилиши зарур. Фракция аъзоларининг фикрича, бугунги кунда мазкур соҳада айрим муаммолар, бюрократик тўсиқлар ҳали-ҳамон учраб турибди. Уларни бартараф этиш бўйича самарали парламент ҳамда депутатлик назоратини олиб боришни кучайтиришга келишиб олинди.

* * *

Ўзбекистон “Миллий тикланиш” демократик партияси фракцияси йиғилишида дастлаб Ўзбекистон Республикасида Маъмурий ислоҳотлар концепциясидан келиб чиқиб, партия ва унинг фракцияси аъзолари олдида турган муҳим вазифаларга эътибор қаратилди.

Қайд этилганидек, Концепцияда белгиланган асосий йўналишлар ижросини таъминлаш маҳаллий ижро  ҳокимияти органлари томонидан ўз зиммасига юклатилган вазифаларни самарали амалга ошириш ҳамда аҳоли мурожаатларини ҳал этишда уларга тўсқинлик қилаётган камчиликларнинг олдини олишга замин яратади.

Айниқса, ижро этувчи ҳокимият фаолиятининг шаффофлиги ва очиқлигини таъминлаш борасидаги амалиётни янги босқичга олиб чиқиши, ушбу жараёнга фуқаролик жамияти институтларини кенг жалб қилиш, шунингдек, уларнинг жисмоний ҳамда юридик шахсларга ахборот тақдим этишнинг замонавий шаклларини жорий қилиш орқали аҳолининг ахборот олишга бўлган ҳуқуқини таъминлаш имкониятини яратиши фракция аъзолари томонидан алоҳида таъкидланди.

Шунингдек, йиғилишда “Миллий тикланиш” демократик партияси фракциясининг аҳоли соғлиғини сақлаш соҳасидаги ислоҳотлар жараёнидаги иштироки атрофлича муҳокама этилди.

Фракция ўз зиммасига аҳолига тиббий хизмат кўрсатишни ва дори воситалари таъминотини янада яхшилаш, ушбу соҳадаги қонунчиликни амалиётга самарали татбиқ қилишга кўмаклашиш, бунда парламент ҳамда депутатлар назоратини самарали олиб бориш, шу билан бирга, тиббиёт кадрларини тайёрлаш, қайта тайёрлаш ва уларнинг малакасини юксалтириш ҳамда оналик ва болаликни муҳофаза этиш тизимларини янада такомиллаштириш чора-тадбирларининг амалга оширилишини назорат қилиш, тиббиёт соҳасида раҳбар кадрларни ротация қилиш, уларга тегишли ҳудуддан уй-жой ажратиш ҳамда оиласига яшаш учун зарур шароитлар яратиш масалаларини ўрганиш ва ушбу йўналишдаги ишларнинг ҳолатини яхшилаш бўйича таклифлар ишлаб чиқиш вазифаларини белгилаб олгани айтиб ўтилди.

Депутатлар мазкур ишларни изчил ҳамда самарали бажариш, ҳар бир йўналиш бўйича жойларга чиққанда парламент ва депутатлар назоратини кучайтириш юзасидан таклиф ҳамда тавсияларини билдиришди.

Йиғилишлар якунида кўриб чиқилган масалалар юзасидан фракцияларнинг тегишли қарорлари қабул қилинди.

Зиёда АШУРОВА.