Фарғонада адабиёт байрами
XS.UZ
Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини
  • 12 Август 2017

Фарғонада адабиёт байрами

Айни кунларда Фарғона вилоятининг шаҳар ва туманларида ўзбек мумтоз адабиётининг йирик намояндаси Амирий таваллудининг 230 йиллиги, Ҳазиний таваллудининг 150 йиллиги, Ўзбекистон халқ ёзувчиси Абдулла Қаҳҳор таваллудининг 110 йиллиги, Йўлдош Сулаймон таваллудининг 80 йиллиги, Ўзбекистон халқ шоири Анвар Обиджон таваллудининг 70 йиллиги кенг нишонланаяпти. Бу каби адабиёт байрамлари ёзувчи ҳамда шоирларимизнинг ижодий меросини ўрганиш, ёш авлодни Ватанга муҳаббат ва садоқат, миллий ҳамда умуминсоний қадриятлар руҳида тарбиялашда муҳим аҳамиятга эга.

Ўзбекистон Ёзувчилар уюшмаси ва вилоят ҳокимлиги ҳамкорлигида ташкил этилган тадбирларга таниқли ижодкорлар, адабиётшунос олимлар, ёш истеъдодлар таклиф қилинди. Адабиёт байрами кўҳна ҳамда навқирон Қўқон шаҳрида бошланди. Карнай-сурнай садолари ва “Қўқон ёр-ёри” ансамблининг шўх ялла ҳамда лапарлари қадимий ўрдага ташриф буюрган меҳмонларга чексиз завқу шавқ улашди. Тадбир иштирокчилари китоблар кўргазмаси билан яқиндан танишдилар.

Мулоқотлар чоғида меъморий обиданинг қурилиш тарихи, унда олиб борилган бунёдкорлик юмушлари ҳақида сўз борди. Шунингдек, иқтидорли ўқувчилар Амирий ва Нодирабегим ғазалларидан намуналар ўқишди, ёш ҳофизлар томонидан мақомлар ижро этилди.

Қўқон шаҳар мусиқали драма театрида ўтказилган “Амирий ва Қўқон адабий муҳити” деб номланган илмий-амалий анжуманда Президентимизнинг яқинда мамлакатимиз ижодкор зиёлилари вакиллари билан учрашувдаги маърузаси мазмун-моҳияти, юртимизда маданият ҳамда адабиёт соҳасига қаратилаётган юксак эътибор ҳақида фикр юритилди.

Тадбирда Ўзбекистон Ёзувчилар уюшмаси раиси, халқ ёзувчиси Муҳаммад Али ва бошқалар Амир Умархон (Амирий) ижоди ҳақидаги мушоҳадалари билан ўртоқлашдилар.

Шунингдек, атоқли адиб Абдулла Қаҳҳор ҳаёти ва ижодига бағишланган илмий-амалий анжуман ҳам иштирокчиларда унутилмас хотиралар қолдирди.

Учкўприк туманида эса оташзабон шоир Зиёвуддинхон Каттаҳожи ўғли Ҳазиний таваллуди қутлуғ санаси муносабати билан “Ҳазиний ижодини ўрганамиз” номли адабий тадбир ўтказилди.

Устоз шоир Йўлдош Сулаймон камол топган Ўзбекистон туманининг Ойдинбулоқ қишлоғига ижодкорлар ва адабиёт мухлислари, туман ҳокимлиги вакиллари, маънавият фидойилари шоирни ёд этиш учун келишди. Тадбир ташкилотчилари ҳамда меҳмонлар шоирнинг хонадонида бўлиб, унинг оила аъзолари, яқинлари билан самимий мулоқот қилдилар.

— Адабиёт аҳлини бирлаштирган бу тадбир ёшлар учун катта ибрат мактаби бўлди, десак, муболаға эмас, — дейди “Қалдирғоч” адабий тўгараги аъзоларидан бири Паризода Рўзибоева. — Йўлдош Сулаймон юракдан ёзадиган, Фарғонани тараннум этган соҳир қалб эгаси эди. Унинг шеърлари кишини Ватанни чин дилдан, ёниб, чулғаниб севишга ўргатади.

Ўзбекистон халқ шоири Анвар Обиджон таваллудининг 70 йиллиги муносабати билан Олтиариқ туманида бошланган адабий анжуман Ислом Каримов номидаги вилоят Театр-концерт саройидаги тантаналарга уланиб кетди.

Тадбир аввалида шоирнинг “Юртим бугуни” шеъри ўқилди. Жўшқин сатрларда юртдошларимизнинг тинчликка, Ватанга муҳаббати тараннум этилган. Мусиқали адабий композициядан Фарғона мумтоз адабиётининг намояндалари, санъатимизнинг етук дарғалари тимсоли ўрин олгани назм оқшомига янада файз киритди.

Эл меҳрини қозонган Анвар Обиджонни зиёлилар, шоирлар, давлат арбоблари, олимлар, журналистлар, бир гуруҳ истеъдодли ёшлар ва ижодкорлар қутлашди. Шоир ижодига нисбатан ҳаққоний таъриф ва эътирофлар билдирилди.

Тадбирларда Фарғона вилояти ҳокими Ш. ўаниев қатнашди.

Элёржон ЭҲСОНОВ,

«Халқ сўзи» мухбири.