Ёшликнинг ёрқин таассуротлари
XS.UZ
Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини
  • 20 Декабрь 2016

Ёшликнинг ёрқин таассуротлари

Пойтахтимизда “Эртанги кун бизники, марра бизники!” шиори остида ёшлар ҳафталиги бўлиб ўтди.
Ёшлар — бизнинг келажагимиз, эртанги кунимизнинг ҳал қилувчи кучи. Мамлакатимизда амалга оширилаётган ислоҳотлар замирида жисмонан соғлом, маънан етук, замонавий билимлар ва касб-ҳунарларни эгаллаган, мустақил ҳамда ижодий фикрлашга қодир, интеллектуал салоҳияти юксак ёш авлодга ғамхўрлик қилишдек эзгу мақсад мужассам.

Президентимиз Шавкат Мирзиёев томонидан 2016 йил 14 сентябрда имзоланган “Ёшларга оид давлат сиёсати тўғрисида”ги Қонун ижроси доирасида “Камолот” ёшлар ижтимоий ҳаракати, Олий ва ўрта махсус таълим, Маданият ва спорт ишлари вазирликлари, Ўзбекистон Бадиий академияси, “Ўзбеккино” Миллий агентлиги ва бошқа ташкилотлар ҳамкорлигида уюштирилган мазкур ёшлар ҳафталиги бу борада йирик лойиҳалардан бири бўлди.
Беш кун давом этган тадбирлар дастурида халқаро олимпиадалар, танловлар, спорт мусобақалари ғолиблари, санъат ва маданият намояндалари, илм-фан арбоблари, кино ва мода йўналишида ижод қилаётган ёшлар, иқтидорли йигит-қизлар фаол қатнашди.
Турли кўргазмалар, фестиваллар, интерфаол маҳорат дарсларида ёшлар кино, мода ва -дизайн, театр, туризм, экология каби соҳаларга доир билим ва салоҳиятини намоён қилди. “Қувноқлар ва зукколар”, “Тафаккур синовлари” кўрик-танловлари эса иштирокчиларни қизғин баҳс-мунозараларга чорлади.
Ҳафталикнинг ёрқин лойиҳаларидан бири — Ўзбекистонда ёшлар туризмини ривожлантириш, туман ва шаҳарларнинг сайёҳлик салоҳиятини тарғиб қилишга қаратилган “Янги нигоҳ” видеороликлар танлови совриндорларини тақдирлаш маросими бўлди. Ушбу тадбирни ўтказишдан асосий мақсад мамлакатимизда ёшлар туризмини ривожлантириш, туман ва шаҳарларнинг туристик салоҳияти, жойлардаги тарихий обидалар, зиёратгоҳлар, муҳофаза этиладиган табиий ҳудудларни тарғиб қилиш, навқирон авлод вакилларида ватанпарварлик ҳиссини мустаҳкамлаш, юртимиз тарихига қизиқиш ва ҳурматни кучайтиришдан иборатдир. Бу йилги танловга “Ўзбекистоннинг туризм салоҳиятини намоён этган энг яхши видеоролик”, “Ўзбекистоннинг экотуризм салоҳиятини намоён этган энг яхши видеоролик”, “Миллий қадрият ва урф-одатларни тарғиб этишга қаратилган энг яхши видеоролик”, “Ўзбекистоннинг муҳофаза этиладиган табиий ҳудудлари тўғрисидаги энг яхши видеоролик” номинациялари бўйича 500 дан ортиқ ижодий ишлар келиб тушди. Улар орасидан энг муносиблари эътироф этилди.
Ёшлар ижод саройида ўтказилган “Мода ва дизайн фестивали”, ёшлар ҳамда болалар дефилеси ҳам қизғин таассуротларга бой бўлди. “Осиё рамзи” Ўзбекистон дизайнерлар ва модельерлар уюшмаси томонидан ташкил этилган анжуманда таниқли дизайнер ва модельерлар, маҳоратли ижодкорлар, мода мактабларининг вакиллари қатнашди.
Камолиддин Беҳзод номидаги Миллий рассомлик ва дизайн институти, Республика рассомлик коллежи ўқувчилари ўзларининг ижодий орзулари, ностандарт ёндашувлар ва ҳар томонлама қизиқишларини ёрқин ифода этадиган коллекцияларни омма эътиборига ҳавола қилди.
Фестиваль доирасидаги ёшлар ва болалар дефилесида ранг-баранг ва бежирим либослар коллекцияси тақдим этилди. Бундай либослар миллий, замонавий ва спорт услубида, қўл меҳнати билан, шунингдек, кундалик, авангард ҳамда байрамона шаклда яратилган. Фестивалнинг яна бир ўзига хос жиҳати шундаки, унда намойиш қилинган болалар либосларининг намуналари мамлакатимиздаги тўқимачилик ва енгил саноат корхоналарида кенг миқёсда ишлаб чиқариш учун тавсия этилди.
Яна бир қизиқарли лойиҳа — “Талабалар театр студиялари фестивали”да ёшлар таълим-тарбиясида муҳим ўрин тутадиган мавзулар саҳналаштирилди. Бердақ номидаги Қорақалпоқ давлат университети, Тошкент ахборот технологиялари университетининг Нукус филиали, Навоий давлат кончилик институти, Мирзо Улуғбек номидаги Ўзбекистон Миллий университети, Тошкент тўқимачилик ва енгил саноат институти талабаларининг театр жамоалари томонидан саҳналаштирилган спектаклларга томошабинлар илиқ муносабат билдиришди. Айниқса, Бердақ номидаги Қорақалпоқ давлат университети “Жайҳун” талабалар театр-студиясининг “Бир қадам” спектаклида ҳар бир инсон тинчлик, омонликнинг қадрига етиб, ўз умрини яхши амаллар билан безаб яшаши зарурлиги каби эзгу ғоялар илгари сурилгани билан кўпчиликда алоҳида таассурот уйғотди.
Ҳафталик давомида “Қувноқлар ва зукколар” кўрик-танловининг якуний босқичи ўтказилди. Ёшларнинг бўш вақтини мазмунли ташкил этиш, талабалар ҳаётида учраб турадиган камчилик ва нуқсонларни юмористик ҳамда сатирик жанрлар орқали кўрсатиб беришга қаратилган танловда Андижон қишлоқ хўжалиги институтининг “Оғалар” жамоаси ғолибликка эришиб, махсус кубокни қўлга киритди.
“Эртанги кун бизники, марра бизники!” шиори остидаги ёшлар ҳафталиги санъат усталари ва ёш ижрочилар иштирокидаги гала-концерт билан якунланди.

Омонулла ФАЙЗИЕВ,
«Халқ сўзи» мухбири.

Мазкур рукндаги бошқа мақолалар: « «Тошкент қувончлари» «Шоиру шеъру шуур» »