Адабиётга, маънавиятга эътиборнинг ёрқин намунаси
XS.UZ
Президент қарори:“Мард ўғлон” давлат мукофоти таъсис этилди Меҳнат вазирлиги ҳамда Кичик ва ўрта бизнес конвергент ассоциациялари Уюшмаси (Корея) ўртасида меморандум имзоланди Тошкент – Сеул: Кореялик ишбилармонлардан интервью (Видео) Ўзбекистонда “Hyundai” автомобиллари ишлаб чиқарилади Ўзбекистон ва Корея Республикаси ўртасида қиймати 12,3 миллиард АҚШ долларидан зиёд бўлган 75 та ҳужжат “Evergreen Holdings” (Корея) Ўзбекистонда цемент заводи қурилиши учун 300 миллион доллар сармоя киритади “Ўзбекенгилсаноат” Корея билан 30 миллион долларлик 7 инвестицион лойиҳа имзоламоқчи Конституциямиз ҳақида қўшиқ куйланди Ўзбекистонда 12 та университет, 28 та мактаб ва лицейда корейс тили фан сифатида ўқитилади Ўзбекистон – Корея: мустаҳкам дўстликка асосланган, стратегик ҳамкорлик (инфографика) Кореянинг “Chung Hospital” шифохонаси билан ҳамкорликда Ўзбекистонда тиббий муассаса қурилади Ўзбекистон ва Корея Республикаси ўртасидаги савдо-иқтисодий ҳамкорлик  Ўзбекистон Республикаси ва Корея Республикаси ўртасидаги сиёсий ҳамкорлик нималарда ўз ифодасини топган? “Тонг бокиралиги ўлкаси” ҳақида биз билган ва билмаган маълумотлар Олий Мажлис Сенати АҚШ Конгресси делегацияси билан учрашди Мирзиёевнинг Кореяга ташрифини ёритиш учун Сеулда матбуот маркази ташкил этилди Абдулазиз Комилов АҚШ Конгрессининг Вакиллар палатаси аъзолари гуруҳи билан учрашди "ТС-АПТEКА" автоматлашган ахборот тизими яратилди Бош прокуратуранинг Олий ўқув курслари ҳамда Корея қонунчилик тадқиқоти институти ўртасида меморандум имзоланди Тижорат банклари томонидан кам таъминланган оилаларни қўллаб-қувватлашга имтиёзли кредитлар ажратилмоқда Ўзбекистон — Германия: савдо-иқтисодий ва сармоявий ҳамкорлик ривожланмоқда Депутатликка  номзодлар  рўйхатга олинди «Ўзбекистон фуқаросиман!» Қурилиш материаллари саноати ва манфаатли алоқалар Коммунал соҳа: хизмат сифати яхшиланмоқда Фермерлик ҳаракати: истиқболи амалиёт, муаммо ва ечимлар. Халқ қабулхонаси: ҳар бир мурожаат ортида инсон тақдири бор Юридик ёрдам кафолатланган Эзгу ғоялар, ёрқин таассуротлар Ҳуқуқбузарликларнинг барвақт олдини олишда  маҳалла фаолларининг ролини ошириш — давр талаби
  • 20 Апрель 2017

Адабиётга, маънавиятга эътиборнинг ёрқин намунаси

Президентимиз Шавкат Мирзиёевнинг кеча матбуотда эълон қилинган  “Алишер Навоий номидаги Ўзбекистон Миллий боғи ҳудудида  Адиблар хиёбонини барпо этиш тўғрисида”ги қарори бутун халқимизни, хусусан, ижод аҳлини бағоят руҳлантириб юборди.

Қарорда миллий боғни халқимиз, авваламбор, ёшларимизнинг маданий-маърифий савиясини юксалтиришга хизмат қиладиган, жаҳоннинг турли мамлакатларидан ташриф буюрадиган меҳмонлар ва сайёҳлар эътиборини тортадиган ҳар томонлама гўзал ҳамда бетакрор масканга айлантириш, маънавий ҳаётимизда ўчмас из қолдирган атоқли сўз санъаткорларининг тарихий хотирасини абадийлаштириш кўзда тутилган. 

Адиблар хиёбонини ҳозир безаб турган Алишер Навоий, Абдулла Қаҳҳор, Ойбек, Саид Аҳмад ва Саида Зуннунова ҳайкаллари ёнида  миллий адабиётимизнинг улкан намояндаларига бағишланган ёдгорлик намуналари қад кўтаради. Шунингдек, шаҳарнинг турли жойларидаги  ўафур ўулом, Ҳамид Олимжон ва Зулфия ҳайкаллари ҳам Адиблар хиёбонидан жой олади. Бу жараён давом этаверади. Адиблар хиёбони чинакамига Адабиёт бўстони бўлади, келажакда  ҳамиша одамлар, ёшлар  билан гавжум файзиёб Адабиёт зиёратгоҳига айланади.

Қарангки, Ўзбекистон Ёзувчилар уюшмаси 1934 йилда ташкил этилган бўлса, шу вақт мобайнида бирон марта ҳам бу идора учун махсус  бино қурилмаган. Устига устак, бундай хиёбон жаҳоннинг бошқа мамлакатларида ҳам учрамайди. Мана шу ҳолатнинг ўзиёқ давлатимиз раҳбарининг мазкур қарори қанчалик юксак аҳамиятга эга эканлигини кўрсатади. Бундай эътибор ва ғамхўрлик туфайли уюшмамиз учун   замонавий янги бино барпо этилади. Ёзувчилар уюшмаси тасарруфига ўтказилган Ўзбекистон маданияти ва санъати кўргазмаси биносида муҳташам Адабиёт маркази ташкил этилади, унда китоб тақдимотлари, шеърият кечалари, ижодкорлар билан учрашувлар, адабий баҳслар, қизғин мунозаралар, ёшлар мулоқотлари бўлиб ўтади. Буларнинг барчаси адабиётимиз ривожи учун хизмат қилиши муқаррар.

Улуғ ўзбек шоири Абдулҳамид Чўлпон “Адабиёт яшаса — миллат яшар”, деб ёзган  эди йигирманчи аср бошларида. Чиндан ҳам, шундай.  Миллий адабиёт — миллий маънавият асоси, миллий маданият пойдевори, миллатнинг руҳи. Ҳамма гап ўша адабиётнинг ғамхўри, фидойиси, қўллаб-қувватлагувчиси, қадрига етгувчиси, парвариш этгувчи боғбони борлигида! Бу — адабиётнинг бахти. 

Биз,  қалам аҳли бундай эътибордан илҳом оламиз, фахру ифтихор ҳиссини туямиз. Бутун кучимиз ва шижоатимизни она-халқимиз, гўзал Ўзбекистонимизни янада тараннум этишга сарфлашдан асло чарчамаймиз.

Муҳаммад АЛИ,

Ўзбекистон Республикаси халқ ёзувчиси.

 

СЎНГГИ ЯНГИЛИКЛАР