Мудофаа вазирлигида учрашув
  • 18 Август 2017

Мудофаа вазирлигида учрашув

Ўзбекистон Республикаси Мудофаа вазирлигида 17 август куни Қозоғистон Республикаси мудофаа вазири Сакен Жасузоқов бошчилигидаги делегация билан учрашув бўлиб ўтди.

Мамлакатимизда Қозоғистон билан ўзаро манфаатли алоқаларни ривожлантиришга алоҳида эътибор қаратиб келинмоқда ҳамда дўстона муносабатлар юксак қадрланади. Давлатларимиз ўртасидаги ҳамкорлик бутун Марказий Осиё минтақасининг хавфсизлиги ва барқарор ривожланишини таъминлашда муҳим аҳамият касб этади.

Учрашувда Ўзбекистон билан Қозоғистон ўртасида ҳарбий, ҳарбий-техник ва ҳарбий таълим йўналишларидаги ҳамкорликнинг бугунги ҳолати хусусида сўз юритилди. Томонлар минтақадаги ҳарбий-сиёсий вазият юзасидан ҳам ўзаро фикр алмашди.

Тадбирда икки мамлакат Мудофаа вазирликлари ўртасидаги ҳамкорлик режаси тасдиқланди. Мазкур ҳужжатга мувофиқ, келгусида мудофаа соҳасидаги алоқаларни янада ривожлантириш кўзда тутилган.

У. ШОНАЗАРОВ,

ЎзА мухбири. 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn