XS.UZ
Ватан тараннуми «Гул олмаган гўзаллар» Истеъдодли ёшлар — юрт келажаги Аграр соҳа ривожида муҳим босқич Касбидан эъзоз топган устоз Ғамхўрликдан обод кўнгиллар Эзгулик зиёси Дўстона ва амалий руҳдаги учрашувлар Депутатлар инсон манфаатларини таъминлашга қаратилган қонун лойиҳаларини кўриб чиқдилар Халқ билан мулоқотнинг ноёб тизими Янги даврни бошлаб берган тарихий ташриф Самимий қутлов Ўзбекистон Президентининг БМТ Бош Ассамблеяси 72-сессиясидаги нутқи жаҳон оммавий ахборот воситалари нигоҳида Янги даврни бошлаб берган тарихий ташриф Самимий қутлов Ўзбекистон Президентининг БМТ Бош Ассамблеяси 72-сессиясидаги нутқи жаҳон оммавий ахборот воситалари нигоҳида Аграр соҳа ривожида муҳим босқич Депутатлар инсон манфаатларини таъминлашга қаратилган қонун лойиҳаларини кўриб чиқдилар Халқ билан мулоқотнинг ноёб тизими Фракцияларда долзарб қонун лойиҳалари кўриб чиқилди Ислом дини бизни эзгулик ва тинчликка, асл инсоний фазилатларни асраб-авайлашга даъват этади Замонавий қурилмалар ва интерактив хизматлар Ҳаракатлар стратегияси: дастлабки натижалар халқимиз ҳаётида намоён бўлмоқда Жаҳон жамоатчилиги Ўзбекистонда кечаётган ўзгаришларни юксак баҳоламоқда Россия Федерацияси делегацияси Самарқандда Тиббий-илмий янгиликлар ва истиқбол Мурожаатлар ижроси бўйича батафсил ахборот берилди Келажак тараққиётимизнинг муҳим омили Тинчлик — энг улуғ неъмат Биохилмахилликни асраш
  • 12 Август 2017

Тошкент шаҳри туманларида халқ депутатлари Кенгашлари ташкил этилади

Мамлакатимизни ижтимоий-иқтисодий ҳамда ижтимоий-сиёсий ривожлантириш, аҳоли фаровонлигини юксалтириш, ҳуқуқ ва қонуний манфаатларини ҳимоя қилиш борасида амалга оширилаётган кенг кўламли ислоҳотлар жараёнида вакиллик органлари, депутатлар фаолиятини сифат жиҳатидан янги босқичга кўтариш муҳим вазифалардан бири ҳисобланади. Давлатимиз раҳбарининг Олий Мажлис палаталари, сиёсий партиялар ҳамда Ўзбекистон экологик ҳаракати вакиллари билан видеоселектор йиғилишидаги маърузасида бу ҳақда батафсил тўхталиб ўтилган.

Президентимизнинг жорий йил 8 августдаги “Ҳудудларнинг жадал ижтимоий-иқтисодий ривожланишини таъминлашга доир устувор чора-тадбирлар тўғрисида”ги қарори мазкур саъй-ҳаракатларнинг узвий давоми бўлиб, унда ислоҳотларнинг жойларда муваффақиятли амалга оширилишини таъминлашга оид чора-тадбирлар ижро этилишининг мутлақо янги тизимини жорий қилиш белгилангани  муҳим аҳамиятга эга.

Бинобарин, қарор билан маҳаллий Кенгашларнинг ушбу жараёндаги иштироки ва роли алоҳида кўрсатилди. Унга кўра, Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар, туманлар (шаҳарлар) Кенгашлари мажлисларида ҳар чоракда секторлар раҳбарларининг ҳисоботлари ҳар бир ҳудудга бириктирилган масъул мансабдор шахслар, депутатлар ва сенаторлар иштирокида эшитилади. Шунингдек, маҳаллий Кенгашлар томонидан  секторлар раҳбарларининг ҳисоботларини эшитишда эътибор қаратилиши лозим бўлган йўналишлар ифодасини топди.

