XS.UZ
Аҳолига янада замонавий шароитлар яратиш бугунги кун талаби Ўзбекистон матбуот ва ахборот агентлиги фаолиятини янада такомиллаштириш тўғрисида Долзарб қонун лойиҳаларида фракция позицияси ифодаланди  Одамлар тиббий хизматдан мамнун бўлсин Ўзбекистон Республикаси Олий Мажлиси Сенати кенгашининг мажлиси тўғрисида ахборот «Тақдирим, келажагим Ватан билан муштарак» Мобиль алоқа антенналари соғлиққа зарарлими? Маҳаллада кичик саноат ҳудуди Мақсад бир, ғоя бир, Ватан ягона Ота-она меҳри яна қайда бор? Мусаффо осмон узра ишончли парвоз Ўзбекистон Республикаси Президенти Қозоғистон Республикаси мудофаа вазирини қабул қилди Ўзбекистон давлат санъат ва маданият институтининг Фарғона минтақавий филиалини ташкил этиш тўғрисида Тадбиркорлик фаолиятини ривожлантиришни қўллаб-қувватлаш давлат жамғармасини ташкил этиш тўғрисида Одамлар ички ишлар органининг ҳар бир ходимида ўз ҳимоячисини кўриши керак Мудофаа вазирлигида учрашув «Кейинги бекат»да ҳаёт манзаралари Бу муқаддас Ватанда азиздир инсон Инновация имкониятлари кенгаяди Ҳамкорликни мустаҳкамлаш зарур Ички туризм истиқболлари Экспортчи корхоналар сони кўпаяди Бу галги ҳашар аввалгиларидан фарқ қилади Ноёб ва сара навлар Мирзачўл қовунлари довруғини дунёга ёймоқда Ёш оилалар ва қизлар билан ишлашда янгича ёндашув Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида 2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида Президент таълим тизимидаги ислоҳотларнинг бориши бўйича мажлис ўтказди Ўзбекистон композиторлари ва бастакорлари уюшмаси фаолиятини ташкил этиш тўғрисида
  • 27 Январь 2017

Япония Бош вазири Синдзо Абэ Жаноби Олийларига

Жаноби Олийлари!

Мамлакатларимиз ҳамкорлиги тарихидаги муҳим сана — Ўзбекистон Республикаси ва Япония ўртасида дипломатик муносабатлар ўрнатилганининг 25 йиллиги муносабати билан Ўзбекистон халқи ва шахсан ўз номимдан Сизни ва бутун Япония халқини самимий табриклайман.

Ўтган йилларда мамлакатларимиз икки ва кўп томонлама ўзаро манфаатли -ҳамкорликни ривожлантиришда салмоқли ютуқларга эришганини катта мамнуният билан қайд этмоқчиман.

Ўзбекистон Япония билан самимий дўстлик алоқаларини, стратегик шериклик ва ҳамкорликни юксак қадрлайди.

Сизнинг 2015 йил октябрь ойида мамлакатимизга расмий ташрифингиз Ўзбекистон — Япония муносабатлари тарихида муҳим воқеа бўлди, сиёсий, савдо-иқтисодий, молиявий, инвестициявий, технологик, илмий ва маданий-гуманитар соҳалардаги алоқаларимизни янада ривожлантиришда муҳим аҳамият касб этди.

25 йиллик ҳамкорлигимиз давомида муносабатларимизнинг мустаҳкам ҳуқуқий базаси яратилди. Бу борада 2002 йилда имзоланган Ўзбекистон Республикаси билан Япония ўртасида дўстлик, стратегик шериклик ва ҳамкорлик тўғрисидаги қўшма баёнот муҳим ўрин тутади. Сизнинг Ўзбекистонга ташрифингиз давомида имзоланган Ўзбекистон Республикаси ва Япония ўртасида стратегик шерикликни чуқурлаштириш ва кенгайтириш тўғрисидаги қўшма баёнот ўзаро муносабатларимизни янги босқичга кўтарди, мамлакатларимиз ўзаро алоқаларни изчил ривожлантиришдан манфаатдор эканини намоён этди.

Томонлар халқаро ва минтақавий аҳамиятга молик кўплаб долзарб муаммоларга нисбатан ўхшаш қарашлар ва ёндашувларга эга.

Ўзбекистон ўтган йилларда ҳамкорликнинг самарали механизмлари яратилганидан мамнун.

Парламентлараро форум, Иқтисодий ҳамкорлик бўйича Ўзбекистон — Япония ва Япония — Ўзбекистон қўмиталарининг қўшма йиғилишлари, Ташқи ишлар вазирликлари ўртасидаги сиёсий маслаҳатлашувлар, «Марказий Осиё + Япония» мулоқоти, Академик форум ва бошқа кўплаб ҳамкорлик институтлари мамлакатларимиз ўртасидаги муносабатларнинг изчил ва босқичма-босқич ривожланишига хизмат қилмоқда.

Бугун Ўзбекистон иқтисодиётини модернизация қилиш ва мамлакатимизни ижтимоий-иқтисодий ривожлантириш борасида Япония бизнинг энг муҳим ва устувор шерикларимиздан биридир. 

Япониялик ҳамкорларимиздан кўрсатилаётган кўмак учун миннатдормиз, -инвестициявий, молиявий-техникавий ҳамкорликни янада кенгайтириш, Ўзбекистон ва Япония ишбилармон доиралари ўртасидаги тўғридан-тўғри алоқалар ва самарали ҳамкорликни ривожлантиришдан манфаатдормиз.

Маданият ва илм-фан соҳаларидаги алоқалар биз учун алоҳида аҳамиятга эга. Айниқса, 2016 йил август ойида рафиқангиз Акиэ Абэ хоним бошчилигида Япония ижтимоий-сиёсий ва маданият намояндаларидан иборат делегациянинг Ўзбекистонга ташрифи бу борадаги ҳамкорликни ривожлантиришда муҳим қадам бўлди.

Таълим соҳасида ҳамкорлигимиз юксак даражага кўтарилганини алоҳида қайд этишни истардим. Япония томонидан бу борада кўрсатилаётган кўмакни юксак қадрлаймиз ҳамда Ўзбекистон — Япония ёшлар инновация марказининг тўлиқ фаолият кўрсатиши юқори малакали кадрлар тайёрлаш соҳасида биргаликдаги ҳаракатларимизга қўшимча суръат бахш этишига умид боғлаймиз.

Фурсатдан фойдаланиб, Ўзбекистон Япония билан ҳамкорликни изчил ривожлантириш ва кенгайтиришнинг тарафдори эканини яна бир бор тасдиқламоқчиман. Биз стратегик шериклик муносабатларимизни сифат жиҳатидан мустаҳкамлаш ва янги амалий мазмун билан бойитишга интиламиз.

Мамлакатларимизнинг муштарак қадриятлари ва узоқ муддатли манфаатлари асосида Ўзбекистон ва Япония ўртасидаги анъанавий дўстлик алоқалари бундан буён ҳам халқларимизнинг фаровонлиги йўлида ривожланиб боришига ишонаман.

Ушбу қулай имкониятдан фойдаланиб, Сиз, Жаноби Олийларига мустаҳкам соғлиқ, Япония халқига янада юксалиш ва фаровонлик тилайман.

Самимий эҳтиром билан,

Шавкат МИРЗИЁЕВ,

Ўзбекистон Республикаси Президенти

 

Кўриш қобилияти чекланганлар учун

A- A A+

Кўп ўқилган