XS.UZ
Ўзбекистон Президенти Америка Қўшма Штатларига келди Шавкат Мирзиёев Осиё ўйинларининг очилиш маросимида иштирок этди Ўзбекистон ва Қирғизистон Президентларининг телефон орқали мулоқоти тўғрисида Ижтимоий адолатни қарор топтириш Она тилига эътибор ва масъулият Соғлом рақобат муҳити кучаяди Ўзбек халқи Мьянмалик қочқинларга ёрдам қўлини узатди Бой тажриба ва ибрат мактаби Сурхондарё соҳилида янги сўлим маскан Давлат идораларида мурожаатларга муносабат ўзгармоқда Дастлабки кунда ўн учта медаль Осиё чемпионати якунланди АКТ Саммити, роботлар намойиши ва интерактив лойиҳалар Тадбиркорларнинг ишончли ҳимоячиси Солиқ имтиёзлари аҳоли турмуш фаровонлиги кафолатидир Тиббий патронаж хизмати янгича ёндашув, изчил фаолият ва фидойи меҳнатни талаб этади Яқин қардошлик ва ўзаро манфаатдорликка асосланган ҳамкорликнинг янги босқичи Ўзбекистон Президентининг Америка Қўшма Штатларига ташрифига доир Ўзбекистон — БМТ: барқарорлик, тараққиёт ва фаровонлик йўлидаги ҳамкорлик Нодавлат таълим хизматлари кўрсатиш фаолиятини янада ривожлантириш чора-тадбирлари тўғрисида Ўзбекистон элчиси Бельгияликлар Қиролига ишонч ёрлиқларини топширди Ўзбекистон – Қозоғистон бизнес-форуми Ҳуқуқий ахборот ўз вақтида, муфассал ва очиқ етказилади Бошқарувнинг илғор усуллари жорий этилади Пойтахтимиз ижтимоий-сиёсий ҳаётида муҳим тадбир Атроф-муҳит мусаффолиги барчамиздан юксак масъулият талаб этади Муҳаммад ал-Хоразмий номидаги ахборот-коммуникация технологиялари йўналишига оид фанларни чуқурлаштириб ўқитишга ихтисослаштирилган мактабни ташкил этиш тўғрисида Мирзо Улуғбек номидаги ихтисослаштирилган давлат умумтаълим мактаб-интернатини ва «астрономия ва аэронавтика» боғини ташкил этиш тўғрисида Ўзбекистон Президентининг Туркманистонга ташрифига доир Спорт — тинчлик ва ҳамкорлик таянчи
  • 28 Август 2017

Эзгуликка чорловчи оҳанглар

“Шарқ тароналари” халқаро мусиқа фестивали дунё миқёсида нуфузи тобора ортиб бораётган умумбашарий мусиқа анжуманидир. Буни шу кунларда Ер юзининг турли қитъаларидан кўҳна ва ҳамиша навқирон Самар­қандга ташриф буюраётган чет эллик санъаткорлар, олим ҳамда мутахассисларнинг эътирофи, эътибори, ҳавас ва ҳайратидан ҳам билиш мумкин.

Самарқанд шаҳридаги “Регистон плаза” меҳмонхонасида “Шарқ ­халқлари мусиқа маданиятида миллий анъаналарнинг шаклланиши ва ривожланиши” мавзуида ўтказилган илмий конференцияда ҳам ана шу ҳақда фикр юритилди. Анжуманда мамлакатимиз вакилларидан ташқари, Афғонистон, Буюк Британия, Венгрия, Вьетнам, Германия, ­Италия, Канада, Япония, Корея Республикаси, Латвия, Тожикистон, Эрон, Қирғизистон каби давлат­лардан таниқли мусиқашунос ва тарихчи олимлар, санъаткорлар ўз маърузалари билан қатнашди.

Тадбирда сўзга чиққан Ўзбекистон Республикаси маданият вазири Б. Сайфуллаев, Самарқанд шаҳар ҳокими Ф. Раҳимов ва бошқалар ушбу фестивалнинг мазмун-моҳияти, мақсад ҳамда вазифалари хусусида батафсил маълумот беришди.

Таъкидлаш жоизки, хорижлик санъаткорларнинг “Регистон” ­майдони, “Сўғдиёна” ва “Ёшлик” истироҳат боғлари, Ҳамид Олимжон номидаги вилоят мусиқали драма театри ҳовлиси, Самарқанд, Тайлоқ, Оқдарё, Жомбой, Пайариқ туманларидаги чиқишлари маҳаллий аҳоли вакиллари ҳамда меҳмонларда катта таассурот қолдирмоқда. Масалан, Жомбой туманида ўтказилган ана шундай учрашувда ҳам созанда ва хонандаларнинг қўшиқларига каттаю кичикнинг бирдек жўр бўлиши, ўзбекона мусиқа ҳамда қўшиқлар ижро этилганда эса Ер юзининг олис бир нуқтасидан келган меҳмонларнинг ­“Тановар” ва “Мустаҳзод”ни санъаткорларимизга қўшилиб айтишгани ажиб бир манзара касб этди. Гарчи тадбир дастурлари учун белгиланган вақт якунланган бўлса-да, ҳеч кимнинг кетгиси келмасди. ­Чунки куй-қўшиқ, тароналар тили, дини, миллати, ирқи бошқа-бошқа бўлган давлат вакилларини ягона мақсад — Тинчлик қўшиғини ­куйлашга ундаган эди. Мана шу ҳолатнинг ўзиёқ мамлакатимизда бўлиб ўтаётган “Шарқ тароналари”нинг ўрни ва аҳамияти нечоғли ­юксак эканлигини яна бир карра исботлади.

—        Жаҳон санъат аҳлининг ­афсонавий Самарқандга келиб, худди азал-азалдан танишдек дийдорлашаётганини кўриб, кўнглимиз фахру ифтихорга тўлмоқда, — дейди Ўзбекистон Республикаси халқ артисти, “Шарқ тароналари — 2017” халқаро мусиқа фестивали ҳакамлар ҳайъати аъзоси Муножат Йўлчиева. — Бундан кўринадики, асл қўшиқ миллат танламайди, ­қалбларга кириб бораверади.

— Самарқандга ташриф буюриб, кутганимдан кўпроқ таассуротлар олаяпман, — дейди Голландиянинг “Экспат” журнали ижодий ходими Ли Аджам Рой. — Бу кентни ­академик шаҳарга қиёсладим. ­Боиси тажрибали педагоглар фаолият юритадиган қатор олий ва ўрта махсус таълим муассасалари бор экан. Айниқса, ушбу даргоҳларда таҳсил олаётган ёшлар ­билан учрашиб, уларнинг билимдон­лигига қойил қолдим. Ўзбек ёшларининг хорижий тилларда эмин-эркин ­гаплашаётгани яна бир марта ­ҳайратим ва ҳавасимни оширди.

— Фестивалнинг айнан Самар­қандда ўтказилиши бежиз эмас экан, — дейди Италиянинг “Нантишия” гуруҳи аъзоси Аннализа ­Мессина. — Асрлар оша яшаб ­келаётган қадимий наволар ­тарихий обидалар аро янграса, ўзингизни замонлар уйғунлигида ҳис этиб, мўъжизавий туйғуларга ошно этади. Самарқанднинг тарихий бинолари ва кўчалари менга худдики Италияни эслатмоқда. ­Негаки, бу шаҳар ҳам Италия каби буюк тарихга эга. Бизнинг ­“Нантишия” гуруҳимиз ушбу ­фестивалда “Казерта” — Римнинг қадимий лаҳжасидаги анъанавий ва миллий қўшиқларни тақдим этмоқда. Санъатга, санъаткорларга бўлган юксак эътибордан жудаям миннатдормиз.

Мамадиёр ЗИЁДИНОВ,

Мақсуд ЖОНИХОНОВ,

«Халқ сўзи» мухбирлари.

 

 

Кўриш қобилияти чекланганлар учун

A- A A+

Кўп ўқилган