XS.UZ
Ўзбекистон Президенти «Газпром» компанияси бошқаруви раисини қабул қилди Алексей Миллер: ўзаро манфаатли ҳамкорлигимиз изчил давом этади Фуқароларнинг ҳуқуқ ва эркинликларини ишончли ҳимоя қилиш кафолатларини таъминлашга доир қўшимча чора-тадбирлар қабул қилинганлиги муносабати билан «Ўзбекипаксаноат» уюшмаси фаолиятини ташкил этиш чора-тадбирлари тўғрисида Ўзбекистон Республикаси Олий Мажлиси Сенатининг тўққизинчи ялпи мажлиси тўғрисида ахборот Тиббий хизмат сифатини оширишнинг таъсирчан омили Рус тили маркази очилди Аҳоли турмуш фаровонлигини юксалтиришнинг муҳим мезони Корея Республикаси делегацияси учрашувлари Одамларнинг қонуний мурожаатларини ҳал этиш — устувор вазифа Халқимизнинг розилиги – барча ютуқ ва марраларимизнинг асосий манбаидир 2017 — 2019 йиллар даврида деҳқон бозорларини реконструкция қилиш ва уларнинг ҳудудида замонавий савдо мажмуалари қуриш Ўзбекистон Республикаси Олий Мажлиси Сенатининг тўққизинчи ялпи мажлиси тўғрисида ахборот Фуқароларнинг конституциявий ҳуқуқлари кафолати кучайтирилмоқда Депутатлар ихтисослаштирилган тиббиёт марказларининг фаолиятини муҳокама қилдилар Атоқли давлат арбоби ва ёзувчи Шароф Рашидов таваллудининг 100 йиллигини нишонлаш тўғрисида Ўзбекистон ва Польша Президентлари бир-бирларини қутладилар Халқимиз бунёдкорлик салоҳиятининг амалий ифодаси Замонавий кўприклар халқимиз фаровонлигини юксалтиришга хизмат қилади Ёш мутахассисларга муносиб иш жойлари Кооперацион алоқалар кенгаймоқда Ўзаро манфаатли ҳамкорликнинг юксак самаралари Дипломатлар шахматда беллашди Ишлаб чиқариш кластери инновацион иқтисодиётга ўтишнинг муҳим босқичидир Мавқеини мустаҳкамламоқда Сердаромад ва истиқболли соҳа Ўзбекистон Республикаси билан Қозоғистон Республикаси ўртасида стратегик шерикликни янада чуқурлаштириш ва аҳил қўшничиликни мустаҳкамлаш тўғрисида Автомобилни бошқармаслик учун имтиёз Япония киноси кунлари бошланди Қизилқумлик ёшларга туҳфа
  • 03 Март 2015

Ўзбекистон демократия ва сайлов қонунчилигини такомиллаштириш йўлида

Ўзбекистоннинг Вашингтондаги элчихонасида шу йил 29 март куни мамлакатимизда бўлиб ўтадиган Президент сайловига тайёргарликнинг бориши мавзуига бағишланган брифинг уюштирилди. Американинг “Вашингтон идоралараро профессионал гуруҳи” (WIPG) нодавлат ташкилоти билан ўзаро ҳамкорликда ташкил қилинган мазкур тадбирда WIPG аъзолари, бўлажак сайловда Америкадан қатнашадиган халқаро кузатувчилар, мамлакатнинг ижтимоий-сиёсий, эксперт ва ишбилармон доиралари вакиллари ҳозир бўлдилар.

