Мозийдан сўзловчи ноёб ашёлар
  • 21 Сентябрь 2016

Мозийдан сўзловчи ноёб ашёлар

Андижон вилоятидаги Мингтепа археологик манзилига Ўзбекистон — Хитой давлатлари дўстлиги рамзи сифатида янги ёдгорлик лавҳаси ўрнатилди.

Мана, беш йилдирки, бу ерда Ўзбекистон Фанлар академияси ва Хитой ижтимоий фанлар академияси археология институти олимлари ҳамкорлигида қазишма ишлари олиб борилмоқда. Изланишлар давомида 2-2,5 метр тупроқ остидан катта шаҳар харобалари топилди.
Дунё қадимшунослари қизиқишига сабаб бўлган мазкур археологик ҳудуд икки ярим минг йиллик тарихга эга бўлиб, ЮНЕСКО рўйхатига киритилган. Мудофаа деворлари, ички ҳамда ташқи йўллар, қалъа ўрни, аҳоли турмуш тарзидан ҳикоя қилувчи турли буюмлар тарихнинг очилмаган қирраларини ўрганишда беқиёс аҳамиятга эга. Мутахассислар бу ер келгусида жаҳон сайёҳлик марказларидан бирига айланишини таъкидлашаяпти.
— Эски шаҳар деворларининг ўзига хос услубда бунёд этилгани ўша давр меъморчилик анъаналаридан гувоҳлик беради, — дейди профессор Боқижон Матбобоев. — Қолаверса, бу ердан топилаётган бир неча минг йилликдан сўзловчи деҳқончилик ва ҳунармандчилик ашёлари дунё олимларида катта қизиқиш уйғотаяпти.


Саминжон ҲУСАНОВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn