Оролбўйи қадриятлари тараннуми
  • 27 Октябрь 2017

Оролбўйи қадриятлари тараннуми

И. В. Савицкий номидаги Қорақалпоқ  давлат санъат музейида  “Орол балиқларидан 99 турдаги таом” гастрономик, “Орол ва Мўйноқнинг қайта тикланиши” мавзуида халқаро экологик, атоқли шоирлар — Бердақ ва Ажиниёз ижодига бағишланган халқаро фестивалларнинг очилишига бағишланган  тадбир бўлиб ўтди.

Президентимизнинг 2017 йил 28 февралдаги “2017 — 2018 йилларда Қорақалпоғистон Республикасининг Мўйноқ туманини иқтисодий ривожлантириш ва аҳоли бандлигини таъминлашга доир қўшимча чора-тадбирлар тўғрисида”ги қарори ижроси доирасида ташкил этилган ушбу фестивалларга  тайёргарлик жараёнида Орол денгизи ва Мўйноқ тумани  тарихи, табиати, сув ресурслари, иқлими, ҳайвонот дунёси, фаунаси, аҳолисининг урф-одатлари ҳамда анъаналари тарғиб қилинди. Шунингдек,  Бердақ ва Ажиниёзнинг ҳаёти ҳамда ижоди кенг ўрганилди. “Орол таомлари” фестивали олдидан ёш ошпазлар иштирокида бир қатор танловлар ўтказилди.

Тадбир доирасида Бердақ номидаги Қорақалпоқ давлат академик мусиқали театрида Қашқадарё вилояти мусиқали драма театрининг “Орол бобо” спектакли намойиш этилди.

Мавлуда АСҚАРХЎЖАЕВА.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn