XS.UZ
Ўзбекистон халқ артисти Комилжон Отаниёзов таваллудининг 100 йиллик байрами қатнашчиларига Атоқли санъаткор хотирасига эҳтиром Пойтахтимизнинг «жанубий дарвозаси» янада қулай, шинам ва кўркам бўлади Академия профессионал кадрлар тайёрлаш маскани бўлмоғи лозим Дори-дармон таъминотида сунъий тақчиллик юзага келмайди Сув келтирган элда азиз Ўзаро манфаатли ҳамкорликни янги даражага олиб чиқиш йўлида Академик Борис Бондаренко Изланиш ва янгича ишлаш самараси аҳоли бандлигини таъминлашда ўз ифодасини топмоқда Жиноятга жазо муқаррар, аммо... Ривожланиш истиқболлари муҳокамаси Ҳамюртимиздан ўтадигани топилмади Нодир асарлар хазинаси «Ягонасан, муқаддас Ватан!» Сиёсий партиялар: Амалий ишлар билан халқ ишончини қозониш мумкин Солиққа оид ўзгаришлар тадбиркорлар манфаатларига хизмат қилади Ишбилармон хотин-қизлар ташаббуси қўллаб-қувватланмоқда Хорижий инвестор: яратиб берилаётган имкониятлардан мамнунмиз Осуда ва хотиржам ҳаёт «Бир болага етти маҳалла ҳам ота, ҳам она» «Нексия» музейдан жой олди Мурожаатлар адолатли ечим топмоқда Асосий мақсад — одил судловни таъминлаш Ҳавзалар баракаси 40 минг тоннага кўпаяди «Муҳаббат оламининг булбули» Юракдан куйланган қўшиқлар «Замонамиз қаҳрамонлари» Солиқ маъмуриятчилигини тубдан такомиллаштириш, солиқлар ва бошқа мажбурий тўловларнинг йиғилувчанлигини ошириш чора-тадбирлари тўғрисида «Маҳалла ифтихори» — ҳам рағбат, ҳам шараф Депутат «юқори»дан топшириқ кутмаслиги керак
  • 12 Май 2017

Тожикистонда Ўзбекистон маданияти кунлари

10 май куни Тожикистонда Ўзбекистон маданияти кунлари бошланди. Ушбу маданий тадбир қўшни мамлакатнинг турли шаҳарларини қамраб олмоқда.

Тожикистон Кинематографлар уюшмасининг Киночилар уйида “Ота” фильми ҳамда Садриддин Айний номидаги Давлат опера ва балет академик театрида “Замонавий Ўзбекистон” фото кўргазмаси намойиши, шунингдек, мамлакат ҳудудлари аҳолиси учун ранг-баранг мусиқий тадбирлар Ўзбекистон маданияти кунларининг дастуридан жой олган. 

Ижодий учрашувлар ўтказиш, икки томонлама маданий муносабатларни қўллаб-қувватлаш ва мустаҳкамлаш учун 50 нафар санъат аҳлидан иборат Ўзбекистон делегацияси Тожикистонга келди.

Ўзбекистон маданияти кунлари маҳаллий оммавий ахборот воситаларида кенг ёритилмоқда. “Avesta”, “ASIA-Plus” ва “Ховар” ахборот агентликлари веб-саҳифаларида ушбу маданий воқеага бағишланган қатор хабар-мақолалар эълон қилинмоқда. 

Уларда хабар берилганидек, мазкур тадбирга бағишлаб ўтказилган матбуот анжуманида Тожикистон маданият вазири Шамсиддин Орумбекзода икки қардош халқ ҳамиша ўзаро маданий алоқаларни қўллаб-қувватлаб келганини қайд этди. “Тожикистонда Ўзбекистон маданияти кунларининг муҳимлиги шундаки, икки мамлакат маданий қатламлари ўртасида янада яқин ҳамкорлик учун кенг йўл очилмоқда”, деди у. 

Тожикистон оммавий ахборот воситаларида маълум қилинишича, тадбир доирасида Ўзбекистон делегацияси раҳбари, мамлакатимиз маданият вазирининг биринчи ўринбосари Минҳожиддин Ҳожиматов билан музокаралар бўлиб ўтди. Учрашувлар якунлари ҳақида гапирар экан, Тожикистон Маданият вазирлиги раҳбари шундай баёнот берди: “Биз имкони бўлган барча йўналишда, илм-фан ва маданият соҳаларида, ҳатто театрлар ҳамда маданият саройлари ўртасида ўзаро яқин ҳамкорликни йўлга қўйишга қарор қилдик”.

Маҳаллий ахборот агентликларининг хабар беришича, Ўзбекистон маданияти кунларининг расмий ёпилиш маросими бугун Садриддин Айний номидаги Давлат опера ва балет академик театрида бўлиб ўтади. 

«Жаҳон» АА.

 Душанбе

 

Кўриш қобилияти чекланганлар учун

A- A A+

Кўп ўқилган