Жонажон ватанимизнинг энг улуғ ва энг азиз байрами
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 01 Сентябрь 2017

Жонажон ватанимизнинг энг улуғ ва энг азиз байрами

“Ўзбекистон” халқаро анжуманлар саройида мамлакатимиз мустақиллигининг 26 йиллигига бағишланган байрам тантанаси бўлиб ўтди.

1991 йил 31 август. Бу мамлакатимиз ҳаётидаги унутилмас тарихий санадир. Зеро, йигирма олти йил муқаддам худди шу куни Биринчи Президентимиз Ислом Каримов юксак минбардан туриб Ўзбекистон Республикасининг давлат мустақиллигини эълон қилган эди. Айнан ўша дамда катта мақсад ва режалар билан буюк келажак сари қадам қўйгандик. Бугун эзгу ният ҳамда улуғвор орзуларимиз, ота-боболаримизнинг асрий истаклари рўёбга чиққанига 26 йил тўлди.

Ўтган давр мобайнида озод Ўзбекистонимиз, чин маънода, обод мамлакатга айланди. Ватанимиз иқтисодий салоҳияти, маънавий-маърифий, ижтимоий-сиёсий имкониятлари нечоғли улкан эканлигини дунёга намоён этди. Ўзбекистонни, халқимизни бутун жаҳон таниди, тан олди.

Президентимиз Шавкат Мирзиёев томонидан шу йил 27 июнда имзоланган “Ўзбекистон Республикаси давлат мустақиллигининг йигирма олти йиллик байрамига тайёргарлик кўриш ва уни ўтказиш тўғрисида”ги қарори ҳар бир юртдошимизга чексиз ғурур ҳамда ифтихор бахш этди. Мазкур ҳужжатга биноан, мамлакатимизнинг барча ҳудудида буюк байрамимизни муносиб кутиб олиш ҳамда тантанали равишда нишонлашга қизғин ҳозирлик кўрилди.

Хусусан, қутлуғ санага бағишлаб ўтказилаётган тадбирлар ва тарғибот-ташвиқот ишлари “Фидойинг бўлгаймиз сени, Ўзбекистон!” деган бош ғояни ўзида мужассамлаштиргани шу табаррук заминимизнинг ҳар бир фуқаросини эзгулик сари руҳлантириши, шубҳасиз.

2017 йил 31 август. Пойтахтимизнинг муҳташам “Ўзбекистон” халқаро анжуманлар саройи.

Бу ерга давлат ва жамоат ташкилотлари вакиллари, ҳукумат аъзолари, вазирлик ва идоралар ҳодимлари, фан, маданият ва санъат намояндалари, ишлаб чиқариш -илғорлари, мамлакатимизда фаолият юритаётган хорижий давлатлар элчихоналари ҳамда халқаро ташкилотлар вакиллари, нуроний отахону онахонлар, ёшлар жам бўлишган.

Ўзбекистон Республикаси Президенти Шавкат Мирзиёев ташриф буюради.

Сўз Ўзбекистон Республикаси Президенти Шавкат Мирзиёевга берилади.

Юртбошимиз мустақиллигимизнинг йигирма олти йиллиги билан халқимизни муборакбод этади.

Ўзбекистон Республикаси Давлат мадҳияси янграйди.

Ўтган асрнинг саксонинчи йиллари охири юртимиз учун ўта мураккаб давр бўлди. Халқимиз мустамлака тазйиқида наинки эркини, балки миллийлигини, тилини, динини, ўзлигини ҳам йўқотиш даражасига келиб қолганди.

Тарихимизнинг ана шундай хавотирли, мураккаб пайтида Ислом Каримов Ўзбекистонга раҳбар бўлди. Мустабид тузумга қарши мардонавор курашиб, халқимиз манфаатларини ҳимоя қилди. Ҳали собиқ тузум ҳукмрон пайтда биринчилардан бўлиб Ўзбекистонни мустақил давлат деб эълон қилди.

Ислом Каримов янги ўзбек давлатчилигига асос солди. Ҳалокат ёқасига келиб қолган юртимизни қайта тиклади. Биринчи Президентимиз томонидан ишлаб чиқилган иқтисодий дастурлар мамлакатимизнинг барқарор ривожланишини таъминлади. Оқилона ташқи сиёсат, тинчлик ва ҳамкорлик принципи туфайли мамлакатимиз жаҳон ҳамжамиятида муносиб ўрин эгаллади.

Истиқлолимизнинг 26 йиллигига бағишланган байрам тадбирида Биринчи Президентимиз Ислом Каримов хотираси чуқур эҳтиром билан ёдга олинди.

Саҳна ортидаги улкан мониторда мусаффо осмонимиз, оппоқ кабутарларнинг самога парвоз қилгани тасвири акс этди. Гўё буюк Йўлбошчимиз руҳи жонажон Ватанининг янги парвозларига оқ йўл тилади.

Ўзбекистон ўз мустақиллигининг янги даврига янги етакчи билан қадам қўйди. 2016 йил 4 декабрь куни бўлиб ўтган умумхалқ сайловида Шавкат Мирзиёев Ўзбекистон Республикаси Президенти этиб сайланди.

Шавкат Мирзиёев Ислом Каримов сиёсатини давом эттириш, шу билан бирга, барча соҳадаги ислоҳотларни янада чуқурлаштириш мақсадини баён этди.

“Эркин ва фаровон, демократик Ўзбекистон давлатини мард ва олижаноб халқимиз билан бирга қурамиз” деган тамойилга асосан, мамлакатимизни модернизациялаш, давлат бошқаруви тизимининг сифати ҳамда самарасини ошириш бўйича туб ислоҳотлар қилинди. Бошқарув органлари фаолияти такомиллаштирилди, кўплаб вазирлик ва идоралар қайта ташкил этилди, янги ташкилотлар тузилди.

“Халқ давлат идораларига эмас, балки давлат идоралари халқимизга хизмат қилиши керак” деган тамойилга мувофиқ, халқ билан мулоқотнинг замонавий ва самарали тизими йўлга қўйилди. Ўзбекистон Республикаси Президентининг виртуал қабулхонаси ҳамда Халқ қабулхоналари, жойларда ўтказилаётган сайёр қабуллар инсон манфаатларини таъминлашга хизмат қилмоқда.

“Халқ бой бўлса, давлат ҳам бой ва қудратли бўлади” деган ғоя асосида аҳолига кенг имкониятлар бериш, унинг реал даромадларини кўпайтириш, тадбиркорликни янада ривожлантириш, иш ўринлари яратиш, экспорт ҳажмини кенгайтиришга алоҳида эътибор қаратилмоқда.

Қўшни давлатлар билан муносабатларимиз янада яхшиланди. Президентимизнинг илк давлат ташрифлари қўшни давлатларга бўлди. Ўзаро рақобат эмас, ҳамкорлик қилиш тамойили иқтисодий имкониятларни кенгайтирди, минтақавий хавфсизлик, миллатлараро тотувликни янада мустаҳкамлади.

Мамлакатимизда ёшларга эътибор янада юксак даражага кўтарилди. Буни шу йилнинг 30 июнь санасида пойтахтимиздаги Симпозиумлар саройида давлатимиз раҳбарининг ёшлар билан учрашиб, мақсад ва режалари, ўй-ташвишлари ҳақида дилдан суҳбат қургани мисолида ҳам кўриш мумкин. Айтиш керакки, мазкур анжуманда фаолияти йўлга қўйилган янги ёшлар ташкилотининг яқин истиқболдаги мақсад ҳамда вазифалари хусусида кўплаб таклифлар, мулоҳазалар ўртага ташланди. Буларнинг барчаси Юртбошимизнинг 2017 йил 5 июлдаги “Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида”ги Фармонида тўлиқ ўз ифодасини топди.

Инсон ҳаётдан қачон рози бўлади? Қачонки, у ўз уйига эга бўлса, оиласи билан тинч-тотув яшаса. Айнан ана шу инсонга бўлган эъзозга эҳтиром бугунги куннинг амалий ҳаракатига айланди. Бу қатор нуфузли халқаро ташкилотлар, тадқиқот институтлари томонидан эълон қилинаётган рейтинглар натижаларида ҳам Ўзбекистонда адолатли, -халқпарвар, оқилона сиёсат юритилаётганини, фуқароларнинг турмуш даражаси юксалиб, ҳаётдан мамнунлиги тобора ортиб бораётганида ўз тасдиғини топмоқда. Яқинда АҚШнинг нуфузли “Геллап” тадқиқот ташкилоти томонидан эълон қилинган Хушкайфиятлилик индексида Ўзбекистон 142 давлат орасида 3-ўринни, Мустақил Давлатлар Ҳамдўстлиги мамлакатлари ўртасида эса 1-поғонани эгаллагани бунинг яққол исботидир.

Мустақиллик тантаналарида ана шу бахтиёрлик ва шодлик санъат усталари, бахшилар, шоирлар ҳамда истеъдодли ёшлар айтган куй-қўшиқлар, лапарлар, ашъорларда тараннум этилди. ВАТАН, ИСТИҚЛОЛ, МАРДЛИК, ТИНЧЛИК ҳақидаги энг сара қўшиқлар саҳна узра жаранглади. Демак, энг улуғ, энг азиз байрам тантаналарига муносиб бўлган оҳанграбо хонишлар мана шу қутлуғ саҳнада дунёга келди.

Энг улуғ, энг азиз байрам — Ўзбекистон Республикаси мустақиллигининг 26 йиллиги тантаналари мамлакатимиз бўйлаб катта шодиёналар билан давом этмоқда.

Мақсуд ЖОНИХОНОВ,

«Халқ сўзи» мухбири.

 

 

 

 

СЎНГГИ ЯНГИЛИКЛАР