Яхши қўшничилик муносабатларини мустаҳкамлаш йўлида
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 18 Май 2017

Яхши қўшничилик муносабатларини мустаҳкамлаш йўлида

Хабар қилинганидек, 19-20 май кунлари Ўзбекистон Президенти Шавкат Мирзиёев Туркманистон Президенти Гурбангули Бердимуҳамедовнинг таклифига биноан амалий ташриф билан мазкур мамлакатда бўлади.

Режалаштирилган олий даражадаги учрашув республикамиз раҳбарининг жорий йил 6-7 март кунлари қардош мамлакатга буюрган биринчи давлат ташрифининг мантиқий давомидир. Эслатиб ўтамиз: ушбу беҳад самарали учрашув ҳамда музокараларнинг асосий натижаси ўлароқ, икки томонлама муносабатлар сифат жиҳатидан янги босқичга, стратегик шериклик даражасига чиқди. Шуни қайд этиш керакки, Ўзбекистон -Республикаси Биринчи Президенти Ислом Каримовнинг ёрқин хотирасига бағишлаб ёдгорлик мажмуаси барпо қилинган биринчи маскан Туркманистон бўлди. Мазкур давлат ташрифи чоғида Шавкат Мирзиёев ва Гурбангули Бердимуҳамедов иштирокида ушбу ёдгорлик мажмуасининг очилиш маросими бўлиб ўтди.

Мамлакатларимиз ўртасида эришилган келишувларни ҳаётга изчил татбиқ этиш учун Ўзбекистон Президентининг 2017 йил 28 мартдаги Фармойиши билан ҳамкорликнинг -алоҳида соҳалари бўйича амалий ҳаракатларнинг тегишли режалари (“Йўл хариталари”) тасдиқланди.

Олдинда турган ташриф дастурида икки давлат раҳбарларининг учрашуви, мамлакатлар расмий делегациялари иштирокида кенгайтирилган таркибдаги музокаралар назарда тутилган бўлиб, уларда ҳамкорликнинг истиқболли йўналишлари кўриб чиқилади.

Ташриф доирасида икки мамлакатнинг тегишли вазирлик ҳамда идоралари ўртасида савдо-иқтисодий ва маданий-гуманитар соҳалардаги ҳужжатлар имзоланиши кўзда тутилмоқда.

Шу билан бирга, “Аваза” Миллий сайёҳлик зонаси инфратузилмаси билан танишув, мазкур ҳудуднинг спорт мажмуаси ҳамда бошқа объектларни кўздан кечириш режалаштирилган.

“Аваза” Миллий сайёҳлик зонаси — Туркманистон Президенти ташаббуси билан Каспий денгизи соҳилида барпо этилган дам олиш зонаси бўлиб, у ерда болалар ва катталар учун санаторий ҳамда соғломлаштириш мажмуалари жойлашган.

Бу маскан нафақат алоҳида жуғрофий ўрни, шаффоф денгиз суви, мусаффо, қумлоқли чўмилиш қирғоқлари ва мўътадил иқлими, балки сон-саноқсиз минерал булоқлари ҳамда уларнинг шифобахш хусусиятлари билан ҳам эътиборга тушган.

Шуни алоҳида айтиш керакки, ҳозир ушбу дам олиш масканида Ўзбекистоннинг Қорақалпоғистон Республикаси, Бухоро, Навоий ва Хоразм вилоятларидаги умумий ўрта таълим муассасалари ўқувчилари дам олишмоқда.

Қардош халқларимиз ўртасидаги дўстона ҳамда яхши қўшничилик ришталари ва икки давлат раҳбарлари даражасида қарор топган, ўзаро ишончга асосланган мулоқот Ўзбекистон — Туркманистон ўртасидаги ҳамкорликнинг ҳар томонлама кенгайиши учун мустаҳкам асос бўлиб хизмат қилмоқда.

Масалан, Тошкент ва Ашхобод халқаро майдонда бир-бирини қўллаб-қувватлаб келаяпти, Бирлашган Миллатлар Ташкилоти, Ислом ҳамкорлик ташкилоти, Оролни қутқариш халқаро жамғармаси ҳамда бошқа бир қатор халқаро тузилмалар доирасида яқин ҳамкорлик ўрнатилган. Афғонистондаги вазиятни барқарорлаштириш, терроризм, экстремизм, наркотрафик ва уюшган жиноятчиликка қарши курашиш, минтақавий хавфсизликни мустаҳкамлаш масалалари юзасидан ҳар икки давлат ўхшаш нуқтаи назарларга эга.

Таъкидлаш ўринлики, Ўзбекистон ҳамда Туркманистоннинг савдо-иқтисодий салоҳияти бир-бирини ўзаро тўлдиради. Жумладан, мамлакатимиздан транспорт хизматлари, минерал ўғитлар, қишлоқ хўжалиги маҳсулотлари, қурилиш материаллари, электр ва механика ускуналари, металл буюмлар ҳамда турли соҳаларни қамраб олган хизматлар Туркманистонга етказиб берилади. Ўз навбатида, нефть маҳсулотлари, пропилен полимерлари ва бошқа кимёвий товарлар республикамизга келтирилади.

Салоҳият ҳамда ресурсларни ҳаётга татбиқ этишда Савдо-иқтисодий, илмий-техникавий ва маданий ҳамкорлик бўйича Ўзбекистон — Туркманистон ҳукуматлараро комиссияси муҳим ўрин тутмоқда. Мазкур комиссиянинг сўнгги йиғилиши 2017 йил январида Ашхободда бўлиб ўтди.

Транспорт жабҳаси икки томонлама ҳамкорликнинг устувор йўналишларидан бири ҳисобланади. Ўзбекистон ҳудуди орқали Туркманистонга, Туркманистон ҳудуди орқали Ўзбекистонга юк ташилади. Давлатларимизнинг ўзаро интеграциялашган автомобиль ҳамда темир йўллари учинчи давлатлар учун ҳам транзит вазифасини ўтамоқда. Амударё устида қурилган автомобиль ва темир йўл кўприклари бунинг ёрқин мисолидир. Президентимиз Шавкат Мирзиёевнинг юқорида қайд этилган давлат ташрифи чоғида мазкур кўприкларнинг тантанали очилиш маросими бўлиб ўтган эди. Бундай замонавий ҳамда йирик иншоотларнинг ишга туширилиши фақат ўзбек ва туркман халқларининг фаровонлигига хизмат қилибгина қолмасдан, глобал иқтисодий ривожланиш жараёнига муваффақиятли интеграциялашишга кучли туртки беради, сармоялар оқимини таъминлайди, икки мамлакат ҳамда бутун Марказий Осиёнинг транзит салоҳиятини оширади.

Аждодларимизнинг илмий, маънавий-маданий ва адабий мероси халқларимизнинг умумий мулки ҳисобланади. Бундай яқинлик маданий-гуманитар соҳадаги ҳамкорлик ривожига мустаҳкам асос бўлмоқда. Ушбу йўналишдаги муносабатларни янада чуқурлаштириш учун ҳукуматлар ўртасида 2017 — 2019 йилларга мўлжалланган маданий-гуманитар ҳамкорлик дастури қабул қилинди. Уни амалга ошириш доирасида Ўзбекистон ҳамда Туркманистон вакиллари икки давлат ҳудудида ўтказиладиган турли тадбирлар — концертлар, фестиваль ва кўргазмаларда фаол қатнашаяптилар. Масалан, жорий йил 7 март куни Туркманободда санъат усталари ҳамда маданият арбобларининг қўшма концерти уюштирилган эди, апрель ойида эса Тошкентда “Ўзбекистонда туркман киноси кунлари” маданий тадбири ўтказилди.

Шуни ишонч билан қайд этиш мумкинки, Шавкат Мирзиёевнинг Туркманистонга бўлажак амалий ташрифи мамлакатларимиз ўртасидаги анъанавий дўстона ва яхши қўшничилик муносабатларини янада мустаҳкамлашга кўмаклашади.

Г. НУРЖОНОВА,

«Жаҳон» АА.

 

СЎНГГИ ЯНГИЛИКЛАР