Ўзбекистон — Хитой ҳамкорлиги янги босқичга чиқмоқда
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 17 Май 2017

Ўзбекистон — Хитой ҳамкорлиги янги босқичга чиқмоқда

Президентимиз Шавкат Мирзиёевнинг Хитой Халқ Республикасига амалга оширган давлат ташрифи ўз мазмунига, кўламига кўра мамлакатларимиз муносабатларида янги саҳифа очди. Ўзбекистон Республикаси делегацияси аъзоси, Олий Мажлис Сенати Раисининг биринчи ўринбосари Содиқ Сафоев мазкур ташрифнинг аҳамияти ҳақида мухбиримизга қуйидагиларни сўзлаб берди:

— Президентимизнинг давлат ташрифи яна бир муҳим тадбир, яъни 14-15 май кунлари Пекин шаҳрида бўлиб ўтган “Бир макон, бир йўл” форумига боғланиб кетди. Ушбу форумда 130 давлат ва халқаро ташкилотлар вакиллари, жумладан, 30 га яқин мамлакатлардан давлат ва ҳукумат раҳбарлари иштирок этди. Айтиш жоизки, Ўзбекистон Республикаси делегацияси ташрифига алоҳида эътибор қаратилди. Буни ўтказилган учрашувлар, эришилган келишувлар мисолида ҳам кўриш мумкин. Бу ҳақда хитойлик ҳамкорларимиз ҳам алоҳида қайд этишди.

Маълумки, давлат ташрифи икки томонлама алоқаларни ривожлантиришда муҳим аҳамият касб этадиган сиёсий тадбир ҳисобланади. Бундай ташрифлар моҳиятан давлатлараро муносабатларни янги поғонага олиб чиқишга қаратилгани билан аҳамиятлидир.

Президентимизнинг Хитой Халқ Республикасига давлат ташрифининг бир қатор жиҳатларини алоҳида кўрсатиб ўтиш жоиз. Аввало, ташриф сиёсий мулоқотни янада фаоллаштириш, яъни икки томонлама алоқаларда ўзаро ишонч ва тушуниш муҳитини яратиш, стратегик шерик давлатлар сифатида долзарб муаммоларга нисбатан муштарак ёндашувни шакллантиришга хизмат қилади.  

Айни пайтда ташриф узоқ муддатли истиқболда мамлакатларимиз ўртасидаги муносабатларни янада ривожлантиришга доир ҳуқуқий асосларни бойитишда муҳим роль эгаллади. Маълумки, ўзаро манфаатли ҳамкорликнинг ҳуқуқий базасини қатор ҳужжатлар, жумладан, Дўстлик, ҳамкорлик ва шериклик муносабатлари тўғрисидаги шартнома, Дўстлик, ҳамкорлик ва шериклик муносабатларини ҳар томонлама чуқурлаштириш ва ривожлантириш тўғрисидаги қўшма декларация, Стратегик шериклик ўрнатиш тўғрисидаги Қўшма декларация, Икки томонлама стратегик ҳамкорликни янада чуқурлаштириш ва ривожлантириш ҳақидаги Қўшма декларация, 2014 — 2018 йилларга мўлжалланган Стратегик шериклик муносабатларини ривожлантириш дастури ҳамда 2016 йилда имзоланган Қўшма баёнот ташкил қилади. Президентимиз Шавкат Мирзиёев ташрифи доирасида яна 12 та қўшма ҳужжат имзолангани ҳам икки томонлама муноса-батларни мустаҳкамлашда улкан тарихий аҳамиятга эга бўлиб, ниҳоятда кенг кўламлидир.

Ташрифнинг яна бир эътиборли жиҳати, шубҳасиз, иқтисодий ҳамкорлик соҳасида эришилган келишувларда намоён бўлади. Халқларимиз азал-азалдан ўзаро савдо-иқтисодий алоқалар ўрнатиб келган. Буюк Ипак йўли дунё тарихидан чуқур ўрин эгаллашида айнан савдо-сотиқ муносабатларининг таъсири катта бўлган. 

Хитой иқтисодиётимизга энг кўп инвестиция киритаётган давлатлардан биридир. Мамлакатимизда Хитой капитали иштирокидаги 700 дан зиёд компания ва корхоналар фаолият кўрсатмоқда. Ўтган йиллар давомида хитойлик сармоядорлар Ўзбекистон иқтисодиётига қарийб 7,8 миллиард доллар миқдорида инвестиция киритган. 2016 йил якунлари бўйича ўзаро савдо айланмаси ҳажми 4,2 миллиард долларни ташкил қилди. Умуман, Хитой Ўзбекистоннинг вақт синовидан ўтган ишончли ҳамкори эканлигини таъкидлаш лозим.

Ташриф доирасида давлатлараро, ҳукуматлараро ва идоралараро даражадаги умумий қиймати 23 миллиард АҚШ долларидан ошадиган юздан зиёд ҳужжатлар имзолангани савдо-иқтисодий, инвестициявий ва техник ҳамкорликни сифат жиҳатидан янги босқичга олиб чиқади. Бу битимлар, рақамлар замирида янги иш ўринларини яратиш, мамлакатимиз иқтисодиёти тармоқларига замонавий технологияларни ва инновацияларни жорий қилиш, юртимиз ишлаб чиқарувчиларининг экспорт салоҳиятини кучайтириш, пировардида халқимизнинг турмуш даражасини юксалтириш мақсади мужассамлиги диққатга савозор.

Гуманитар соҳада ҳамкорликни янада кенгайтириш, айниқса, туризм, таълим -соҳаларида мавжуд имкониятлардан самарали фойдаланиш масалалари ташриф доирасида музокараларнинг асосий мавзуларидан бири бўлди. Юртимизнинг бой тарихий-маданий мероси, қолаверса, табиий жойлашуви хитойлик сайёҳлар учун ҳам жозибадор ҳисобланади. Сир эмас, ҳар йили юз миллиондан ортиқ хитойлик чет элга саёҳат қилади. Ўзбекистон ҳам ана шундай катта сайёҳлик оқимини жалб этиш учун барча имконият ва шарт-шароитларга эга. Икки мамлакатнинг туризм соҳасидаги ваколатли органлари ўртасида битим имзолангани ушбу йўналишда айни муддао бўлди.

“Бир макон, бир йўл” ташаббуси ҳақида сўз кетганда, шуни айтиш керакки, у ҳар бир давлатнинг ўз имкониятларидан тўла фойдаланиш, иқтисодий жиҳатдан бир-бирини тўлдириш, савдо ва инвестицияларни рағбатлантириш, ўзаро ҳамкорлик алоқаларини янада ривожлантириш учун кенг йўл очади. Биз, Президентимиз алоҳида қайд этганидек, табиий, ишлаб чиқариш ва инсон ресурсларига ғоят бой бўлган минтақамизда транспорт, савдо, инвестиция, энергетика ва юксак технологиялар соҳаларидаги лойиҳаларни амалга оширишни назарда тутамиз.

«Халқ сўзи» мухбири

Қобил ХИДИРОВ 

ёзиб олди.

 

СЎНГГИ ЯНГИЛИКЛАР