Нуфузли фестиваль юқори савияда ўтади
  • 08 Август 2017

Нуфузли фестиваль юқори савияда ўтади

Самарқанд шаҳрида “Шарқ тароналари” XI халқаро мусиқа фестивалига тайёргарлик ишларининг боришига бағишланган матбуот анжумани бўлиб ўтди.

Унда ушбу мусиқа байрамига масъуллар — вилоят, шаҳар ҳокимликлари мутасаддилари ҳамда оммавий ахборот воситалари вакиллари иштирок этди.
Таъкидланганидек, бу галги фестивалда 52 давлатдан 260 нафар иштирокчи қатнашиши кутилмоқда. Тадбир давомида меҳмонларга хорижий тилларни биладиган мутасаддилар ҳамкорлик қилади. Самарқанд давлат чет тиллар институтининг 201 нафар ёш ўқитувчи ва магистрантлари ҳам таржимонлик хизматини кўрсатади.
Фестиваль иштирокчилари жойлашадиган меҳмонхоналар, тадбирлар бўлиб ўтадиган жойларда алоҳида тиббий хоналар ташкил этилди, тажрибали шифокор ва ҳамширалар бириктирилди. 

Мамадиёр ЗИЁДИНОВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn