XS.UZ
Ўзбекистон Республикаси Президенти Шавкат мирзиёевнинг Бирлашган Миллатлар Ташкилоти Бош Ассамблеясининг 72-сессиясидаги нутқи Ўзбекистон Президентининг АҚШга ташрифи Халқаро валюта жамғармасининг фармойиш берувчи директори Кристин Лагард баёноти Покистон Ислом Республикаси Қуролли Кучлари делегацияси ташрифи Ислом Каримов номидаги илмий-маърифий мемориал мажмуа кутубхонаси фонди яна 500 дан зиёд китоблар билан бойиди «Ўзбекистон — Евроосиёдаги янги иқтисодий тараққиёт замини» Ўзбекистон минтақада прагматик сиёсат олиб бормоқда Илму фан ва зиё маскани Болалар зарарли ахборот хавф-хатарларидан ҳимоя қилинади Аҳоли саломатлиги йўлида Юртимизда етиштирилган қовунлар европаликлар дастурхонида Миллат маънавиятига дахлдор масала Меҳнатимиз самараси шогирдлар камолида кўринади Ўзбекистон Президенти Америка Қўшма Штатларига келди Шавкат Мирзиёев Осиё ўйинларининг очилиш маросимида иштирок этди Ўзбекистон ва Қирғизистон Президентларининг телефон орқали мулоқоти тўғрисида Ижтимоий адолатни қарор топтириш Она тилига эътибор ва масъулият Соғлом рақобат муҳити кучаяди Ўзбек халқи Мьянмалик қочқинларга ёрдам қўлини узатди Бой тажриба ва ибрат мактаби Сурхондарё соҳилида янги сўлим маскан Давлат идораларида мурожаатларга муносабат ўзгармоқда Дастлабки кунда ўн учта медаль Осиё чемпионати якунланди АКТ Саммити, роботлар намойиши ва интерактив лойиҳалар Тадбиркорларнинг ишончли ҳимоячиси Солиқ имтиёзлари аҳоли турмуш фаровонлиги кафолатидир Тиббий патронаж хизмати янгича ёндашув, изчил фаолият ва фидойи меҳнатни талаб этади Яқин қардошлик ва ўзаро манфаатдорликка асосланган ҳамкорликнинг янги босқичи
  • 01 Март 2017

«Бахтлар водийсида кезаман...»

Ҳар йили 1 мартда шогирдлар, мухлислар — барчамиз азиз шоирамиз Зулфияхонимнинг хонадонига ошиқардик. Турфа гуллар, лолаю бойчечаклар билан кириб борардик. У киши ҳар биримизни бағрига босиб, эркалаб уйга чорларди.

Дастурхон атрофида қизғин суҳбат, файзли мушоира давом этар, даврага Ҳамид Олимжоннинг жарангдор  шеърлари кириб келарди. Бу дийдор, нафис мажлис завқи, шукуҳи узоқ вақтгача жонимизни иситар, кўнглимизни офтобдек қиздирар эди. Қанчалар унутилмас ва ҳаяжонли эди ўша кунлар...

Орадан йигирма бир йил вақт ўтибди. Орада саф-саф бўлиб Зулфияхоним издошлари дунёга келди. Навқирон, гўзал, истеъдодли олима, шоира, тадқиқотчи, мусаввир, санъаткор қизлар жамиятимиз ҳаётига янги мавжлар, кашфиётлар бўлиб кириб келмоқдалар.

Зулфияхоним айтганидек, бу боғлар бир боғларга айландики... Албатта, боғларнинг гуллаб-яшнаши учун меҳр, эътибор, парвариш даркор. Меҳр офтоб нуридай, сувдай, ҳаводай инсонни улғайтиради, мислсиз юксакликларга ундайди, унга куч-қувват, ижодий жасорат бағишлайди. Ҳозирги кунда адабиётга эътибор, айниқса, ёшлар ижодига ғамхўрлик кўрсатилаётгани барчамизни қувонтиради. Бугунги навқирон авлоднинг китобга меҳр руҳида тарбияланаётганлиги ҳам ижод аҳлига эътиборнинг ёрқин ифодасидир. Янги-янги китоб дўконлари уларни ўз даргоҳига чорлаб турибди. Мириқиб ўқийдиган, ҳузур қиладиган бадиий асарлар билан ошно бўлиш уларнинг маънавий дунёсини бойитади, фикрини чархлайди, ҳаётнинг паст-баланд сўқмоқларида ҳамроҳлик қилади. Не бахтки, уларга кутубхоналардан исталган китобни топиб ўқиш имконияти мавжуд.

Эсимда, қишлоғимизда нимқоронғи, кичкинагина кутубхона бўларди. Унда кўпроқ эртаклар, достонлар, ривоятларни олиб ўқир эдик. Мактабимизда  аълочи ўқувчиларга бирор бадиий асар совға қилишиб, рағбатлантиришарди. Талаба бўлгач,  беназир муаллим, мураббий бўлди китоблар. Кўплаб улуғларимиз қатори Зулфия ижодидан ҳам баҳраманд бўла бошладик. Шу тариқа шеърият деган сеҳрли олам мени ўзига мафтун этди. 

Мавриди келганда айтиш жоизки, биз ўшанда қўлимизга тушган ёки қурбимиз етиб сотиб олган асарларнигина ўқирдик. Китоблар халқнинг тарихи, келажаги, кўнглидаги ҳаёт ва кураш шамчироғидир. Шу маънода, Президентимиз Шавкат Мирзиёевнинг 2017 йил 12 январдаги “Китоб маҳсулотларини чоп этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғибот қилиш бўйича комиссия тузиш тўғрисида”ги фармойиши улкан аҳамиятга эга. 

Халқимиз адабиётни ардоқлайди. Шоирлар билан учрашувларни соғиниб кутади. Бундай маърифатли буюк халқ учун ижод қилмоқ қанчалар бахт, қандай эзгу масъулиятдир. Устозимиз Зулфияхоним “Биз босиб ўтган зиналарнинг ҳар бирида аждодларимизнинг улкан меҳнатлари бор”, деб таъкидлардилар. 

Шоира ижодининг мавзу кўлами анчайин кенг, образ ва тимсоллар олами беҳад бой. Унинг мероси таҳлили, айниқса, тонг тимсолига айрича меҳр қўйганини, орзу-умидлари ва нафис туйғуларини, изтироблари ҳамда армонларини  ушбу тимсол замирига маҳорат билан жойлай билганини кўрсатади. “Муҳаббат тонги кулганда”, “Биз тонгни севган-чун”, “Саҳар мен билан...”, “Менинг тонгим”, “Тонгда сўз қудуғин тубига чўкиб...”, “Тонг”, “О, эртам, энг гўзал афсонам”... Сарлав-ҳаларнинг ўзиёқ шоиранинг тонгни қанчалар қадрлагани исботидир. Унингча, тонг — тиниқлик ва ёруғлик рамзи. Бу тиниқлик наинки оламга, кўнгилларга ҳам сафо бахш этади. Ватан ва миллат, меҳру муҳаббат туйғуларини ўзига хос бадиий услубда, баланд пардаларда куйлаган шоира Биринчи Президентимиз Ислом Каримов таъбири билан айтганда, маънавий жасорат тимсолига, вафо ва садоқат рамзига айланди.

Бундай эҳтиром замондошларимизга илҳом, куч-қувват бахш этади. 

* * *

ЗУЛФИЯ

«Тўрга ташриф!»... дейсиз, жой не гап, 

Юрак, фикр, меҳр олдида. 

Биласиз-ку, диллар дил талаб, 

Юртлар ошар дийдор дардида. 

 

Дўст нигоҳда кўрсам ўзимни, 

Маликадай тўрда сезаман. 

Бир офтоб силаб кўзимни, 

Бахтлар водийсида кезаман. 

 

Илтифотли диллар тафтидан 

Илҳом қайнар мисоли булоқ. 

Шеъриятнинг ёрқин тахтида 

Кўринишдан бахт борми зўрроқ? 

Ойдин ҲОЖИЕВА,

Ўзбекистон Республикаси халқ шоири.

Кўриш қобилияти чекланганлар учун

A- A A+

Кўп ўқилган