XS.UZ
Ўзбекистон Президенти Туркия Бош вазири ўринбосарини қабул қилди «Баркамол авлод» спорт ўйинлари қатнашчиларига Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида «Йирик саноат корхоналари билан касаначиликни ривожлантириш асосидаги ишлаб чиқариш ва хизматлар ўртасида кооперацияни кенгайтиришни рағбатлантириш чора-тадбирлари тўғрисида»ги 2006 йил Ҳукуматлараро комиссия мажлиси Касаначиликни янада ривожлантириш учун қулай шароитлар яратиш чора-тадбирлари тўғрисида Йилдирим Туғрул Туркеш: мамлакатларимиз ўртасидаги ҳамкорлик мустаҳкамланишидан манфаатдормиз Ёшлик ва нафосат байрами, маҳорат ва камолот кўриги Конституциявий суд фаолияти янада такомиллаштирилади Давлат бюджети ижроси депутатлар томонидан кўриб чиқилмоқда Улкан орзулар остонасида «Ўзбекистон фуқароси бўлиш — улкан шараф» Ўзбек миллий матолари дунё мода саноатидан мустаҳкам ўрин эгалламоқда Адабиётга эътибор —  маънавиятга, келажакка эътибор Ўзбекистон Президенти Бирлашган Араб Амирликлари ташқи ишлар ва халқаро ҳамкорлик вазирини қабул қилди Ташқи ишлар вазирлигида учрашув Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида Қадимий ёзма манбаларни сақлаш, тадқиқ ва тарғиб қилиш тизимини янада такомиллаштириш чора-тадбирлари тўғрисида «The Washington Times»: Ўзбекистондаги диний бағрикенглик бошқа мамлакатлар учун намунадир Сайёр қабуллар самараси Миллатлараро муносабатлар янада мустаҳкамланади «Баркамол авлод — 2017» машъаласи Жиззахга йўл олди Грузия маданияти кунлари Ўзбекистон Президенти Россия ички ишлар вазирини қабул қилди Буюк Британия ва Шимолий Ирландия Бирлашган Қироллиги Бош вазири Тереза Мэй Жаноби Олияларига Владимир Колокольцев: Ўзбекистон ички ишлар тизимида амалга оширилаётган ислоҳотлардан ҳайратдамиз Ички ишлар органлари ёнғин хавфсизлиги бўлинмалари фаолиятини тубдан такомиллаштириш чора-тадбирлари тўғрисида Ҳамкорлик масалалари муҳокама қилинди БМТ халқаро ҳамжамиятни Ўзбекистонда давлат дастурининг амалга оширилиши билан таништирди
  • 15 Февраль 2017

Улуғ шоирга эҳтиром

Ўзбек мумтоз адабиётининг буюк намояндаси, шоир ва саркарда Заҳириддин Муҳаммад Бобур таваллудининг 534 йиллиги муносабати билан мамлакатимизнинг барча ҳудудида маданий-маърифий тадбирлар, учрашувлар, ижодий мулоқотлар бўлиб ўтмоқда.

Улуғ аждодимиз туғилиб ўсган Андижонда ушбу санани юқори даражада ўтказишга алоҳида ҳозирлик кўрилди. Хусусан, вилоят ҳокимлиги, Ўзбекистон Ёзувчилар уюшмаси, Бобур номидаги халқаро жамоат фонди ҳамкорлигида халқаро конференция ташкил этилди.

Тадбир қатнашчилари дастлаб Андижон шаҳридаги шоир номи билан аталувчи майдонда жам бўлдилар. Бу ерда Бобур ҳайкали пойига гулчамбар қўйилиб, унинг хотирасига ҳурмат-эҳтиром кўрсатилди. Сўзга чиққанлар Бобур гўзал шеърияти, “Бобурнома” ва бошқа бадиий-илмий асарлари билан ўзбек адабиёти, илм-фани ривожига салмоқли ҳисса қўшганини, қолдирган бой маънавий мероси жаҳон маданиятида беқиёс ўрин тутишини таъкидладилар. 

Шу куни бобуршунос олимларнинг олдида турган муҳим масалалар, “Бобур энциклопедияси”нинг иккинчи тўлдирилган нашрини чоп этиш, жорий йилнинг май ойида “Заҳириддин Муҳаммад Бобур илмий-адабий меросининг умумбашарият маънавий ва маърифий тараққиётидаги ўрни” мавзуида халқаро илмий конференция ташкил қилиш масалалари ҳам кўриб чиқилди. Конференция сўнгида ёшлар шоирнинг ғазалларидан намуналар ўқиб, улуғ бобокалонимизнинг ҳаётига оид саҳна асарларини намойиш этдилар.

Қорақалпоғистон Республикасининг шаҳар ва туманларида ҳам ушбу санага бағишланган кўплаб тадбирлар уюштирилди. Жумладан, Нукус шаҳридаги 12-умумтаълим мактабида ўтказилган давра суҳбатида Бобур меросини ўрганишга кенг имкониятлар яратилгани, бу ёш авлод таълим-тарбиясида алоҳида аҳамият касб этиши билдирилди. 

— Биргина “Бобурнома”дек шоҳ асарнинг ўзи халқимиз маънавиятини бойитишда беқиёс ўрин тутади, — дейди мазкур таълим муассасаси директорининг маънавият ва маърифат масалалари бўйича ўринбосари Бахт Асмагиев. — Мана шундай нодир асарлар яратган аждодимизнинг ҳаёти ва ижоди ҳақидаги маълумотларни ўқувчиларимиз катта қизиқиш билан ўзлаштиришмоқда. Зеро, тарихий хотирасиз келажак йўқ.

Элликқалъа туманида эса ўқувчилар ўртасида “Бобур асарлари билимдони” танлови ўтказилди. Туман ҳокимлиги, “Камолот” ёшлар ижтимоий ҳаракати туман кенгаши томонидан ташкил қилинган ижодий баҳснинг якуний босқичида 36 нафар билимдон иштирок этди. Уларнинг барчаси Бобурнинг рубоий ва ғазалларини ёд олган, “Бобурнома” асаридаги тарих, география, этнографияга оид маълумотларни, темурийлар ҳамда бобурийлар сулоласини яхши биладиган ёшлар эканлиги эътирофга лойиқ. 

Танловда Бўстон академик лицейи ўқувчиси Г. Рейимбоева биринчи ўринни эгаллади. Умумтаълим мактаблари ўқувчилари ўртасида 4-давлат ихтисослаштирилган мактаби ўқувчиси Э. Қултасова ғолиб, деб топилди. 

Пойтахтимиздаги Ўзбек Миллий академик драма театрида Заҳириддин Муҳаммад Бобур таваллудининг 534 йиллигига бағишланган “Назм ва наво” кечаси бўлиб ўтди. 

Тадбирда ёзувчи ҳамда шоирлар, маънавият тарғиботчилари, ўқитувчилар, талаба-ёшлар қатнашди. 

Унда сўз олганлар мамлакатимизда миллий адабиётимиз ривожига, ижодкор зиёлиларга юксак эътибор ва ғамхўрлик кўрсатиш, ёшларнинг яхши китобга бўлган иштиёқи ҳамда қизиқишини тобора кучайтириш бўйича амалга оширилаётган кенг қамровли чора-тадбирлар халқимиз маънавиятини янада юксалтиришга хизмат қилаётганини таъкидлади. 

Бобур ижоди бетакрорлиги, халқчиллиги билан адабиёт мухлисларининг меҳрини қозонган. “Бобурнома” асари буюк бобомизнинг ҳаёти, ички кечинмалари, фаолияти ҳақида бебаҳо маълумотлар бериши билан бирга, тарих, география ва бошқа қатор фанлар бўйича ҳам қизиқарли манбадир. 

Кечада Бобур ғазаллари билан айтилувчи қўшиқлар ижро этилди. Унинг ижодидан намуналар ўқилди.

Тошкент давлат иқтисодиёт университети ҳамда Тошкент тўқимачилик ва енгил саноат институтида ўтказилган анжуманларга шоир ва ёзувчилар, театр актёрлари, хонандалар таклиф қилинди. Уларда Заҳириддин Муҳаммад Бобур асарлари ёш авлод тафаккури ҳамда маънавиятини, бадиий-эстетик маданиятини юксалтиришда ғоят аҳамиятли экани қайд этилди. 

Заҳириддин Муҳаммад Бобур таваллудининг 534 йиллигига бағишланган маънавий-маърифий тадбирлар мамлакатимизнинг бошқа ҳудудларида ҳам бўлиб ўтмоқда.

«Халқ сўзи» мухбирлари 

хабарлари асосида тайёрланди.

 

Кўриш қобилияти чекланганлар учун

A- A A+

Кўп ўқилган