XS.UZ
Ўзбекистон Республикаси Президенти Шавкат мирзиёевнинг Бирлашган Миллатлар Ташкилоти Бош Ассамблеясининг 72-сессиясидаги нутқи Ўзбекистон Президентининг АҚШга ташрифи Халқаро валюта жамғармасининг фармойиш берувчи директори Кристин Лагард баёноти Покистон Ислом Республикаси Қуролли Кучлари делегацияси ташрифи Ислом Каримов номидаги илмий-маърифий мемориал мажмуа кутубхонаси фонди яна 500 дан зиёд китоблар билан бойиди «Ўзбекистон — Евроосиёдаги янги иқтисодий тараққиёт замини» Ўзбекистон минтақада прагматик сиёсат олиб бормоқда Илму фан ва зиё маскани Болалар зарарли ахборот хавф-хатарларидан ҳимоя қилинади Аҳоли саломатлиги йўлида Юртимизда етиштирилган қовунлар европаликлар дастурхонида Миллат маънавиятига дахлдор масала Меҳнатимиз самараси шогирдлар камолида кўринади Ўзбекистон Президенти Америка Қўшма Штатларига келди Шавкат Мирзиёев Осиё ўйинларининг очилиш маросимида иштирок этди Ўзбекистон ва Қирғизистон Президентларининг телефон орқали мулоқоти тўғрисида Ижтимоий адолатни қарор топтириш Она тилига эътибор ва масъулият Соғлом рақобат муҳити кучаяди Ўзбек халқи Мьянмалик қочқинларга ёрдам қўлини узатди Бой тажриба ва ибрат мактаби Сурхондарё соҳилида янги сўлим маскан Давлат идораларида мурожаатларга муносабат ўзгармоқда Дастлабки кунда ўн учта медаль Осиё чемпионати якунланди АКТ Саммити, роботлар намойиши ва интерактив лойиҳалар Тадбиркорларнинг ишончли ҳимоячиси Солиқ имтиёзлари аҳоли турмуш фаровонлиги кафолатидир Тиббий патронаж хизмати янгича ёндашув, изчил фаолият ва фидойи меҳнатни талаб этади Яқин қардошлик ва ўзаро манфаатдорликка асосланган ҳамкорликнинг янги босқичи
  • 19 Май 2017

«Нурли мангулик»

Пойтахтимизнинг Алишер Навоий номидаги Ўзбекистон Миллий кутубхонасида ўзбек театр санъатининг етук намояндаси — Ўзбекистон Қаҳрамони, Ўзбекистон Республикаси халқ артисти Зикир Муҳаммаджонов хотирасига бағишланган “Нурли мангулик” китоби тақдимоти ўтказилди. Тадбирда давлат ва жамоат ташкилотлари -вакиллари, санъаткорлар, ёзувчилар, шоирлар, драматурглар, ёшлар иштирок этди.

Унда сўз олган Ўзбекистон Фанлар академияси академиги Азиз Қаюмов, Ўзбекистон Қаҳрамони Холиджон Комилов, Ўзбекистон мусулмонлари идораси раиси ўринбосари Абдулазиз Мансуров ва бошқалар бугунги глобаллашув даврида ёшларни юксак маънавиятли инсонлар этиб тарбиялаш, уларнинг ҳаётда ўз ўринларини топишига кўмаклашиш долзарб вазифа эканини, бу борада театр санъати алоҳида аҳамият касб -этишини, хусусан, Зикир Муҳаммаджонов мероси ўзига хос мактаб вазифасини ўташини таъкидлашди. 

Ўзбек Миллий академик драма театри тарихига назар солсак, табиийки, уни Зикир Муҳаммаджонов санъатисиз тасаввур қилиш мушкул. У жуда кўп саҳна асарларида бош ролларни ижро этиб, ижоди, услуби ва дубляж жараёнларидаги бетакрор овози билан халқимиз қалбидан чуқур жой олган. Чунончи, Темур Малик, Абу Райҳон Беруний, Мирзо Улуғбек, Алишер Навоий, Ҳусайн Бойқаро каби буюк тарихий шахсларнинг сиймоси унинг ижросида санъатимиз солномасида мангу қолди.

“Ўзбекистон” нашриётида “Ажойиб кишилар ҳаёти” туркумида чоп этилган “Нурли мангулик” (Ўзбекистон Қаҳрамони Зикир Муҳаммаджонов замондошлари хотирасида) тўпламида ана шулар ҳақида сўз боради. Унда халқимизнинг севимли санъаткорини яқиндан билган, таниган инсонлар, ҳамкасблари, шогирдларининг хотиралари ўрин олган. Улуғ санъаткорнинг ижодий фаолияти, ўзига хос фазилатлари, касбига бўлган меҳр-муҳаббати, фидойилиги, устозлари ҳақидаги турфа фикрлар китобхонларни бефарқ қолдирмайди.

Тадбирда Зикир Муҳаммаджонов хотирасига бағишлаб ёзилган шеърлар ўқилди, куй-қўшиқлар ижро этилди.

Раҳимжон ШЕРҚУЛОВ,

«Халқ сўзи» мухбири.

 

Кўриш қобилияти чекланганлар учун

A- A A+

Кўп ўқилган