Улуғ туркман шоирига эҳтиром
XS.UZ
Президент фармони: “Ҳунарманд” уюшмаси раиси Савдо-саноат палатаси раиси ўринбосарига тенглаштирилди Ўзбекистон — жонажон Ватанимиз «Профилактика куни» умумхалқ ҳаракатига айланмоғи шарт Табиий экотизимларни муҳофаза қилиш — давр талаби Тадбиркорлар учун Бизнес маркази Ҳаётимизнинг гўзал саҳифаси Асл мусиқа беғубор қалб оламида яралади Ўзбекистонлик ўқувчилар Халқаро билимлар олимпиадасида 49 медални қўлга киритди Ҳунармандчиликни янада ривожлантириш ва ҳунармандларни ҳар томонлама қўллаб-қувватлаш чора-тадбирлари тўғрисида Жиззахдан бир олам таассуротлар билан Наманганда харидорларга чек бермаётган сотувчилар аниқланди Ўзбекистон ва Қозоғистон ўртасидаги автомобиль қатнови бўйича баённома кучга кирди Ўзбекистонда 1 декабрдан иш ҳақи, пенсиялар, стипендиялар ва нафақалар миқдори ошади Даъвогарлар минг нафар, совринлар эса чекланган Январь — октябрь ойларида 141 минг 682 нафар қишлоқ жойларда яшовчи фуқаро иш билан таъминланди Шўрчида йилига 3 минг тонна ип-калава ишлаб чиқарилади Марказий Осиёдаги энг қадимий ёзув Қорақалпоғистондан топилган Австрия банки ўзбекистонлик ёш тадбиркорларга имтиёзли кредитлар тақдим этади Ўзбекистон чемпионати: олтин, кумуш ва бронза медаллари эгалари маълум Ўзбекистон ва Япония терма жамоалари ўртасида ўртоқлик учрашувлари ўтказилади “Амалиёт эътирофи — 2017” ёш журналист кадрлар рағбатлантирилди Тошкентга АҚШ Конгресси Вакиллар палатаси аъзоси Трент Келли бошчилигидаги делегация келади  Тошкентда Марказий Осиё давлатларининг сув бўйича ҳамкорлигига бағишланган халқаро конференция ўтказилади Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак»
  • 18 Октябрь 2017

Улуғ туркман шоирига эҳтиром

Махтумқулининг “Сайланма” китоби тақдимоти бўлиб ўтди.

Халқимиз томонидан буюк сўз мутафаккири Алишер Навоий қанчалик эъзозланса, атоқли туркман шоири Махтумқули асарлари ҳам шу қадар эътибор ва эҳтиром билан ўқилади. Бу ҳақда кеча Алишер Навоий номидаги Ўзбекистон Миллий кутубхонасида туркман халқининг атоқли фарзанди Махтумқулининг “Сайланма” китоби тақдимотида сўз юритилди.

Давлат ва жамоат ташкилотлари, дипломатик корпус, туркман миллий маданият маркази вакиллари, ёзувчи ҳамда шоирлар, адабиётшунослар қатнашган мазкур тадбирда Ўзбекистон Матбуот ва ахборот агентлиги бош директори Л. Тангриев, Туркманистоннинг мамлакатимиздаги Муваққат ишлари вакили О. Хуммиев ҳамда бошқалар тили, урф-одатлари ўхшаш бўлган ўзбек ва туркман халқлари азалдан бир-бирининг маданияти, адабиётидан баҳраманд бўлиб келгани, бугун ҳам ижтимоий-иқтисодий, маданий-маърифий соҳалардаги ҳамкорлик фаол ривожланиб бораётганини таъкидлади.

Улуғ шоир Махтумқули ижоди халқларимиз дўстлигини мустаҳкамлашда алоҳида аҳамият касб этади. Президентимиз Шавкат Мирзиёев шу йил 6-7 март кунлари Туркманистонга давлат ташрифи чоғида Туркманистон Президенти Гурбангули Бердимуҳамедовга Махтумқулининг ўзбек тилида чоп этилган “Элингга бахш айла” китобини совға қилгани ҳам фикримиз тасдиғидир.
Махтумқулининг Хивадаги Шерғозихон мадрасасида таҳсил олгани, Алишер Навоийдек буюк сўз санъаткорини ўзига устоз деб билгани халқларимиз ўртасидаги абадий дўстликнинг ажойиб намунасидир.

Дарҳақиқат, асрлар давомида Навоий ҳамда Махтумқули асарлари икки халқда дарслик вазифасини ўтаб келган. Хаттотлар, ихлосмандлар бу икки донишманд шоир асарларини кўчириб, девон ва тўпламлар сифатида халқ ичида тарқатишган. Турли даврларда навоийхонлик, махтумқулихонлик мушоиралари ўтказилган. ХХ-XXI асрларда эса икки шоир ижодининг ўзаро ташвиқотлари, асарларининг нашрлари ва ўрганилиши ўзининг юксак тараққиёт даражасига кўтарилди.

Махтумқулининг “Ўқитувчи” нашриёт-матбаа ижодий уйи томонидан нашр этилган “Сайланма” китоби Президентимизнинг шу йил 13 сентябрдаги “Китоб маҳсулотларини нашр этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғиб қилиш бўйича комплекс чора-тадбирлар дастури тўғрисида”ги қарори ижроси доирасида амалга оширилди. Ундаги халқчил асарлар миллатлараро дўстликни мустаҳкамлаш, меҳр-оқибат, одоб-ахлоқ туйғуларини улуғлаш, ёш авлодни Ватанга муҳаббат руҳида камол топтиришга хизмат қилади.

Мақсуд ЖОНИХОНОВ,
«Халқ сўзи» мухбири.

СЎНГГИ ЯНГИЛИКЛАР