Яқинда Олий Мажлис Қонунчилик палатасида биринчи ўқишда қабул қилинган “Тошкент шаҳар халқ депутатлари туман Кенгашларига сайлов тўғрисида”ги қонун лойиҳаси ҳам пойтахт туманларини  ижтимоий-иқтисодий ривожлантириш даражасини янада оширишга қаратилгани билан ниҳоятда долзарбдир. 

Қонун лойиҳасида давлат ҳокимияти вакиллик органларининг Тошкент шаҳрида амалга оширилаётган кенг кўламли ислоҳотларда иштирок этишини таъминлаш ва уларнинг бюджет соҳасидаги ваколатларини кенгайтириш мақсадида пойтахт -туманларида халқ депутатлари Кенгашларини ташкил этиш масаласи акс эттирилган.

Амалдаги қонун ҳужжатларида туман бўйсунувидаги шаҳарларда ҳамда шаҳар таркибидаги туманларда халқ депутатлари Кенгашлари тузилмаслиги белгиланган. Бу эса, ўз навбатида, Тошкент шаҳри туманлари даражасида, ўша ҳудуднинг ўзига хос хусусиятидан келиб чиққан ҳолда, маҳаллий бюджетлар лойиҳаларини кўриб чиқиш ва қабул қилиш ҳамда уларнинг ижроси тўғрисидаги ҳисоботларни эшитиш юзасидан муҳокамалар ўтказиш имконини чеклаган эди.

Юртимизда ҳозирги кунда фақат пойтахтимизда шаҳар таркибидаги туманлар мавжуд бўлиб, Тошкент шаҳрининг туманларида халқ депутатлари Кенгашларини ташкил этиш учун Конституция ва бошқа қонунлардаги юқорида кўрсатиб ўтилган тақиқни олиб ташлаш, янги Кенгашлар ташкил этилиши муносабати билан шаҳарлардаги туманлар ҳокимларини лавозимга тасдиқлаш ҳаётий заруратга айланди. Шунингдек, уларнинг ҳисоботларини эшитиш халқ депутатлари туман Кенгашлари томонидан амалга оширилишини белгиловчи тартиб ўрнатиш ҳамда сайловни белгиланган тартибда ўтказишни назарда тутувчи нормаларни қонунчиликка киритиш мақсадида мазкур қонун лойиҳаси ишлаб чиқилди. 

Айтиш жоизки, ушбу ҳужжатда Тошкент шаҳар халқ депутатлари туман Кенгашларига сайловни конституциявий қоидалар асосида, 2017 йил декабрь ойи учинчи ўн кунлигининг биринчи якшанбасида ўтказиш белгиланмоқда. Туман Кенгашларининг сайланган депутатлари эса ўз ваколатларини Ўзбекистон Республикаси Конституциясининг 117-моддасига мувофиқ, 2019 йилда бўлиб ўтадиган сайлов натижаларига кўра, уларнинг янги таркиблари шакллантирилгунига қадар амалга оширишларини белгилаш назарда тутилаяпти. 

Мазкур қонун лойиҳасининг қабул қилиниши пойтахт жамоатчилигига Тошкент шаҳридаги социал-иқтисодий ва ижтимоий-сиёсий ислоҳотларни амалга оширишдаги иштироки ва ролини кучайтириш, туманларни ривожлантиришга ўз ҳиссасини қўшиш имконини беради. Шу билан бирга, маҳаллий бюджетни шакллантириш ва ижро этиш, ҳудудларни ривожлантиришнинг устувор дастурларини амалга ошириш, туманларнинг бош режалари ва қурилиш қоидалари, маҳаллий солиқлар ҳамда бошқа мажбурий тўловларнинг миқдорларини белгилаш, қонун ҳужжатларига мувофиқ, улар бўйича имтиёзлар бериш устидан назорат қилиш механизми ўрнатилишини таъминлашга хизмат қилади.

Мухтабар ҲУСАНОВА, 

Ўзбекистон Республикаси

Олий Мажлиси 

Қонунчилик палатаси депутати.

 

Кўриш қобилияти чекланганлар учун

A- A A+

Кўп ўқилган