Замон ва ижодкор
  • 11 Август 2017

Замон ва ижодкор

Озод, обод, халқи фаровон яшайдиган, юксак тараққиётга эришган гўзал ва олижаноб жамиятни барпо этиш Президентимиз белгилаб берган Ҳаракатлар стратегиясининг мазмун-моҳиятини ўзида ифода этади.

— Ҳар бир соҳада туб янгиланишлар юз бераётганига барчамиз гувоҳмиз, — дейди Ўзбекистон Ёзувчилар уюшмаси раиси 

М. Аҳмедов. —  Шаҳару қишлоқларимизда амалга оширилаётган бунёдкорликлар, тизимли ислоҳотлар, эзгуликка йўғрилган қувончли воқеа-ҳодисалар, таъбир жоиз бўлса, қалбимизда акс садо бермоқда. Шундай экан, маънавиятимизнинг бош бўғини — миллий адабиётимиз ҳам юксак чўққиларни забт этиши, жаҳонда буюк аждодларимиз эгаллаган мавқе ва шон-шуҳратга муносиб тарзда фаолият юритиши зарур. Бу эса қалам аҳлидан улкан фидойиликни талаб қилади.

Давлатимиз раҳбари Ўзбекистон ижодкор зиёлилари вакиллари билан бўлган учрашувда ҳаётимизга, ижодимизга нисбатан олий даражадаги муносабатни билдириб ўтдилар. Демакки, ҳис-ҳаяжонга тўлиб, завқу шавқ билан ишлаш вақти келди. Шарт-шароитлар рисоладагидан-да зиёда. Ҳеч нарсадан зинҳор камимиз бўлмайди. Сўралгани шу: ижод қилинг, элимиз, ёшларимиз ички дунёсини обод этишга ҳисса қўшинг. Бадииятда бой анъана ва тажрибаларимизни дунёга кўрсатинг. Бугунимизнинг шеърий ва насрий солномаларини яратиб, келажак авлодга бебаҳо мерос сифатида қолдиринг.

Ўзбекистон Ёзувчилар уюшмасида бўлиб ўтган тадбирда замон ва ижодкор масъулияти хусусида атрофлича сўз борди. Шоир ва адибларимиз давр билан ҳамнафас, ҳамқадам бўлиб, истеъдодларини намойиш этишлари лозимлиги таъкидланди.

Тадбирда иштирокчилар таклиф ва мулоҳазаларини билдирдилар.

А. ҚУТБИДДИНОВ.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn