Янги гузар фойдаланишга топширилди
  • 16 Май 2017

Янги гузар фойдаланишга топширилди

Андижон туманидаги Храбек қишлоғида янги гузар барпо этилди. 

Тадбиркор Шуҳратбек Мамадаев раҳбарлигидаги “Гулистон умид бўстони” масъулияти чекланган жамияти жамоаси томонидан замонавий ва қулай гузар биноси қуриб битказилди. Ушбу маскандан тантаналар саройи, ошхона, савдо дўкони ва бир нечта маиший хизмат кўрсатиш шохобчалари жой олган.

— Мазкур истиқболли лойиҳаларни амалга оширишда банк томонидан ажратилган 300 миллион сўмлик кредит маблағидан самарали фойдаландик, — дейди Ш. Мамадаев. — Мажмуани барпо этишда аҳоли эҳтиёжи ҳамда талабини инобатга олдик.

Гулистон маҳалласидаги ушбу бунёдкорлик туфайли 16 нафар ёш доимий иш жойига эга бўлди. Тез орада бу ерда тикувчилик цехи фаолият бошлайди. Натижада 15 та қўшимча иш ўрни яратилади. 

Саминжон ҲУСАНОВ,

«Халқ сўзи» мухбири.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn