Мақсад бир, ғоя бир, Ватан ягона
XS.UZ
Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини
  • 19 Август 2017

Мақсад бир, ғоя бир, Ватан ягона

Мамлакатимизда миллатлараро тотувлик мустаҳкамланиб бораётгани тараққиёт йўлидаги энг катта ютуқларимиздан биридир. Бундай аҳиллик муҳитини таъминлаш Асосий Қонунимиз — Конституциямизда ҳам белгилаб қўйилгани барқарор тинчлик ва осойишталикнинг гарови бўлиб хизмат қилмоқда. Буни шу кунларда Фарғона вилояти бўйлаб мустақиллигимизнинг 26 йиллигига бағишлаб ўтказилаётган “Фидойинг бўлгаймиз сени, Ўзбекистон!” шиори остидаги “Ўзбекистон — умумий уйимиз” фестивали мисолида ҳам кузатиш мумкин.

Ислом Каримов номидаги Фарғона вилояти Театр-концерт саройида рус, татар, яҳудий ва бошқа миллий маданий марказлар, уларнинг қошидаги бадиий жамоалар ва кенг аҳоли вакиллари қатнашган тадбирда сўзга чиққанлар юртимизда бағрикенглик ҳамда инсонпарварлик тамойиллари асосида улкан ишлар амалга оширилаётганини, барча миллат ва элат вакилларига муносиб шароитлар яратиб берилаётганини эътироф этдилар.

Фестивалда Ватан тараннум этилган тароналар янгради. Айниқса, татар миллий маданий маркази қошидаги “Кубалягем” ансамбли ижросидаги чиқишлар юртдошларимизга манзур бўлди. Ўзбекона оҳанглар барчани рақсга чорлади.

— Истиқлол айёми олдидан бу каби тадбирларни бир қатор ҳудудларда уюштириб, дўстлик ва юрт мадҳига бағишланган қўшиқларимизни тақдим этаяпмиз, — дейди ансамбль бадиий раҳбари Равия Курмашева. — Анъанавий тарзда ўтказилаётган ушбу фестиваль миллатлар ўртасидаги ўзаро дўстлик, меҳр-оқибат муҳитини мустаҳкамлаш, ушбу эзгу қадриятларни ёш авлод онгига сингдиришда муҳим аҳамиятга эгадир.

Тошлоқ туманидаги 35-умумтаълим мактабида ўтказилган ана шундай анжуман ҳам унинг иштирокчиларида бир олам таассурот қолдирди.

Тадбир аввалида сўзга чиққан туман ҳокимлиги, вилоят қирғиз миллий маданий маркази вакиллари, ҳудуднинг  имом-хатиблари, маҳалла раислари ва фаоллари мамлакатимизда этник ўзига хосликни ривожлантириш ва миллатлараро муносабатларни янада уйғунлаштиришга юксак эътибор қаратилаётганини, бу, ўз навбатида, турли маданиятларнинг бир-бирини ўзаро бойитишига, кўп миллатли ягона оила туйғусини мустаҳкамлашга салмоқли ҳисса бўлиб қўшилаётганини таъкидладилар. Асосан, қирғизлар истиқомат қилаётган мазкур ҳудудда аҳолининг фаровон ҳаёти, ёшларнинг эришаётган муваффақиятлари ана шу тинчлик ва дўстликнинг меваси эканлигини эътироф этдилар.

— Бугун вилоятимизнинг ўзида қирғиз миллатига мансуб 70 мингдан зиёд аҳоли истиқомат қилади, — деди вилоят қирғиз миллий маданий маркази раиси Мушаррафхон Қўчқорова. — Уларнинг аксарияти турли соҳалардаги фаолияти учун ўтган йилларда -давлат мукофотлари билан тақдирланган. Бу диёримизда ҳар бир инсон азиз эканлигининг ёрқин ифодасидир. Бу каби сермазмун фестиваль ҳамда тадбирлар Ёзёвон, Риштон, Ўзбекистон, Фарғона, Қўштепа туманлари ва Қувасой шаҳрида ҳам ўтказилди. Тадбирларда марказимиз қошидаги “Сулув қиз” ансамбли миллий куй-қўшиқлари билан фаол қатнашди.

Элёржон ЭҲСОНОВ,

«Халқ сўзи» мухбири.

 

СЎНГГИ ЯНГИЛИКЛАР