Тадбирда иштирокчилар Ўзбекистон Республикаси Президенти сайловига кўрилаётган тайёргарлик жараёни, Марказий сайлов комиссияси мамлакатимизда фаолият юритаётган сиёсий партиялар томонидан тавсия этилган номзодларни рўйхатга олгани, сайлов тизими ва қонунчилигини такомиллаштириш борасида амалга оширилган чора-тадбирлар ҳақидаги маълумотлар билан батафсил таништирилди.
Шу билан бирга, анжуман доирасида Ўзбекистоннинг ижтимоий-иқтисодий ривожланиши ҳамда ўзбек халқининг бой маданий-тарихий мероси хусусида ҳам атрофлича фикр юритилди.
Учрашувда сўзга чиққан Ж. Хопкинс университети ҳузуридаги Марказий Осиё ва Кавказ институти катта илмий ходими А. Кази Ўзбекистоннинг мустақиллик йилларидаги тараққиёти, “ўзбек модели”нинг асослари ҳамда ўзига хос хусусиятлари, парламент шаклланишининг босқичлари, мамлакатимизда сайлов жараёнида ошкоралик ва фуқароларнинг ўз ҳуқуқларидан эркин фойдаланишларини таъминлаш учун барча зарур шарт-шароит яратилгани ҳақида тўхталди. У таъкидлаганидек, Ўзбекистон Республикаси Президентлигига номзодлар учун уларнинг Сайловолди дастурлари қоидаларини, мамлакат ижтимоий-сиёсий, социал-иқтисодий ривожланишининг муҳим масалаларига тааллуқли мустақил нуқтаи назарини сайловчиларга, жамоатчиликка етказиш учун оммавий ахборот воситаларидан сайловолди ташвиқотини олиб бориш мақсадида фойдаланишда кенг ва тенг имкониятлар яратилганига ҳеч қандай шубҳа йўқ.
“Republic Consultants LLC” компанияси президенти Р. Филлипс Президент сайлови олдидан элчихонада ушбу тадбир юқори даражада ташкил қилинганлиги қатнашчилар учун айни муддао бўлганини қайд этди. Унинг эътирофича, сўнгги ўн йил мобайнида юртимизда амалга оширилаётган сиёсий ва ижтимоий-иқтисодий ислоҳотлар ўзининг ижобий натижалари билан америкалик экспертларда ҳам катта таассурот қолдирмоқда.
“GBD” консалтинг компанияси ижрочи директори Е. Якобсон Ўзбекистоннинг мустақиллик йилларидаги ижтимоий-иқтисодий ривожланишини юқори баҳолади. “Иқтисодиётда эришилаётган муваффақиятлар мамлакат барқарорлигининг калити вазифасини ўтамоқдаки, бу омил Ўзбекистоннинг келажакда янада гуллаб-яшнаши учун замин бўлади”, деди у.
Е. Якобсон юртимизда кадрлар тайёрлаш масаласига ҳам алоҳида эътибор қаратилаётгани хусусида тўхталаркан, “Ўзбекистон ўзининг намунали таълим тизими, ёш мутахассислари билан ажралиб туриши хорижлик сармоядорларни мамлакатга жалб этишда муҳим омил бўлиб хизмат қилмоқда”, дея таъкидлади.
Ўз навбатида, “JMH Group” эксперт ташкилотининг ҳукумат ишлари бўйича вице-президенти Ч. Йессаиан юртимиз тарихан қисқа даврда давлатчиликнинг барча тизимини шакллантириш ва мустаҳкамлаш борасида салмоқли ўсишга эришганини айтиб ўтди. Унинг фикрича, мамлакатимиздаги сиёсий, иқтисодий ва суд-ҳуқуқ тизими тараққиёти, аҳолининг саводхонлик даражаси, ёшлар эга бўлган имкониятлар, шунингдек, сайлов жараёнининг ошкоралик ва очиқлик асосида ўтиши таъминланиши учун ҳукумат томонидан кўрилаётган чора-тадбирлар Ўзбекистоннинг келгуси равнақида катта аҳамият касб этади.
Тадбирда юртимизда фуқаролик жамияти институтларининг шаклланиши, жамоатчиликнинг сиёсий фаоллиги даражаси, сиёсий партиялар фаолияти, олдинда турган сайловларда қатнашадиган халқаро кузатувчилар таркиби сингари масалалар юзасидан ҳам атрофлича фикр алмашилди.
Брифинг доирасида “Ўзбекистон манзаралари” фотокўргазмаси ва мамлакатимиз сайёҳлик имкониятларига бағишланган тақдимот маросими ҳам бўлиб ўтди.
Тадбир якунида “Жаҳон” АА мухбири билан суҳбат чоғида америкалик айрим экспертлар қуйидаги фикр-мулоҳазаларни билдирди.

