XS.UZ
Суяк ўстириш ўзлаштирилди(ми?) Киберхавфсизликни таъминлаш учун йилига 161,3 миллиард АҚШ доллари миқдорида маблағ йўналтирилади Ўзбекистон Республикаси Ички ишлар идоралари ходимлари куни муносабати билан бир гуруҳ ходимларни мукофотлаш тўғрисида Тошкентда 25 октябр куни ШҲТга аъзо давлатлар Олий суд раисларининг йиғилиши бўлади Шавкат Мирзиёев Муҳаммад Ашраф Ғанига ҳамдардлик билдирди “Ўзбекистон ёшлар иттифоқи мукофоти” таъсис этилди Ўзбекистоннинг Германиядаги янги Фавқулодда ва мухтор элчиси тайинланди Ўзбекистон Республикасининг Испания Қироллигидаги элчихонаси маслаҳатчиси, муваққат ишлари вакили тайинланди Дахлдорлик туйғуси Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар
  • 16 Июнь 2017

Расмиятчиликдан холи, очиқ ва шаффоф

Ўзбекистон Республикаси Президенти девонининг Фуқаролар ҳуқуқларини ҳимоя қилиш, жисмоний ва юридик шахсларнинг мурожаатлари билан ишлашни назорат қилиш ва мувофиқлаштириш хизмати томонидан Сирдарё вилоятида бўлиб ўтган сайёр қабулларда одамларнинг ҳақли эътирозига, сарсону -оворагарчиликларига сабаб бўлаётган ижтимоий-иқтисодий соҳалардаги муаммо ва камчиликлар қатор вазирлик ҳамда идоралар, маҳаллий ҳокимликлар мутасаддилари томонидан кўриб чиқилди.

Эътиборлиси, мурожаатларнинг аксарияти жойида ечимини топди. Яна бир жиҳат шуки, сайёр қабуллар ортиқча расмиятчиликсиз, фуқароларга қулай ва энг муҳими, ўзларини ўйлантираётган муаммони эмин-эркин билдириши учун зарур шароитлар яратилгани ҳолда ташкил этилди.

— Қаранг, биргина фуқаронинг муаммосини ҳал қилиш учун камида тўрт нафар масъул жалб қилинган, — дейди Сирдарё туманида яшовчи Мирмурод Арабов. — Масалан, тиббиётга оид масалада бирламчи тиббиёт муассасаси, туман тиббиёт бирлашмаси ва вилоят соғлиқни сақлаш бошқармаси раҳбарларию соғлиқни сақлаш вазири ўринбосаригача бўлган мутасаддилар шай турибди. Сайёр қабулда кўп қатори менинг ҳам муаммоим ҳал бўлди. Бундан хурсандман, албатта. Бир пайтлар қабулхонаси эшиги олдида дардимизни айтиш учун навбат кутавериб чарчаганимиз — раҳбар ва мансабдор шахсларнинг эндиликда халқ ичига кириб, ўй-ташвишларимиз билан қизиқаётгани мени янада қувонтирди.

Меҳнат фахрийси Шербўта Примқулов ҳам тадбирдан ана шундай кўтаринки кайфиятда қайтди. Боиси, унинг Ховос шаҳарчасидаги сизот сувларнинг кўтарилиши оқибатида ноқулайликлар юзага келаётганлиги ва бунинг учун ҳудуддаги тик дренаж қудуқларни иш-латишни йўлга қўйиш кераклиги тўғрисидаги мурожаати ўз натижасини берадиган бўлди. Сардоба туманилик Муҳаммадқул Эшонқулов эса Пахтаобод шаҳарчаси билан “Гулистон” ва “Янгиобод”  фуқаролар йиғинлари ўртасида автобус қатновини йўлга қўйишга доир таклифи узоғи билан бир ой ичида ҳал бўлишини эшитиб, бу хушхабарни ҳамқишлоқларига етказишга шошилди.

— Кўпдан буён ҳудудимиздаги ташландиқ ерни обод қилсам, деб юрар эдим, — дейди Мирзаобод туманидаги Янгиовул маҳалласидан Шокиржон Қудратов. — Шу мақсадда 2016 йил ноябрь ойида туман ҳокимига хат билан чиқдим. Аммо аризам кўрилмай қолиб кетди. Сайёр қабулда ташаббусим нафақат қўллаб-қувватланди, балки сўраган еримдан фойдаланиш бўйича тегишли ҳужжатга ҳам эга бўлдим. 

Сайёр қабул туфайли Ховос шаҳарчасидан Мафтуна Абдусаломованинг ҳам тикув жиҳозлари олиб, уйида чеварлик қилиш истаги тез орада рўёбга чиқадиган бўлди. Унга тикув машинаси харид қилиши ва фаолиятини йўлга қўйиши учун тегишли банк кредит ажратиши бўйича топшириқ берилди. Шунингдек, боёвутлик Гулсара Шерматова, Гулистон туманидан Хуршида Эшонқулова, Янгиердан Гулнора Нарзуллаеванинг мурожаатларида ҳам ана шундай эзгу ният мужассам.

— Фарзандимни мактабгача таълим муассасасига жойлаштириш бўйича мурожаатимга ижобий жавоб олдим, — дейди Ширин шаҳрида истиқомат қилувчи Ирода Абдурасулова. — Шу билан бирга, ўзимга ишлашим учун касбга қайта тайёрлаш курсида ўқишим юзасидан мутахассислар маслаҳат бердилар. Уйга хурсанд қайтар эканман, хаёлимдан “Давлат фарзандим келажагига, оиламга шунчалик катта эътибор қаратмоқда. Хўш, мен унга қандай наф келтираяпман?” деган савол ўтди. Ва албатта, шаҳримиздаги бирор-бир ташкилот ёки корхона учун зарур мутахассислик бўйича ўқиб, фуқаролик бурчимни ҳалол меҳнатим орқали сидқидилдан бажаришга аҳд қилдим.

Дарҳақиқат, бугун жойларда ўтказилаётган сайёр қабуллар инсон ва унинг манфаатлари устуворлигини таъминлаётган халқчил институт сифатида намоён бўлиши билан бирга, одамларнинг шу азиз Ватанга меҳр-муҳаббатини, давлатга ишончини янада оширишга хизмат қилмоқда.

— Ўзбекистон Республикаси Президентининг Давлат маслаҳатчиси раҳбарлигида вилоятимизда фуқаролар қабулини ўтказган гуруҳ фаолиятидан мурожаатлар билан ишлашнинг жуда кўп самарали жиҳатларини ўргандик, — дейди Сардоба тумани ҳокими Шукур Турсунов. — Одамлар билан юзма-юз учрашиб, уларнинг фикр-мулоҳаза, таклиф ҳамда истакларини эшитиш ва кўмаклашиш ҳар бир раҳбарнинг кундалик ишига айланиши ҳаётий зарурат эканини яна бир карра чуқур ҳис қилдик. Айни чоғда мазкур механизм ҳудуддаги муаммоларни ўз вақтида бартараф этишнинг бош омили ҳамдир. Биз, раҳбарлар халққа қанча яқинлашсак, хонадонма-хонадон юриб, одамлар билан қанча кўп мулоқотда бўлсак, бу давлат ва жамият учун бирдек наф келтиради.

Таъкидлаш лозимки, Сирдарё вилояти шаҳар ва туманларида уюшқоқлик билан ўтказилган сайёр қабулларга 500 га яқин фуқаролар таклиф қилинди. Мурожаатларнинг мазмун-мундарижаси ҳам кенг бўлди: уй-жой олиш, уй-жой қуриш учун ер ажратиш, моддий ёрдам, иш ҳақи, пенсия таъминоти, меҳнат ва бандлик, суд қарорлари ижро этилиши, судларда жиноят ишлари, фуқаролик ишларининг кўрилиши, банк-молия ва солиққа тортиш, таълим, соғлиқни сақлаш соҳалари, тадбиркорлик, коммунал хизмат, ҳуқуқни муҳофаза қилиш...

Ўз навбатида, юқорида келтирилган масалаларнинг келиб чиқиш сабаблари юзасидан асосли хулосалар чиқарилди. Мисол учун, Давлат солиқ қўмитаси Сирдарё вилояти бош-қармаси бошлиғи Содиқ Боймуродовнинг фикрича, жорий қилинган солиқ имтиёзларининг амалиётда тўғри қўлланмаслиги ҳолатлари учраётгани айрим корхона ва ташкилотлар ҳисобчиларининг бу борадаги билими ҳамда малакасини ошириш кераклигини кўрсатмоқда. “Ергеодезкадастр” давлат қўмитаси давлат кадастри бош бошқармаси бошлиғи Бахриддин Исомиддинов эса фуқароларнинг уй-жой ва бошқа иншоотларни лойиҳа асосида, тегишли қонунлар ва бош режага амал қилган ҳолда қуришлари учун аҳоли ўртасида ушбу ҳужжатлар мазмун-моҳияти бўйича тарғибот-тушунтириш ишларини кучайтириш лозимлигини қайд этди.

Умуман, сайёр қабуллар давлат ва хўжалик бошқаруви органлари, жамоат ташкилотлари олдида турган энг долзарб вазифаларни бажаришнинг аниқ ҳамда самарали механизмларини белгилаб олиш имконини бергани билан янада аҳамиятлидир.

Аҳмадали ШЕРНАЗАРОВ,

«Халқ сўзи» мухбири.

Кўриш қобилияти чекланганлар учун

A- A A+

Кўп ўқилган