Боқий қадриятлар кўзгуси
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 11 Сентябрь 2014

Боқий қадриятлар кўзгуси

Буюк Ипак йўли чорраҳасида жойлашган Самарқанд азалдан хорижий  сайёҳларни ҳам, мамлакатимизнинг турли ҳудудларидан ташриф буюраётган  юртдошларимизни ҳам доимо ўзига чорлаб келаётгани ҳеч кимга сир эмас. Бинобарин, халқимизнинг азалий қадрияти — ўзбекона меҳмоннавозлик туфайли кўҳна шаҳарнинг сайёҳлик салоҳияти йил сайин ортиб бормоқда.

Қадимий Самарқандда ҳозирги пайтда кўплаб ёдгорликлар асраб-авайланаётган бўлиб, уларнинг аксарияти ЮНЕСКОнинг Бутунжаҳон маданий мероси рўйхатига киритилган. Ушбу марварид шаҳарга келадиган меҳмонлар нафақат бу ердаги тарихий ва маданий ёдгорликлар, кўҳна обидалар билан яқиндан танишишни, балки миллий ҳунармандлик устахоналари, чойхона ва миллий таомлар ошхоналари, Самарқанднинг дунёга машҳур нонлари тайёрланадиган новвойхоналарга ҳам ташриф буюришни яхши кўришади. Эндиликда ушбу масканлар сафига Алишер Навоий номидаги Самарқанд давлат университети қошида очилган илмий-амалий музей-лабораторияси ҳам қўшилди.
Мазкур музей-лаборатория “Соғлом бола йили” Давлат дастури ижроси доирасида ташкил этилган Музейлар ҳафталиги доирасида очилди.
— Президентимиз раҳнамолигида мустақилликнинг дастлабки йиллариданоқ юртимизда шаклланган илм-фан мактаблари фаолиятини ривожлантириш, буюк алломаларимизнинг илмий-маънавий меросини ўрганиш, ундан халқимизни баҳраманд этиш, аждодларимизнинг инсоният цивилизацияси ривожига қўшган ҳиссасини бутун дунёда кенг тарғиб этишга алоҳида эътибор қаратилаётир, — дейди Самарқанд давлат университети ректори Улуғбек Тошкенбоев. — Жорий йилнинг 15-16 май кунлари Самарқанд шаҳрида бўлиб ўтган “Ўрта асрлар Шарқ алломалари ва мутафаккирларининг тарихий мероси, унинг замонавий цивилизация ривожидаги роли ва аҳамияти” мавзуидаги халқаро конференцияда ҳам мамлакатимизда мазкур йўналишда амалга оширилаётган кенг кўламли ишлар халқаро экспертлар томонидан яна бир бор эътироф этилгани барчамизга фахр-ифтихор бағишлади. Бинобарин, университетимиз қошида яратилган илмий-амалий музей-лаборатория ёшларни Ватанга муҳаббат, истиқлол ғояларига садоқат, миллий ва умуминсоний қадриятларга ҳурмат руҳида тарбиялаш, уларда тарихимиз, буюк аждодларимиз мероси билан фахрланиш туйғусини янада кучайтиришга хизмат қилади.
Дарҳақиқат, Амир Темур ва Мирзо Улуғбек даврида Самарқанд йирик илмий марказга айланиб, бу ерда бир нечта мадрасалар ташкил этилган. Мирзо Улуғбек асос солган астрономия мактабида ушбу соҳага беқиёс ҳисса қўшган алломалар фаолият олиб борган. Шу боис музей-лабораторияда дастлаб мазкур даврга оид маълумотлар билан танишиш имконияти яратилди. Бу ерда Алишер Навоий адабий меросини ўрганиш ва тарғиб этишга бағишланган бўлим ҳам мавжуд.
— Самарқандга бир марта келган инсон бу ерга умрбод мафтун бўлиб қолади, деганлари рост экан, — дейди ўз таассуротларини тўлқинланиб айтиб берган италиялик сайёҳ Марко Донатани. — Саёҳатим давомида кўплаб масканларни айландим. Самарқанд давлат университети қошида очилган илмий-амалий музей-лабораториядаги турли археологик топилмалар, этнография буюмлари, тарихий суратлар, ҳужжатлар менда катта қизиқиш уйғотди.


Мамадиёр ЗИЁДИНОВ,
«Халқ сўзи» мухбири.

 

СЎНГГИ ЯНГИЛИКЛАР