Нельсон ГАРСИЯ,
“Вашингтон идоралараро профессионал гуруҳи” (WIPG) нодавлат ташкилоти президенти:
— 2014 йилнинг декабрида Ўзбекистонда бўлиб ўтган парламент сайловларида ташкилотимиз вакиллари ҳам халқаро кузатувчи сифатида қатнашган эди. Улар Ўзбекистон ҳукумати олиб бораётган ички ҳамда ташқи сиёсатни тўла қўллаб-қувватлаганлари ҳолда, мамлакат тараққиёти ва халқ фаровонлигига тилакдошдирлар.
Биз Президент сайлови ҳам демократия тамойилларига тўла амал қилинган тарзда ўтишига ишонамиз, чунки Ўзбекистон ўзининг сайлов тажрибасига эга. Сайловчилар ўзлари муносиб топган номзодни ёқлаб овоз беришлари асносида мамлакатнинг келажакдаги сиёсий ва ижтимоий-иқтисодий тараққиёти юзасидан ўз хоҳиш-иродаларини ифода этишади.

Рон ФИЛЛИПС,
“Republic Consultants LLC” консалтинг компанияси президенти:
— Ўзбекистонга биринчи маротаба 2004 йили борган эдим. Ўшанда Ўзбекистон Республикаси Олий Мажлиси сайловларини кузатиш шарафига муяссар бўлганман. Ўша сайловлар янги парламент ҳамда демократик жараёнларнинг шаклланишида мустаҳкам пойдевор яратган эди, деб ўйлайман. Мен ушбу сафарим чоғидаёқ Ўзбекистон ҳукумати ўз халқи билан биргаликда мамлакат келажаги, янгиланиши ва тараққиёти йўлида баҳамжиҳат ҳаракатланаётганига ишонч ҳосил қилгандим. Орадан 10 йил ўтди. Бугунги кунга келиб, ана шундай демократик жараёнлар янада ривож топмоқдаки, буни Ўзбекистоннинг сўнгги йиллардаги ижтимоий-иқтисодий ривожланишидан, мамлакатда турли соҳаларда эришилаётган муваффақиятлардан ҳам билиш мумкин.
Менинг фикримча, бўлажак Президент сайлови нафақат Ўзбекистондаги ижтимоий-иқтисодий ривожланиш бардавомлигини таъминлайди, балки бутун Марказий Осиё минтақасининг сиёсий-иқтисодий барқарорлигига ҳам ўзининг ижобий таъсирини кўрсатади.
Шу ўринда алоҳида таъкидлаш жоизки, Ўзбекистон Америка Қўшма Штатларининг Марказий Осиёдаги муҳим ҳамкори саналади. Вашингтон Ўзбекистон билан ўзаро ҳамкорликни мустаҳкамлаш учун барча имкониятни ишга солмоғи зарур, деб ўйлайман.

Жеффри ГОРДОН,
“Protect America Today” ташкилоти ижрочи директори:
— Бугунги кунда Ўзбекистонда кенг миқёсли ижобий ўзгаришлар содир бўлмоқда. Бу интилишни сармоя соҳасида ҳам кузатиш мумкин. Сўнгги йилларда мамлакатингизда қонун устуворлигини таъминлаш, ишбилармонлик муҳити ва сармоя соҳасидаги қонунчиликни либераллаштириш бўйича диққатга сазовор ўзгаришлар рўй берди.
Қабул қилинаётган меъёрий-ҳуқуқий ҳужжатлар эса хорижлик сармоядорларнинг қизиқиши сезиларли даражада ортишига олиб келаётир. Буни АҚШ ҳамда Европа Иттифоқи давлатлари сармоядорларининг амалий саъй-ҳаракатлари, шунингдек, рейтинг агентликларининг ижобий баҳолари ҳам тасдиқлайди.
Ўзбекистон мустақиллик йилларида эришган энг муҳим муваффақиятлардан яна бири кўп миллатли мамлакатда миллатлараро ва динлараро тотувликни таъминлашга муваффақ бўлинганидир. Этник ҳамда диний омил таъсиридаги можаролардан йироқлиги билан ҳам Ўзбекистон дунёнинг кўпгина давлатлари учун намуна бўла олади.
Айтиш мумкинки, бўлажак Президент сайлови ва унинг натижалари келажакда сармоявий муҳитнинг янада яхшиланиши ҳамда ички сиёсатдаги барқарорлик бундан-да мустаҳкамланишини таъминлашга хизмат қилади.

«Жаҳон» АА.
Вашингтон

Кўриш қобилияти чекланганлар учун

A- A A+

Кўп ўқилган