XS.UZ
Ўзбекистон халқ артисти Комилжон Отаниёзов таваллудининг 100 йиллик байрами қатнашчиларига Атоқли санъаткор хотирасига эҳтиром Пойтахтимизнинг «жанубий дарвозаси» янада қулай, шинам ва кўркам бўлади Академия профессионал кадрлар тайёрлаш маскани бўлмоғи лозим Дори-дармон таъминотида сунъий тақчиллик юзага келмайди Сув келтирган элда азиз Ўзаро манфаатли ҳамкорликни янги даражага олиб чиқиш йўлида Академик Борис Бондаренко Изланиш ва янгича ишлаш самараси аҳоли бандлигини таъминлашда ўз ифодасини топмоқда Жиноятга жазо муқаррар, аммо... Ривожланиш истиқболлари муҳокамаси Ҳамюртимиздан ўтадигани топилмади Нодир асарлар хазинаси «Ягонасан, муқаддас Ватан!» Сиёсий партиялар: Амалий ишлар билан халқ ишончини қозониш мумкин Солиққа оид ўзгаришлар тадбиркорлар манфаатларига хизмат қилади Ишбилармон хотин-қизлар ташаббуси қўллаб-қувватланмоқда Хорижий инвестор: яратиб берилаётган имкониятлардан мамнунмиз Осуда ва хотиржам ҳаёт «Бир болага етти маҳалла ҳам ота, ҳам она» «Нексия» музейдан жой олди Мурожаатлар адолатли ечим топмоқда Асосий мақсад — одил судловни таъминлаш Ҳавзалар баракаси 40 минг тоннага кўпаяди «Муҳаббат оламининг булбули» Юракдан куйланган қўшиқлар «Замонамиз қаҳрамонлари» Солиқ маъмуриятчилигини тубдан такомиллаштириш, солиқлар ва бошқа мажбурий тўловларнинг йиғилувчанлигини ошириш чора-тадбирлари тўғрисида «Маҳалла ифтихори» — ҳам рағбат, ҳам шараф Депутат «юқори»дан топшириқ кутмаслиги керак
  • 05 Январь 2017

Бетакрор жозиба, бебаҳо мерос ва илғор инфратузилма

мамлакатимизда туризмни ривожлантиришда муҳим аҳамият касб этмоқда

Ўзбекистон — халқаро туризмни ривожлантириш борасида жуда катта имконият ва салоҳиятга эга мамлакат. Тошкент, Самарқанд, Бухоро, Хива, Шаҳрисабз сингари қадимий шаҳарларнинг Буюк Ипак йўлида жойлашгани, бу табаррук заминдан жаҳон тамаддунига бениҳоя катта ҳисса қўшган буюк зотлар етишиб чиққани, халқ ҳунармандчилиги, шарқона меъморчилик равнақ топгани, миллий-маданий меросимиз кўз қорачиғидек асраб-авайлаб келинаётгани — буларнинг барчаси юртимизни дунёдаги энг жозибадор ўлкалардан бирига айлантирди.

Давлатимиз раҳбари Шавкат Мирзиёев томонидан қабул қилинган “Ўзбекистон Республикасининг туризм соҳасини жадал ривожлантиришни таъминлаш чора-тадбирлари тўғрисида”ги Фармон сайёҳлик инфратузилмасини тубдан такомиллаштиришга хизмат қилиши шубҳасиз. 

— Мазкур ҳужжат соҳани янада равнақ топтириш, бу жабҳада тадбиркорликни кенг қулоч ёйдириш, янги иш ўринлари яратиш, пировардида сайёҳлар оқимини кўпайтириш нуқтаи назаридан тарихий аҳамиятга эга, — дейди “Ўзбекистон ҳаво йўллари” Миллий авиакомпаниясининг “Бухоро” халқаро аэропорти директори, сенатор Тоҳир Баҳронов. — Мана, биргина вилоятимизни олиб кўринг. Бухорода 900 дан зиёд тарихий-меъморий ёдгорликлар бор. Уларнинг маълум қисми ЮНЕСКО томонидан муҳофазага олинган. Тарихий обидаларимизни томоша қилиш, бой маънавий меросимиз, халқимиз урф-одатлари билан яқиндан танишиш учун дунёнинг юздан ортиқ давлатларидан сайёҳлар келишаяпти. Президентимиз Фармонига кўра, Ўзбекистон Республикаси Туризмни ривожлантириш давлат қўмитаси ташкил этилгани чет эллик меҳмонларга жаҳон андозалари даражасида хизмат кўрсатиш, сайёҳликнинг зиёрат, экологик, этнографик, оилавий каби йўналишларини кенг йўлга қўйиш имконини беради. Ўз навбатида, бу бизнинг зиммамизга ҳам катта масъулият юклайди. Чунки сайёҳларнинг салмоқли қисми қадимий шаҳримизга аэропортимиз орқали ташриф буюради. Шундан келиб чиққан ҳолда, Фармон талабларига асосан, инфратузилмани янада ривожлантириш юзасидан чора-тадбирлар белгилаяпмиз. 

Бундан чорак аср аввал биров “Хусусий меҳмонхонам бор”, “Сайёҳлик фирмасини очдим”, деса, ишонгимиз келмасди. Аммо соҳада амалга оширилаётган изчил ислоҳотлар туфайли орзуларимиз рўёбга чиқди. Туризмга тадбиркорлик кириб келди. Айни пайтда Бухорода ишбилармонлар саъй-ҳаракати билан барпо қилинган 100 та меҳмонхона, салкам 40 та сайёҳлик фирмаси фаолият кўрсатаётир.

— Касбимиз тақозосига кўра, жаҳондаги бир неча туристик ярмаркаларда иштирок этганман, — дейди Бухоро шаҳридаги “Исломиддин тур” сайёҳлик фирмаси раҳбари Шуҳрат ўаффоров. — Хорижлик ҳамкасблар билан ўзаро тажриба алмашиш жараёнида шунга амин бўлдимки, юртимизга чет элликларнинг қизиқишлари бениҳоя катта. Шу нуқтаи назардан Президентимизнинг тегишли Фармонига мувофиқ, хорижий туристлар учун виза сиёсатининг либераллаштири-лаётгани, соҳада фаолият юритаётганлар учун қатор қулайликлар яратилаётгани кишини қувонтиради. 

Бухоронинг ўтмиши, бугунги куни билан яқиндан танишиш истагида республикамизга келган хорижлик меҳмонлар сўзлари бу фикрларни тасдиқлайди.

— Ўзбекистонда кўп бор бўлганман, — дейди германиялик Дитер Бранденбургер. — Ҳар сафар бу юртда бир хушхабарни эшитасан, киши. Тошкент — Бухоро йўналишида тезюрар поезд қатновининг йўлга қўйилгани шундай янгиликлардан биридир. Бу — Ўзбекистонда барча соҳа қатори туризм ҳам жадал ривожланаётганига яққол мисол бўлади.

Соҳадаги бундай ютуқлар ўзимизники, албатта. Лекин улар билан кифояланиб қолиш мумкин эмас. Президентимиз Бухоро вилояти сайловчилари вакиллари билан учрашувида ана шу ҳақда тўхталиб, келгуси беш йилда 50 та янги меҳмонхона қуриш ва мавжуд 10 та меҳмонхонани кенгайтириш ҳисобига улардаги яшаш ўринлари сонини мавжуд 4,5 мингтадан 6,5 мингтагача етказиш вазифасини қўйди. Ҳозирги кунда воҳада экотуризм, агротуризм, экстремал туризм ҳамда туяларда сайр қилиш каби янги йўналишларни очиш ва ривожлантириш чора-тадбирлари кўрилмоқда. Қисқача айтганда, Фармон ижросини таъминлаш натижасида 2021 йилга бориб, Бухорога келадиган хорижий сайёҳлар сони қарийб икки баравар ошади.

Истам ИБРОҲИМОВ,

«Халқ сўзи» мухбири.

 

Кўриш қобилияти чекланганлар учун

A- A A+