Она диёр тараннуми
  • 11 Июль 2014

Она диёр тараннуми

Иқтидорли ёш ижрочиларни кашф этиш, қўллаб-қувватлаш ва рағбатлантириш мақсадида ўтказиб келинаётган “Ягонасан, муқаддас Ватан!” республика кўрик-танловининг Сирдарё вилояти босқичи якунига етди.

Олим Хўжаев номидаги вилоят мусиқали драма театрида ташкил этилган наво базмида туман, шаҳар босқичларида ғолибликни қўлга киритган 25 нафар иқтидор соҳиби Ватанимиз ҳамда миллий қадриятларимизни мадҳ этувчи сара қўшиқлари билан қатнашди. Якуний натижаларга кўра, Маданият ва спорт ишлари бошқармаси тизими бўйича Азиз Бобоев ғолиб бўлди.  “Ўзбекнаво” эстрада бирлашмаси йўналишида эса ғолиблик   Бибинур Муҳаммадиевага насиб этди. Энди улар танловнинг мамлакат босқичида қатнашишади.
Шунингдек, танловнинг Хоразм вилояти босқичи ҳам ўз ниҳоясига етди. Ҳакамлар ҳайъати қарори билан ғолиб деб топилган янгиариқлик Акбар Сапаев ва  янгибозорлик Камрон Отажонов танловнинг сўнгги босқичида иштирок этиш ҳуқуқини қўлга киритдилар.


Назокат АҲМЕДОВА.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn