XS.UZ
Сув ресурсларидан оқилона фойдаланиш Амалга оширилаётган ислоҳотларни изчил ривожлантириш – халқимиз фаровонлигини юксалтиришнинг муҳим омилидир Ўзбекистон Республикаси Вазирлар Маҳкамаси ҳузурида Ўзбекистондаги Ислом маданияти марказини ташкил этиш чора-тадбирлари тўғрисида Халқпарвар сиёсатдан халқимиз мамнун Қонун ва адолат устуворлигини таъминлашнинг муҳим шарти Ҳудудларда тиббий хизмат сифати янада юксалади Тараққиётнинг янги стратегияси Замонавий ёндашув, холислик ва ҳозиржавоблик Гиёҳвандлик воситалари йўқ қилинди Асрлар қаъридан сабоқ Кўп тармоқли фермер хўжаликлари фаолияти самарадорлигини ошириш — давр талаби Ўзбекистон —  хушкайфият инсонлар мамлакати Ҳалокатга элтувчи йўл Тадбиркорликни ривожлантириш, имкониятлардан тўла фойдаланиш халқимиз фаровонлигини янада юксалтиришга хизмат қилади Ихтисослаштирилган тиббий ёрдам сифати тубдан яхшиланади Ўзбекистон ва Европа Иттифоқи ўртасидаги ҳамкорлик алоқалари кенгаймоқда Маҳалла — халқчил институт Ҳаракатлар стратегияси: жамоатчилик ва оавнинг иштироки Фуқаролар осойишталиги кафолатларини кучайтириш — замон талаби Муаммоларни ҳал этишнинг самарали омили Барқарорлик пойдевори Ёшлар гиёҳвандликка қарши «Ўзбекистон бўйлаб саёҳат асносида Шарқнинг ҳақиқий гўзалликларини кашф этасиз» Мўъжизакор ўсимлик Китобга боғланган кўнгил Полвонларимиз муваффақияти Ўн минг йиллик битиклар Маҳаллий экспорт қилувчи ташкилотларни янада қўллаб-қувватлаш ва ташқи иқтисодий фаолиятни такомиллаштириш чора-тадбирлари тўғрисида Кўп томонлама ҳамкорлик истиқболлари Истиқлол саодати ва шукрона
  • 15 Июнь 2017

ШҲТ Остона саммитининг аҳамияти дипломатлар эътирофида

Ўтган ҳафтада минтақамиз ҳаётида ўз ёрқинлиги ва эътиборга сазоворлиги билан кенг аҳамият касб этувчи муҳим воқеалар бўлиб ўтди. Бу, биринчи навбатда, Шанхай ҳамкорлик ташкилотининг Остона шаҳрида ўтказилган саммити ва унинг якунлари, шу билан бирга, Бирлашган Миллатлар Ташкилоти Бош котиби Антониу Гутерришнинг Марказий Осиёдаги бешта давлатга амалга оширган ташрифи бўлди.

Ўзбекистонда аккредитациядан ўтган бир қатор дипломатик ваколатхоналар раҳбарлари беқиёс аҳамиятга эга ушбу воқеалар ҳақидаги мулоҳазаларини “Жаҳон” ахборот агентлиги мухбири билан ўртоқлашдилар.

 

СУНЬ Лицзе, Хитой Халқ Республикасининг Ўзбекистон Республикасидаги Фавқулодда ва мухтор элчиси:

— Қозоғистонда ўтган ШҲТ саммити Ҳиндистон ва Покистоннинг ташкилотга аъзоликка қабул қилиниши муносабати билан ҳам улкан воқеа бўлди. Аминманки, ташкилотнинг кенгайиши унинг келгуси ривожланиши учун янги куч ҳамда рағбат беради. Бу мазкур тузилманинг юқори нуфузга эгалиги ва яшовчанлигидан далолатдир.

Бундан ташқари, Остона учрашувлари доирасида қабул қилинган Экстремизмга қарши курашиш бўйича конвенция ШҲТ маконида барқарорлик ҳамда хавфсизликни таъминлаш учун ўта муҳимдир.

Раислик қилиш эстафетасини Хитой қабул қилиб олди. Биз тинчлик-осойишталикни мустаҳкамлаш, “уч ёвуз куч” — экстремизм, терроризм, айирмачиликка қарши курашиш ҳамда аъзо давлатлар билан савдо-иқтисодий, маданий-гуманитар, шунингдек, бошқа соҳалардаги ҳамкорликни жадаллаштириш борасидаги фаолиятни давом эттирамиз. Шу билан бирга, ШҲТ маконида дўстлик ришталарини мустаҳкамлаш ва халқларнинг яқинлашувини ривожлантиришга кўмаклашамиз.

Марказий Осиё ҳаётида содир бўлган сўнгги муҳим воқеалар қаторида БМТ Бош котиби А. Гутерришнинг мазкур минтақага ташрифи алоҳида эътиборга сазовордир. Унинг ШҲТ Давлат раҳбарлари кенгашининг мажлисида иштирок этиши, шунингдек, Марказий Осиё мамлакатларига ташрифи ташкилотга халқаро ҳамжамиятда улкан аҳамият қаратилишини яна бир бор тасдиқлайди.

Ташриф чоғида БМТ Бош котиби инқироз кўламини яққол кўриш мумкин бўлган Оролбўйи ҳудудига ҳам борди. Биз ушбу масалага катта эътибор қаратаётганимизни ва мазкур глобал муаммони биргаликда ҳамда саъй-ҳаракатларимизни бирлаштирган ҳолда бартараф этиш мумкин, деб ҳисоблашимизни таъкидлашни истардим.

 

Ерик УТЕМБАЕВ, Қозоғистоннинг Ўзбекистон Республикасидаги Фавқулодда ва мухтор элчиси:

— ШҲТ саммитида 11 ҳужжат қабул қилинди. Ушбу ҳужжатлар аҳамиятидан келиб чиқиб, айтиш мумкинки, Шанхай ҳамкорлик ташкилоти ўз фаолиятининг янги босқичига кўтарилди. Ўтган йили Тошкентда берилган туртки минтақавий хавфсизликни таъминлаш бўйича кўплаб муҳим масалаларни ҳал этишда жипслаштирувчи омил бўлиб хизмат қилди.

Ўзбекистон Президенти Шавкат Мирзиёевнинг ШҲТ Минтақавий аксилтеррор тузилмаси вазифаларини кибержиноятчиликка қарши курашиш йўналиши бўйича кенгайтириш ва ахборот технологиялари соҳасида биргаликда фаолият юритувчи тузилма ташкил этиш борасидаги ташаббуслари ўта муҳим аҳамиятга эгадир.

 

Винод КУМАР, Ҳиндистоннинг Ўзбекистон Республикасидаги Фавқулодда ва мухтор элчиси:

— Энг аввало, Ҳиндистоннинг ШҲТ аъзолигига қабул қилиниши биз учун улкан шараф эканлигини қайд этмоқчиман. Мамлакатимизнинг ушбу ташкилотга аъзо бўлиб кириши масаласида бизни доимо қўллаб-қувватлагани ва ёрдами учун Ўзбекистонга ташаккур айтамиз.

Биз ШҲТ аъзолари билан изчил ҳамкорлик олиб боришга ҳамда ташкилотнинг ривожига ўз муносиб ҳиссамизни қўшишга тайёрмиз. Жумладан, бу борада терроризм ва экстремизмга қарши курашиш йўналишлари устувор саналади.

Саммит доирасида бўлиб ўтган Ҳиндистон Бош вазири Нарендра Моди билан Ўзбекистон Президенти Шавкат Мирзиёев учрашуви ижобий ҳамда дўстона кайфиятда кечди. Ҳукуматимиз раҳбари таъкидлаганидек, Ҳиндистоннинг ШҲТга аъзо бўлиши кўплаб йўналишлардаги ўзбек — ҳинд алоқалари ривожига жўшқинлик бағишлайди. Иккала етакчи кенг кўламли, жумладан, савдо-иқтисодий алоқаларни кенгайтириш ва икки мамлакат ўртасида товар айирбошлашни ошириш масалалари юзасидан фикр алмашди. Шунингдек, минтақавий аҳамиятга эга бўлган масалалар ҳам муҳокама қилинди.

Ўзбекистон Орол денгизи инқирози оқибатларини бартараф этиш бўйича муҳим қадамларни қўйди. ШҲТ доирасидаги ҳамкорлик мазкур масалага янада катта эътибор қаратиш ва энг самарали натижаларга эришиш учун замин яратишига ишонаман.

 

Риёз Ҳуссаин БУХОРИЙ, Покистон Ислом Республикасининг Ўзбекистон Республикасидаги Фавқулодда ва мухтор элчиси:

— ШҲТ Давлат раҳбарларининг навбатдаги мажлисида тарихий воқеа юз берди — бизнинг мамлакатимиз ушбу ташкилотнинг тенг ҳуқуқли аъзосига айланди. Биз мазкур тузилмага аъзо бўлиш учун зарур талабларни қадам-бақадам амалга оширдик. Шу ўринда таъкидламоқчиманки, Покистон ШҲТнинг асосий тамойилларига, энг аввало, тенглик, ўзаро ишонч, маданий хилмахилликни ҳурмат қилиш ва умумий ривожланишга интилиш қоидаларига тўла риоя этади.

Ушбу ташкилот доирасидаги ҳамкорлик мамлакатимиз ташқи сиёсатининг муҳим йўналиши ҳисобланади. Покистон ҳамда ШҲТга аъзо давлатларни маданий яқинлик, иқтисодиётнинг ўзаро бир-бирини тўлдириши, кўплаб масалалар юзасидан умумий манфаатларнинг мавжудлиги боғлаб туради.

Биз минтақада тинчлик ва барқарорликнинг, терроризм ҳамда экстремизмга қарши курашиш, мустаҳкам алоқаларни ривожлантиришнинг бардавом бўлишига муносиб ҳисса қўшишни мақсад қилганмиз. Жумладан, Марказий Осиё давлатлари билан энергетика ва транспорт соҳаларидаги ҳамкорликни мустаҳкамлаш масаласида ҳам. ШҲТ Котибияти ҳамда Минтақавий аксилтеррор тузилмасида мавжудлиги туфайли Исломобод ташкилот фаолиятида самарали ўринни эгаллашга умид қилади.

Покистон ва Ҳиндистоннинг ШҲТ таркибига кириши натижасида ташкилот сайёрамизнинг қарийб 45 фоиз аҳолисини бирлаштиради, унга аъзо давлатларда дунё ялпи ички маҳсулотининг 25 фоизи ишлаб чиқарилади.

Фурсатдан фойдаланиб, Ўзбекистон ҳукуматига Покистоннинг ташкилотга қўшилиши жараёнидаги қимматли ёрдами учун миннатдорлик билдиришни истардим. Остона саммити доирасида мамлакатимизнинг Бош вазири ва Ўзбекистон Президенти Шавкат Мирзиёев ўртасида икки томонлама учрашув бўлиб ўтди. Давлат раҳбарлари ўзаро манфаатли масалалар юзасидан фикр алмашишди ҳамда муносабатларни мустаҳкамлаш орқали минтақада барқарорлик ва тараққиётни таъминлаш йўлларини муҳокама қилдилар.

З. АЗИЗХОНОВА суҳбатлашди.

«Жаҳон» АА.

 

Кўриш қобилияти чекланганлар учун

A- A A+

Кўп ўқилган