Муаззам, мунаввар ва табаррук
XS.UZ
Январь — октябрь ойларида 141 минг 682 нафар қишлоқ жойларда яшовчи фуқаро иш билан таъминланди Шўрчида йилига 3 минг тонна ип-калава ишлаб чиқарилади Марказий Осиёдаги энг қадимий ёзув Қорақалпоғистондан топилган Австрия банки ўзбекистонлик ёш тадбиркорларга имтиёзли кредитлар тақдим этади Ўзбекистон чемпионати: олтин, кумуш ва бронза медаллари эгалари маълум Ўзбекистон ва Япония терма жамоалари ўртасида ўртоқлик учрашувлари ўтказилади “Амалиёт эътирофи — 2017” ёш журналист кадрлар рағбатлантирилди Тошкентга АҚШ Конгресси Вакиллар палатаси аъзоси Трент Келли бошчилигидаги делегация келади  Тошкентда Марказий Осиё давлатларининг сув бўйича ҳамкорлигига бағишланган халқаро конференция ўтказилади Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз
  • 05 Сентябрь 2017

Муаззам, мунаввар ва табаррук

Мамлакатимизнинг Бош майдонига Мустақиллик майдони номи берилганига бугун 26 йил тўлди.

Ватан — ота-боболаримиз хоки ётган табаррук замин.

Ҳар қарич ери зар, ҳар ҳовуч тупроғи олтин. Шу боис унинг тупроғини кўзимизга тўтиё қиламиз, ҳар манзилини азиз ва мукаррам биламиз.

Азим пойтахтимиздаги Мустақиллик майдони — Ўзбекистоннинг уриб турган юраги. Ватан кўксидаги саждагоҳ. Истиқлолимизнинг ёрқин тимсоли. Мазкур улуғвор маскан барчамизга аждодларимизнинг асрий орзулари рўёбини эслатиб туради. Бу ерда энг улуғ, энг азиз неъмат — мустақиллик қадр-қимматини янада теранроқ англаб етгандек бўламиз.

1991 йил 5 сентябрь. Бу кунни халқимиз Биринчи Президентимиз Фармонига биноан, мамлакатимизнинг Бош майдонига “Мустақиллик майдони” номи берилган тарихий сана сифатида ёдга олади. Шундан буён ўтган йигирма олти йил давомида ушбу манзил ва унга туташ ҳудудда кенг кўламдаги бунёдкорлик ишлари амалга оширилди.

Майдон билан яхлит ансамблни ташкил этувчи Вазирлар Маҳкамаси биноси тубдан қайта таъмирланди, Сенат биноси, Эзгулик аркаси, Тасвирий санъат галереяси каби муҳташам меъморий иншоотлар, хиёбонлар барпо этилди.

Бугун Бош майдонимиздан ўрин олган ҳар бир объект ўзига хос рамзий маънони ифодалайди.

Хусусан, Мустақиллик ва эзгулик монументида дастлаб  юртимизнинг дунё билан бўйлашаётгани, Ўзбекистон ҳам дунё тақдирига бефарқ эмаслиги, ўзбек халқи она-заминимизда тинчлик ва осойишталик ҳукм суриши учун дахлдорлик туйғуси билан яшаётгани, эртасини башарият келажагидан айрича тасаввур этмаслиги ўз аксини топган бўлса, кейинги йилларда у янгича мазмун-моҳият билан бойиди, сайқаллашди, мукаммаллашди. Чунончи, мазкур монументга уйғун равишда Бахтиёр она сиймосини ифодаловчи ҳайкал қад ростлади. Шу тариқа пойтахтимиз юрагида мустақиллик ва эзгулик деган энг азиз, энг улуғ икки қадрият ўзаро уйғунлашди.

Фарзандини қучоғига олиб, унга меҳр тўла кўзларини тикиб турган Бахтиёр онанинг нурли сиймосида қалби меҳрга, эзгуликка лиммо-лим, мунис ва мукаррам ўзбек оналарининг ёрқин тимсолини кўрамиз. У жондан азиз дилбандининг бахти, камолини ўйлаб, айни пайтда бутун дунёга тинчлик, осойишталик тилаётгандек таассурот уйғотади кишида. Нигоҳлари беғубор, ниятлари улуғвор. 

Умумхалқ байрамлари, тантанали маросимларда, спортчиларимизни халқаро мусобақаларга кузатиш чоғида Мустақиллик ва эзгулик монументини зиёрат қилиш анъанага айланган. Чунки Бош майдонимиз, том маънода, тинчлик, эзгулик, бахт-иқбол ва буюк келажагимиз рамзи. Бутун Ўзбекистон халқи бу табаррук қадамжони ана шунинг учун ҳам эъзозлайди. Унга талпинади. Зеро, Президентимиз Шавкат Мирзиёев Ўзбекистон Республикаси мустақиллигининг йигирма олти йиллигига -бағишланган тантанали маросимдаги нутқида таъкидлаганидек, жонажон Ватанимизнинг кўп минг йиллик тарихида янги давр — эркинлик ва озодлик, миллий тикланиш ва тараққиёт даври бошланди. Бу йўлда бизга Истиқлолимиз тимсоли бўлган Мустақиллик майдони ҳамиша чексиз ғурур ва ифтихор, ғайрат-шижоат бахш этиб тураверади. 

Омонулла ФАЙЗИЕВ,

«Халқ сўзи» мухбири.

Шомурот ШАРАПОВ олган сурат.

 

СЎНГГИ ЯНГИЛИКЛАР