Ижодим илҳоми — юртим жамоли
XS.UZ
Фоторепортаж: Шавкат Мирзиёевнинг Корея Республикасига давлат ташрифи (22-23 ноябрь) Иш билан банд бўлмаган юртдошларимиз диққатига! Жанубий Корея Ўзбекистонга 500 миллион АҚШ доллари миқдорида сармоя йўналтиради Ўзбекистон — Корея Республикаси: ҳамкорликни ривожлантириш учун мавжуд имконият ва салоҳият тўлиқ ишга солинмаётгани қайд этилди Ўзбекистон ва Қозоғистон Президентлари бир-бирларини қутладилар Спорт паспорти тўғрисидаги низом тасдиқланди. Ундан қандай ҳолларда фойдаланиш мумкин? Тошкентга 24 ноябрь куни Аскар Мамин бошчилигида делегация келади Адлия вазири Руслан Давлетов Қозоғистон Республикасининг Ўзбекистондаги элчиси Эрик Утембаев билан учрашди Парк Вон Сун Шавкат Мирзиёевга Сеул шаҳрининг фахрий фуқаролигини топширади Демократик қадриятларга содиқлик ифодаси Тошкент метрополитени: Ривожланишнинг дадил одимлари Дарёнинг ҳам эгаси бор! Сайёҳ кейинги сафар гилам олади Фермер хўжалигида энди чеварлар ҳам ишлайди Антиқа гуруч «Китоб 24» акцияси: Фаол мутолаа майдони Хоразмда Халқаро Амударё кунлари Икки босқичли модернизация Жиноятнинг илдизи қаерда? Олтинкўлнинг кўркам бозори Ислом Каримов ёдгорлик мажмуасида Япониянинг «Сока Гаккай» ташкилоти вице-президенти Кендзи Йосиго билан учрашув ўтказилди Эксклюзив: Мун Чжэ Ин Мирзиёевни Кореяга нима учун таклиф қилганига изоҳ берди Кореяда “Ўзбекистон Республикаси Президенти Шавкат Мирзиёев” номли китоб чоп этилди Шавкат Мирзиёев Жанубий Корея - Ўзбекистон бизнес-форумида иштирок этди Президент қарори:“Мард ўғлон” давлат мукофоти таъсис этилди Меҳнат вазирлиги ҳамда Кичик ва ўрта бизнес конвергент ассоциациялари Уюшмаси (Корея) ўртасида меморандум имзоланди Тошкент – Сеул: Кореялик ишбилармонлардан интервью (Видео) Ўзбекистонда “Hyundai” автомобиллари ишлаб чиқарилади Ўзбекистон ва Корея Республикаси ўртасида қиймати 12,3 миллиард АҚШ долларидан зиёд бўлган 75 та ҳужжат “Evergreen Holdings” (Корея) Ўзбекистонда цемент заводи қурилиши учун 300 миллион доллар сармоя киритади
  • 06 Январь 2017

Ижодим илҳоми — юртим жамоли

Бундан олти йил аввал Чехияга, болалар халқаро ижодиёти фестивалига боргандим. Унда турли мамлакатлардан ташриф буюрган ўғил-қизларнинг 25 мингдан ортиқ ижодий ишлари кўргазмага қўйилди. Мухлисларга ўзим ясаган кулоллик буюмларини ҳавола қилдим.

Кечагидек эсимда, чамаси 10-11 ёшли қизчасини етаклаб олган аёл кўргазмамиз олдида узоқ туриб қолди. Сўнгра ихчамгина кўзачани қўлига олиб, томоша қилди-да, ўз тилида нимадир деди.

— Бу қандай техника ёрдамида, қайси хом ашёдан ясалган, деб сўраяпти, — унинг саволини изоҳлади таржимон.

— Кулоллик буюмларига асосан қўл меҳнати билан сайқал берилади, уни оддий лойдан ясаганман, — қисқагина жавоб қайтардим.

Чех аёли шундай нафис буюм тупроқдан бунёд бўлгани, қолаверса, уни жажжигина қизалоқ ясаганига ишонқирамади чоғи, кўзачага ҳайратланиб қарашда давом этди. Совға буюмидан кўз узолмаётганини кўриб,  “Ўзбекистондан туҳфа”, дея кўзачани қизчанинг қўлига тутқаздим. Она-боланинг юзида табассум порлади.

Ўша чоғда оддий кулоллик буюмидан ҳайратга тушган аёл, унинг миллий ҳунармандчилигимизга тан берганидан жудаям қувонгандим. Бир умр ёдимда сақланиб қоладиган бу воқеадан сўнг касбу коримга меҳрим янада ортди. Шундан сўнг қанчадан-қанча буюмлар ясаб, турли кўрик-танлов, кўргазмаларда қатнашдим. Хусусан, “Камалак юлдузлари” болалар ижодиёти фестивалининг республика босқичида бир неча бор совриндор бўлдим. “Юрт келажаги” иқтидорли ёшлар танловининг ўтган йилги якунловчи босқичида фахрли иккинчи ўринни қўлга киритдим. Яқинда устозларим кўмагида вилоят ўлкашунослик музейида шахсий кўргазмамни ташкил қилдик. Унга юздан зиёд ижодий ишларим қўйилган бўлиб, “Мустаҳкам оила”, “Қамчиқ довони”, “Кексалар гурунги” деб номланган бадиий композицияли сопол асарларим кўпчиликка маъқул тушди. Бундан ташқари, миниатюра жанрида ишланган миллий ҳайкалчалар сийратига сингдирилган қувноқ ифодалар ихлосмандларнинг эътирофига сазовор бўлаётгани менга янада жўшқинлик бағишлади.

Ҳунармандчиликни қайнар булоққа қиёслашади. Истиқлол шарофати билан янада мавжланиб бораётган бу чашмадан эндиликда биз, ёшлар ҳам тобора кўпроқ баҳра олиб, аждодларимиздан мерос миллий қадрият сабоқларини жону дилимиз билан ўзлаштирмоқдамиз. Буни, энг аввало, мамлакатимизда навқирон авлодга бўлган эътибор, улар сафидаги иқтидор эгаларига кўрсатилаётган ғамхўрлик билан боғласак, тўғри бўлади. Мана шундай беқиёс меҳр мени ҳам доимо юксак марралар сари ундайди, илҳомлантиради.

Маржона АБДУЛЛАЖОНОВА,

ёш ҳунарманд.

Янгиқўрғон тумани

 

СЎНГГИ ЯНГИЛИКЛАР