Парижда доира садолари янгради
  • 19 Декабрь 2014

Парижда доира садолари янгради

Яқинда Париж шаҳрида “Салом, истеъдодлар!” лойиҳаси доирасида ўтказилган ёш мусиқачилар халқаро танловида Боғдод туманидаги 23-умумтаълим мактаби ўқувчиси Беҳзоджон Саминжонов ҳам муносиб қатнашди.

Мазкур нуфузли тадбирга 80 дан зиёд мамлакатдан 200 нафардан ортиқ ёш мусиқа ихлосмандлари ташриф буюрди. Беҳзод улар олдида доирада “Шодиёна” ва “Олтин қўл” куйларини маҳорат билан ижро этиб, томошабинлар олқишига сазовор бўлди. Ҳайъат аъзолари томонидан Беҳзоджонга учинчи ўрин берилди.
— Юртимизда иқтидор эгаларига яратиб берилаётган имкониятлар туфайли мен сингари тенгдошларим дунё саҳналарига чиқмоқда, — дейди Беҳзоджон. — Бунгача мен пойтахтимизда ўтказилган “Она-юрт оҳанглари” танловида ғолиб бўлиб, Парижда ташкил этиладиган мусиқа фестивалига йўлланмани қўлга киритган эдим. Совриндорлар сафида бўлиш ўз маҳоратимни оширишга, юртимиз санъатини дунё миқёсида янада кенг ёйишга бўлган интилишларимни рағбатлантиради.

Набижон СОБИРОВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn