XS.UZ
Ўзбекистон Президенти «Газпром» компанияси бошқаруви раисини қабул қилди Алексей Миллер: ўзаро манфаатли ҳамкорлигимиз изчил давом этади Фуқароларнинг ҳуқуқ ва эркинликларини ишончли ҳимоя қилиш кафолатларини таъминлашга доир қўшимча чора-тадбирлар қабул қилинганлиги муносабати билан «Ўзбекипаксаноат» уюшмаси фаолиятини ташкил этиш чора-тадбирлари тўғрисида Ўзбекистон Республикаси Олий Мажлиси Сенатининг тўққизинчи ялпи мажлиси тўғрисида ахборот Тиббий хизмат сифатини оширишнинг таъсирчан омили Рус тили маркази очилди Аҳоли турмуш фаровонлигини юксалтиришнинг муҳим мезони Корея Республикаси делегацияси учрашувлари Одамларнинг қонуний мурожаатларини ҳал этиш — устувор вазифа Халқимизнинг розилиги – барча ютуқ ва марраларимизнинг асосий манбаидир 2017 — 2019 йиллар даврида деҳқон бозорларини реконструкция қилиш ва уларнинг ҳудудида замонавий савдо мажмуалари қуриш Ўзбекистон Республикаси Олий Мажлиси Сенатининг тўққизинчи ялпи мажлиси тўғрисида ахборот Фуқароларнинг конституциявий ҳуқуқлари кафолати кучайтирилмоқда Депутатлар ихтисослаштирилган тиббиёт марказларининг фаолиятини муҳокама қилдилар Атоқли давлат арбоби ва ёзувчи Шароф Рашидов таваллудининг 100 йиллигини нишонлаш тўғрисида Ўзбекистон ва Польша Президентлари бир-бирларини қутладилар Халқимиз бунёдкорлик салоҳиятининг амалий ифодаси Замонавий кўприклар халқимиз фаровонлигини юксалтиришга хизмат қилади Ёш мутахассисларга муносиб иш жойлари Кооперацион алоқалар кенгаймоқда Ўзаро манфаатли ҳамкорликнинг юксак самаралари Дипломатлар шахматда беллашди Ишлаб чиқариш кластери инновацион иқтисодиётга ўтишнинг муҳим босқичидир Мавқеини мустаҳкамламоқда Сердаромад ва истиқболли соҳа Ўзбекистон Республикаси билан Қозоғистон Республикаси ўртасида стратегик шерикликни янада чуқурлаштириш ва аҳил қўшничиликни мустаҳкамлаш тўғрисида Автомобилни бошқармаслик учун имтиёз Япония киноси кунлари бошланди Қизилқумлик ёшларга туҳфа
  • 02 Март 2017

Ватан, садоқат, вафо куйчиси

Барчамиз орзиқиб кутадиган баҳорнинг илк кунида мамлакатимиз бўйлаб Ўзбекистон халқ шоири Зулфия таваллуди кенг нишонланади. Унинг сатрларида ватанпарварлик, инсонпарварлик, меҳр ва муҳаббат, садоқат ҳамда гўзаллик каби чин фазилатлар тараннум этилган.

Бу ҳақда пойтахтимизда 1 март куни халқимизнинг ардоқли шоираси ҳайкали ёнида “Хотирангиз қалбларда мангу яшайди” деб номланган маънавий-маърифий тадбирда таъкидлаб ўтилди. Унда шоир ва ёзувчилар, адабиётшунос олимлар, Хотин-қизлар қўмитаси, маҳалла фаоллари, Зулфия номидаги Давлат мукофоти совриндорлари, шоиранинг мухлислари, жамоатчилик вакиллари қатнашди.

Тадбирда сўзга чиққан Ўзбекистон Ёзувчилар уюшмаси раиси, халқ ёзувчиси М. Аҳмедов, Тошкент шаҳар ҳокими ўринбосари, шаҳар хотин-қизлар қўмитаси раиси Ф. Абдураҳимова, Ўзбекистон халқ шоири Э. Сиддиқова ва бошқалар мамлакатимизда Президентимиз Шавкат Мирзиёев бошчилигида барча соҳада изчил амалга оширилаётган ислоҳотлар халқимиз, айниқса, ёш авлод маънавиятини янада юксалтиришга хизмат қилаётганини эътироф этишди. Шу маънода, давлатимиз раҳбарининг яқинда Алишер Навоий номидаги Ўзбекистон Миллий боғидаги Шоирлар хиёбонида бир гуруҳ адиблар билан бўлган учрашувда айтган фикр-мулоҳазалари ва таклифлари ҳам бевосита ёшларнинг фазлу камоли, китобхонлик ҳамда мутолаа масалалари билан бир қаторда, Ўзбекистон Ёзувчилар уюшмаси, ижодкорларимиз олдида турган долзарб ва кечиктириб бўлмас вазифаларга қаратилган.

Биринчи Президентимиз Ислом Каримовнинг 1999 йил 10 июнда қабул қилинган “Зулфия номидаги Давлат мукофотини таъсис этиш бўйича таклифларни қўллаб-қувватлаш тўғрисида”ги Фармонига мувофиқ, адабиёт, санъат, маданият, фан, таълим соҳаларида фаол изланаётган, интилувчан ва ташаббускор қизлар ушбу юксак мукофотга сазовор бўлмоқда. Бу мукофот юртимизнинг турли ҳудудларида истиқомат қилаётган қизларнинг орзу-интилишларини юзага чиқариш, уларга қанот бағишлашда муҳим аҳамият касб этмоқда. Ушбу мукофотга муносиб деб топилаётган қизлар сафи йилдан-йилга кенгайиб бораётгани, ўз навбатида, юртимизда истеъдодли ёшлар кўп эканлиги ва энг муҳими, улар қалбида Ватан равнақига муносиб ҳисса қўшиш истаги жўш ураётганини англатади. 

Иштирокчилар Зулфия ҳайкали пойига гулчамбарлар қўйдилар. Шоира ижодидан намуналар ўзбек ва хорижий тилларда ўқилди.

Тадбирда Ўзбекистон Республикаси Бош вазирининг ўринбосари, Республика Хотин-қизлар қўмитаси раиси Т. Норбоева сўзга чиқди.

Омонулла ФАЙЗИЕВ,

«Халқ сўзи» мухбири.

 

 

Кўриш қобилияти чекланганлар учун

A- A A+

Кўп ўқилган